Elon Musk word 'n Trump-raadgewer
Dis goed om Elon Musk te wees.
Die aandeelprys van die miljardêr se Tesla Motors het sedert 1 Desember met sowat 40% gestyg, die verkryging van SolarCity is afgehandel en sy enorme Giga-fabriek het begin om batterye te produseer.
En nou is Musk, 'n voorstander van skoon energie, verrassend genoeg 'n raadgewer van pres. Donald Trump.
“Tesla is 'n toonbeeld van 'Made in the USA'. Die een ding wat 'n duidelike fokuspunt vir Trump is, is die skep van poste in die vervaardigingsbedryf,” sê Ben Kallo, 'n ontleder van Robert W. Baird.
Al Tesla se motors word in die VSA vervaardig en dus kan Trump se dreigement van invoerheffings vir buitelandse maatskappye voordelig wees vir Tesla, wat onder meer elektriese motors vervaardig.
Die maatskappy het sowat 25 000 werknemers. Hy bou sy motors in Kalifornië en sy Giga-fabriek is in Nevada.
Die vuurpyle vir sy ander maatskappy, SpaceX, word alles in die VSA vervaardig by sy hoofkantoor in Hawthorne, Kalifornië.
Musk was Maandag een van vele uitvoerende hoofde wat met Trump by die Withuis vergader het om te praat oor vervaardiging, belasting en handel.
Hy dien nou op die president se ekonomiese raadgewende paneel en sal gereeld met Trump of sy assistente ontmoet.
“Elon Musk het 'n belangrike kommunikasielyn na Donald Trump,” sê Adam Jones, 'n ontleder van Morgan Stanley.
“Hierdie strategiese verhouding tussen die Tesla-leierskorps en die nuwe administrasie is 'n belangrike ontwikkeling.”
Musk (45) en Trump (70) kan na 'n ongewone paar en onwaarskynlike bondgenote lyk.
Voor die verkiesing het die gebore Suid-Afrikaner gesê “dit lyk nie of Trump die soort karakter het wat 'n goeie weerspieëling van die VSA is nie” en hy het mense versoek om te veg teen die “propaganda” van die fossielbrandstofbedryf.
Trump het Rex Tillerson, voormalige hoof van Exxon Mobil, gekies as sy minister van buitelandse sake en Scott Pruitt, 'n bondgenoot van die olie- en gasbedryf, aangestel om die Environmental Protection Agency te lei.
Musk het van sy aanhangers Dinsdag geskok toe hy op Twitter gesê het Tillerson “het die potensiaal om 'n uitstekende minister van buitelandse sake te wees”.
Hy sê Tillerson is 'n goeie bestuurder, verstaan geopolitiek en “weet hoe om te wen vir span VSA”.
Musk en Tillerson het albei al voorheen hul steun uitgespreek vir 'n koolstofbelasting.
Sommige kenners meen hoewel Musk en Trump nie noodwendig oor alles sal saamstem nie, is dit slim vir die entrepreneur om 'n “plek by die tafel te hê”.
“Elon is pragmaties,” sê Joe Dennison, batebestuurder van Zevenbergen Capital Investments.
“Die administrasie se fokus op plaaslike vervaardiging speel reg in Tesla se hande in. Dit is ook positief dat Elon en Tesla erken word vir die rol wat hulle daarin speel.”
-Netwerk24/Bloomberg
Die aandeelprys van die miljardêr se Tesla Motors het sedert 1 Desember met sowat 40% gestyg, die verkryging van SolarCity is afgehandel en sy enorme Giga-fabriek het begin om batterye te produseer.
En nou is Musk, 'n voorstander van skoon energie, verrassend genoeg 'n raadgewer van pres. Donald Trump.
“Tesla is 'n toonbeeld van 'Made in the USA'. Die een ding wat 'n duidelike fokuspunt vir Trump is, is die skep van poste in die vervaardigingsbedryf,” sê Ben Kallo, 'n ontleder van Robert W. Baird.
Al Tesla se motors word in die VSA vervaardig en dus kan Trump se dreigement van invoerheffings vir buitelandse maatskappye voordelig wees vir Tesla, wat onder meer elektriese motors vervaardig.
Die maatskappy het sowat 25 000 werknemers. Hy bou sy motors in Kalifornië en sy Giga-fabriek is in Nevada.
Die vuurpyle vir sy ander maatskappy, SpaceX, word alles in die VSA vervaardig by sy hoofkantoor in Hawthorne, Kalifornië.
Musk was Maandag een van vele uitvoerende hoofde wat met Trump by die Withuis vergader het om te praat oor vervaardiging, belasting en handel.
Hy dien nou op die president se ekonomiese raadgewende paneel en sal gereeld met Trump of sy assistente ontmoet.
“Elon Musk het 'n belangrike kommunikasielyn na Donald Trump,” sê Adam Jones, 'n ontleder van Morgan Stanley.
“Hierdie strategiese verhouding tussen die Tesla-leierskorps en die nuwe administrasie is 'n belangrike ontwikkeling.”
Musk (45) en Trump (70) kan na 'n ongewone paar en onwaarskynlike bondgenote lyk.
Voor die verkiesing het die gebore Suid-Afrikaner gesê “dit lyk nie of Trump die soort karakter het wat 'n goeie weerspieëling van die VSA is nie” en hy het mense versoek om te veg teen die “propaganda” van die fossielbrandstofbedryf.
Trump het Rex Tillerson, voormalige hoof van Exxon Mobil, gekies as sy minister van buitelandse sake en Scott Pruitt, 'n bondgenoot van die olie- en gasbedryf, aangestel om die Environmental Protection Agency te lei.
Musk het van sy aanhangers Dinsdag geskok toe hy op Twitter gesê het Tillerson “het die potensiaal om 'n uitstekende minister van buitelandse sake te wees”.
Hy sê Tillerson is 'n goeie bestuurder, verstaan geopolitiek en “weet hoe om te wen vir span VSA”.
Musk en Tillerson het albei al voorheen hul steun uitgespreek vir 'n koolstofbelasting.
Sommige kenners meen hoewel Musk en Trump nie noodwendig oor alles sal saamstem nie, is dit slim vir die entrepreneur om 'n “plek by die tafel te hê”.
“Elon is pragmaties,” sê Joe Dennison, batebestuurder van Zevenbergen Capital Investments.
“Die administrasie se fokus op plaaslike vervaardiging speel reg in Tesla se hande in. Dit is ook positief dat Elon en Tesla erken word vir die rol wat hulle daarin speel.”
-Netwerk24/Bloomberg
Kommentaar
Republikein
Geen kommentaar is op hierdie artikel gelaat nie