Enduro-reeks op hoë noot afgesluit
Motorfietsry
Tielman van Lill
Die laaste ronde van die Bank Windhoek enduro-reeks vir 2017 is Saterdag by die Elisenheim-gasteplaas afgehandel waar ongeveer 70 jaers vir oulaas die masjiene laat brul het.
Hemco Paint, Solsquare Energy Namibië en Satcom was die medeborge vir die 2017-seisoen waar ryers die toeskouers met uitmuntende vernuf in sewe klasse vermaak het. Nie net is daar vir die algehele nasionale kampioenskap meegeding nie, maar spogreg vir die laaste podiumplekke by Elisenheim was ewe belangrik vir deelnemers.
Motorfietse ope klas: Soos verwag het Henner Rusch (KTM) sy hande vol gehad met 'n begeesterde Marcel Henle wat vir twee vorige byeenkomste nie kon deelneem nie. Hoewel Rusch reeds met die voorlaaste ronde by Otjihase die nasionale kampioenskap opgeraap het, moes hy Saterdag alles uithaal toe hy en Henle vir die eerste ronde die klippe laat spat het.
Henle het gou die voortou geneem, terwyl Rusch sy kans afgewag het om sy vlieënde teenstander verby te steek. Rusch mis egter 'n kontakpunt en word met 20 minute gestraf. Henle was op sy beste en stel ook die vinnigste baanronde van die dag op en beklink die eerste plek toe Rusch uit die stryd moes tree.
Dit gee Heiko Stranghöner die kans om die tweede plek in te neem, terwyl Gunther Gladis (beide KTM) derde op die podium eindig.
Die algehele kampioenskap behoort aan Rusch, met Henle tweede en Corné Visser (Sherco) derde.
Kwads ope klas: JL Opperman met sy Honda is reeds as kampioen gekroon en het Saterdag opnuut gewys dat daar tans niemand in die land is wat hom kan klop nie. Opperman beklink die eerste plek met Gary Rowland tweede.
By die vroue het Shannon Rowland, Maike Bochert (beide Honda) en Julia Moths (Yamaha) vir 'n aanskoulike dag se resies gesorg. Bochert beklink 'n oorwinning van 15 sekondes oor Rowland, met Moths derde.
Met die laaste ren agter die rug kan Rowland nou met haar tweede opeenvolgende Namibiese kampioenskap spog.
Senior kampioenskap: Joern Greiter het 'n besonderse seisoen beleef en het Saterdag as nasionale kampioen eerste geëindig, met David Brown (beide KTM) tweede en Ronald Greiter derde op die podium.
Brown eindig derde algeheel in die senior afdeling, met Werner Wiese tweede.
Klubmansklas: Die jaers het Saterdag 'n harde dag in die saal beleef en net vyf kon die eindstreep haal.
Juergen Gladis (KTM) eindig eerste en palm die kampioenskap in, terwyl Wayne Schablinski (KTM, tweede plek) tweede in die kampioenskap eindig.
Die derde plek op die podium behoort aan Oliver Rohrmueller (KTM) wat vanjaar die eerste keer deelgeneem het. Lenny Bagwitz op sy KTM wat vyfde by Elisenheim eindig, raap die derde plek in die kampioenskap op.
Off-road klas: Jaco Husselmann (Husaberg) skakel sy teenstanders uit en raap die eerste podiumplek op met Rhys Cragg tweede en Teddy Kausch (beide KTM) derde.
Keanu Weber-Tianus (KTM) eindig Saterdag net vierde, maar dit is genoeg om aan die jongman die kampioenskap te besorg, terwyl Kausch tweede en Husselmann derde agter hom eindig.
Ontwikkelingsklas: André Barnard neem die eerste plek voor Levin Qiunger en Dylan Hilfiker in wat onderskeidelik tweede en derde eindig. Al drie die beginners verkies KTM-motorfietse om hul merk in die sport te maak.
“Die Namibiese Enduro-klub sal sy prysuitdeling op 4 November by Elisenheim hou en ondersteuners word vriendelik genooi om die geleentheid by te woon.
“Die enduro-klub bedank Bank Windhoek as sy hoofborg van die afgelope agt jaar, wat dit ook vir ander borge moontlik gemaak het om hul gewig by ons in te gooi,” lees die klub se verklaring.
Die enduro-seisoen sal volgende jaar Februarie weer wegspring. Vir inligting kan www.namibianenduro.com of sy Facebook-blad besoek word.
