Entstowwe van Covax binne drie weke verwag

Die minister van gesondheid en maatskaplike dienste, dr. Kalumbi Shangula, sê volgens Covax sal Namibië in die volgende drie weke die land se beloofde entstowwe ontvang. Met verwysing na die ontplooiing van die land se immuniseringsveldtog teen Covid-19 het Shangula die veldtog as 'n sukses beskryf. Volgens hom duur dit ten minste 'n uur vir een persoon om ingeënt te word. Shangula sê die meeste van die meer as 1 200 mense wat tot dusver ingeënt is, was gesondheidswerkers.