Enjinprobleme lei glo tot SA vliegongeluk

Jana MarxTwee mense is Dinsdag dood toe ’n vliegtuig by die Wonderboom-lughawe in Pretoria neergestort het. Netwerk24 het betroubaar verneem die eerste slagoffer was die vlugingenieur, Christo Barnard en nog ’n onbekende persoon wat na bewering nie ’n insittende van die vliegtuig was nie.Die agterkant van die vliegtuig het in die ongeluk ’n melkery op die grond getref. Sewe fabriekswerkers is beseer, waarvan die een sy been verloor het. Drie van die sewe was Dinsdag nog in ’n kritieke toestand.Die passasiers het volgens die Nederlandse De Volkskrant twee Australiese vlieëniers, vier Suid-Afrikaanse tegnici en drie personeellede van die pretpark Aviodrome in Nederland ingesluit.Die rook wat uit ’n geskiedkundige Convair 340-vliegtuig getrek het net voordat dit Dinsdag in Pretoria neergestort het, het vermoedelik uit een van die twee enjins gekom, het Benno Baksteen, ’n lugvaartkenner aan die Nederlandse nuusblad De Stentor gesê. Dié vliegtuig is in 1954 gebou.Die vliegtuig het neergestort kort nadat dit by die Wonderboom-lughawe opgestyg het vir ’n toetsvlug. Dit sou kort daarna na die Aviodrome-pretpark in Lelystad, Nederland, vertrek het.Volgens Baksteen is dit duidelik dat die vlieënier na die lughawe probeer terugkeer het die oomblik toe hy besef daar is fout met die enjin.Vlieëniers word opgelei om ’n vliegtuig veilig te laat land wanneer ’n enjin onklaar raak, sê Baksteen. Die opleiding behels dat ’n vliegtuig dadelik terugdraai na die lughawe en in ’n sirkel vlieg totdat daar geland kan word. Volgens Baksteen was die Convair so driekwart deur die noodlandingsproses toe dit neergestort het.Baksteen sê hy verstaan nie waarom die noodlanding nie deurgevoer kon word nie en meen dit behoort moontlik te wees om suksesvol met een enjin te land, “selfs in die geval van ’n ou vliegtuig”, want “enjinprobleme is nie besonderse (probleme) nie”.Ou vliegtuie, soos hierdie een van 1954, het suierenjins, verduidelik Baksteen. Dit is gekompliseerde enjins, want die kans vir probleme is groter, maar dit is steeds betroubare enjins, meen hy.bestem vir massatoerismeDie Convair 340-vliegtuig het tydens ’n toetsvlug neergestort, en was bestem vir massatoerisme.Só lui ’n vorige verklaring deur die Aviodrome-pretpark in Lelystad, Nederland, waar dié geskiedkundige vliegtuig op 23 Julie met ’n groot feestelikheid verwelkom sou word. Dit sou glo die pretpark se sleutel tot “massatoerisme” wees.Ná die Tweede Wêreldoorlog het daar ’n behoefte ontstaan aan ’n vliegtuig wat meer passasiers oor langer afstande kan vervoer. Die behoefte was ook aan ’n gerieflike vlug, en daarom het die vliegtuig ’n kajuit gehad wat van drukreëling voorsien is, wat dit in staat gestel het om bo slegte weerstoestande te vlieg.Die Nederlandse lugdiens, KLM, het 24 sulke vliegtuie gehad. Vanweë die reeks se sukses het Martin’s Air Charter, wat in 1958 gestig is, een Convair-vliegtuig oorgekoop.Martin’s Air Charter, wat nou bekend staan as Martinair, het later met KLM saamgesmelt en die vliegtuig het sedertdien aan Rovos Rail, ’n Suid-Afrikaanse treinmaatskappy, behoort wat tot 2009 luukse “lugsafari’s” oor Suider-Afrika heen aangebied het.Rovos Rail het egter vanjaar besluit om van die vliegtuig ontslae te raak en het dit in Maart 2018 aan Aviodrome geskenk.Intussen het Aviodrome al sowat €350 000 (meer as R5,5 miljoen) bestee om die vliegtuig op te knap en parte te vervang sodat dit op 12 Julie die lang vlug na Nederland kan onderneem.Omdat die vliegtuig gebou is vir kort tot medium-afstande, sou dit verskeie stoppe in ander lande moes maak. Die roete sou Zambië, Uganda, Soedan, Egipte, Kroasië en Oostenryk insluit.Luidens ’n verklaring deur KLM is die lugdiens geskok oor die gebeure. – Netwerk24

Enjinprobleme lei glo tot SA vliegongeluk

Kommentaar

Republikein 2026-09-17

Meld asseblief aan om kommentaar te lewer

Enjinprobleme lei glo tot SA vliegongeluk

Kommentaar

Republikein 2026-09-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.