Die laaste ronde van die Bank Windhoek enduro-reeks vir 2017 is Saterdag by die Elisenheim-gasteplaas afgehandel waar ongeveer 70 jaers vir oulaas die masjiene laat brul het.
Hemco Paint, Solsquare Energy Namibië en Satcom was die medeborge vir die 2017-seisoen waar ryers die toeskouers met uitmuntende vernuf in sewe klasse vermaak het. Nie net is daar vir die algehele nasionale kampioenskap meegeding nie, maar spogreg vir die laaste podiumplekke by Elisenheim was ewe belangrik vir deelnemers.
Motorfietse ope klas: Soos verwag het Henner Rusch (KTM) sy hande vol gehad met 'n begeesterde Marcel Henle wat vir twee vorige byeenkomste nie kon deelneem nie. Hoewel Rusch reeds met die voorlaaste ronde by Otjihase die nasionale kampioenskap opgeraap het, moes hy Saterdag alles uithaal toe hy en Henle vir die eerste ronde die klippe laat spat het.
Henle het gou die voortou geneem, terwyl Rusch sy kans afgewag het om sy vlieënde teenstander verby te steek. Rusch mis egter 'n kontakpunt en word met 20 minute gestraf. Henle was op sy beste en stel ook die vinnigste baanronde van die dag op en beklink die eerste plek toe Rusch uit die stryd moes tree.
Dit gee Heiko Stranghöner die kans om die tweede plek in te neem, terwyl Gunther Gladis (beide KTM) derde op die podium eindig.
Die algehele kampioenskap behoort aan Rusch, met Henle tweede en Corné Visser (Sherco) derde.
Kwads ope klas: JL Opperman met sy Honda is reeds as kampioen gekroon en het Saterdag opnuut gewys dat daar tans niemand in die land is wat hom kan klop nie. Opperman beklink die eerste plek met Gary Rowland tweede.
By die vroue het Shannon Rowland, Maike Bochert (beide Honda) en Julia Moths (Yamaha) vir 'n aanskoulike dag se resies gesorg. Bochert beklink 'n oorwinning van 15 sekondes oor Rowland, met Moths derde.
Met die laaste ren agter die rug kan Rowland nou met haar tweede opeenvolgende Namibiese kampioenskap spog.
Senior kampioenskap: Joern Greiter het 'n besonderse seisoen beleef en het Saterdag as nasionale kampioen eerste geëindig, met David Brown (beide KTM) tweede en Ronald Greiter derde op die podium.
Brown eindig derde algeheel in die senior afdeling, met Werner Wiese tweede.
Klubmansklas: Die jaers het Saterdag 'n harde dag in die saal beleef en net vyf kon die eindstreep haal.
Juergen Gladis (KTM) eindig eerste en palm die kampioenskap in, terwyl Wayne Schablinski (KTM, tweede plek) tweede in die kampioenskap eindig.
Die derde plek op die podium behoort aan Oliver Rohrmueller (KTM) wat vanjaar die eerste keer deelgeneem het. Lenny Bagwitz op sy KTM wat vyfde by Elisenheim eindig, raap die derde plek in die kampioenskap op.
Off-road klas: Jaco Husselmann (Husaberg) skakel sy teenstanders uit en raap die eerste podiumplek op met Rhys Cragg tweede en Teddy Kausch (beide KTM) derde.
Keanu Weber-Tianus (KTM) eindig Saterdag net vierde, maar dit is genoeg om aan die jongman die kampioenskap te besorg, terwyl Kausch tweede en Husselmann derde agter hom eindig.
Ontwikkelingsklas: André Barnard neem die eerste plek voor Levin Qiunger en Dylan Hilfiker in wat onderskeidelik tweede en derde eindig. Al drie die beginners verkies KTM-motorfietse om hul merk in die sport te maak.
“Die Namibiese Enduro-klub sal sy prysuitdeling op 4 November by Elisenheim hou en ondersteuners word vriendelik genooi om die geleentheid by te woon.
“Die enduro-klub bedank Bank Windhoek as sy hoofborg van die afgelope agt jaar, wat dit ook vir ander borge moontlik gemaak het om hul gewig by ons in te gooi,” lees die klub se verklaring.
Die enduro-seisoen sal volgende jaar Februarie weer wegspring. Vir inligting kan www.namibianenduro.com of sy Facebook-blad besoek word.
Kommentaar
Republikein
Geen kommentaar is op hierdie artikel gelaat nie