Entstowwe teen Covid-19 steeds doeltreffend

Die minister van gesondheid en maatskaplike dienste, dr. Kalumbi Shangula, sê Covid-19-entstowwe wat tans in die land beskikbaar is, is steeds doeltreffend teen die nuwe variant Omicron. Volgens Shangula beskerm dit steeds mense teen ernstige siekte, hospitalisasie en sterfte. Shangula sê die 18 gevalle van Omicron wat in Namibië aangeteken is, is meestal in Khomas aangeteken en kan verantwoordelik wees vir die styging in gevalle in dié streek.