Elon Musk se slegste jaar word slegter

Saamgestel deur Hanlie Stadler'n Groepsgeding is Vrydag aanhangig gemaak teen Elon Musk, uitvoerende hoof van Tesla, en die maatskappy self.Volgens die geding, wat in die federale hof van San Francisco deur 'n belegger aanhangig gemaak is, het Musk se twiet oor die privatisering van Tesla die aandeelprys wild laat skommel.Meer besonderhede oor die hofsaak is nog nie bekend nie.Die twiet word deur Amerika se Securities and Exchange Commission (SEC) ondersoek omdat dit waarskynlik maatskappywette oortree.Musk, 'n gebore Suid-Afrikaner wat ook SpaceX in Amerika begin het, het beleggers stomgeslaan toe hy op Twitter aankondig het hy oorweeg dit om Tesla te denoteer teen US$420 per aandeel, wat die transaksie nagenoeg US$72 miljard werd sal maak. Volgens Musk is die “finansiering” reeds gevind.Tesla se aandeelprys het Vrydag op die Nasdaq op US$305,50 gesluit.Daar was kommer oor of Musk enigsins die waarheid praat en of hy doelbewus aandeelhouers probeer mislei.Tesla se aandeelprys op die Nasdaq het aanvanklik ná die twiets met 11% opgeskiet, maar sedertdien het die maatskappy 19,5% van sy waarde verloor. Volgens Amerikaanse regulasies moet 'n genoteerde maatskappy, soos Tesla, minstens vier dae voor 'n groot aankondiging 'n sogenaamde 8-K-vorm by die SEC indien.SEC-RIGLYNESEC-riglyne laat maatskappye en hul uitvoerende hoofde toe om sosiale media te gebruik om wesenlike inligting te versprei, mits beleggers vooraf gewaarsku word. Maar sulke bekendmakings moet volledig en regverdig wees, ongeag die platform waarop dit plaasvind.Musk se twiet het waarskynlik nie aan dié vereistes voldoen nie.Musk is bekend om sy grappige twiets oor Tesla en om die platform te gebruik om sy kritici uit te lok. Dit het tot gevolg gehad dat sy uitlatings op Twitter meestal met 'n knippie sout geneem word.Die Suid-Afrikaans gebore entrepreneur sê nou sowat 'n week later die stelling is gemaak nadat hy gesprekke met Saoedi-Arabië se openbare beleggingsfonds gehad het.Musk het verder in 'n onderhoud met The New York Times gesê hy was die afgelope jaar onder geweldige emosionele en fisieke druk in 'n poging om te verseker dat Tesla sy mylpale haal. Hy sê vriende is glo bekommerd oor sy welstand.Volgens The New York Times was hy verskeie kere gedurende die onderhoud na aan trane.Hy het vertel hoe hy 120 uur per week werk en 20 jaar laas langer as 'n week weg was van die werk - en dit ook net omdat hy malaria gehad het.Van Tesla se direkteure sê hulle is bekommerd oor Musk se werklading en dat hy die kalmeermiddel Ambien (zolpidem) neem as hy wil slaap. In plaas daarvan dat Ambien hom laat slaap, het Musk dikwels die hele nag op Twitter deurgebring.Musk se twiets het hom vanjaar al herhaaldelik in die sop laat beland. Hy het onder andere Vern Unsworth, 'n Britse duiker wat die groep Thaise seuns uit 'n grot gered het, 'n pedofiel genoem.- Netwerk24/Bronne: Bloomberg, Reuters, Thrive Global, Twitter, The New York Times

Elon Musk se slegste jaar word slegter

Kommentaar

Republikein 2025-11-06

Meld asseblief aan om kommentaar te lewer

Elon Musk se slegste jaar word slegter

Kommentaar

Republikein 2025-11-06

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.