Elke vasteland stuur spanne na The Dome
Die beste wedstryde word beloof wat nog ooit op Namibiese bodem gesien is.
Tielman van Lill
Die Bank Windhoek rolskaatshokkie Afrika-kampioenskap word vanaf 22 tot 25 Mei in Swakopmund by die Dome-sportkompleks aangebied.
Spelers van Brasilië, Brittanje, Duitsland, Eritrea, Indië, Kanada, Noorweë, Spanje, Suid-Afrika, Swede en die VSA sal almal aan die kompetisie deelneem om teen Namibië in aksie te wees.
Altesaam agt spanne sal in die mansafdeling kompeteer. Saam met die wêreldklas spel wat te siene gaan wees, sal 'n oefenkamp vir junior spelers gehou word en 'n kursus vir skeidsregters maak ook deel van die verrigtinge uit.
Die hoofborg Bank Windhoek wat 'n gerekende dryfveer agter sport in die land is, is van mening dat sy belegging op alle vlakke die verwagte dividende oplewer.
“Bank Windhoek is bewus dat rolskaatshokkie groot treë in Namibië geneem het as 'n snel groeiende sport. Die spel wat goed deur sy vereniging bestuur word, word deur kinders asook volwassenes geniet. Daar het jy drie redes hoekom Bank Windhoek trots is om met die toernooi verbind te word,” het me. Jacquiline Pack, uitvoerende beampte vir bemarking en korporatiewe kommunikasiedienste van Bank Windhoek gesê.
“Ons verwelkom al die spanne van oorsee asook plaaslike klubs in ons pragtige land en op die prentjiemooi Swakopmund. Baie geluk aan The Dome wat die bod gewen het om die kampioenskap in sy wêreldklas kompleks aan te bied. Ek wil almal uitnooi om Namibië se spanne te gaan ondersteun. Nie net die plaaslike inwoners nie, maar ook besoekers is welkom,” het Pack afgesluit.
Marco Debortoli, medekaptein van Namibië en die Coastal Pirates Ope-span, sê almal is angstig dat die toernooi moet begin.
“Dit is altyd 'n eer om jou land te verteenwoordig en jou vaardighede teen die wêreld se beste te toets. Dit is enige atleet se droom, want om dit in my eie land, tuisdorp en tuisbaan te doen, gaan 'n ondervinding soos min wees,” het Debortoli vertel.
Dave Hammond, wat Kanada gaan aanvoer, is 'n ervare speler wat met drie wêreldkampioenskappe op sy getuigskrif spog. Hy werk by The Dome as sportkoördineerder en bemarkingsbestuurder.
“Die Afrika-beker gaan rolskaatshokkie van ongekende gehalte aan die plaaslike mense vertoon. Dit is die eerste keer sedert 2009 dat ek aan 'n internasionale kompetisie deelneem wat my gaan help om vir wêreldkampioenskappe voor te berei. 'n Speler kan op sy fiksste wees, maar daar is niks wat werklike kompetisie klop nie,” het die Kanadese kaptein gesê.
“Vir The Dome is dié toernooi 'n makro-geleentheid. Die begin was 'n baan vir rolskaatshokkie, maar het gegroei tot wat dit nou bied. Die eienaars van die veeldoelige kompleks het meer as een keer aan my vertel dit is hul droom om wêreldklas rolskaatshokkie met 1 000 toeskouers by 'n wedstryd aan te bied. Die Bank Windhoek Afrika-beker is 'n besliste regmerkie en hierdie is maar net die begin, want 'n wêreldkampioenskap is die volgende stap. Die internasionale gemeenskap moet sien waartoe Namibië in staat is,” het Hammond vertel.
Die Bank Windhoek rolskaatshokkie Afrika-kampioenskap word vanaf 22 tot 25 Mei in Swakopmund by die Dome-sportkompleks aangebied.
Spelers van Brasilië, Brittanje, Duitsland, Eritrea, Indië, Kanada, Noorweë, Spanje, Suid-Afrika, Swede en die VSA sal almal aan die kompetisie deelneem om teen Namibië in aksie te wees.
Altesaam agt spanne sal in die mansafdeling kompeteer. Saam met die wêreldklas spel wat te siene gaan wees, sal 'n oefenkamp vir junior spelers gehou word en 'n kursus vir skeidsregters maak ook deel van die verrigtinge uit.
Die hoofborg Bank Windhoek wat 'n gerekende dryfveer agter sport in die land is, is van mening dat sy belegging op alle vlakke die verwagte dividende oplewer.
“Bank Windhoek is bewus dat rolskaatshokkie groot treë in Namibië geneem het as 'n snel groeiende sport. Die spel wat goed deur sy vereniging bestuur word, word deur kinders asook volwassenes geniet. Daar het jy drie redes hoekom Bank Windhoek trots is om met die toernooi verbind te word,” het me. Jacquiline Pack, uitvoerende beampte vir bemarking en korporatiewe kommunikasiedienste van Bank Windhoek gesê.
“Ons verwelkom al die spanne van oorsee asook plaaslike klubs in ons pragtige land en op die prentjiemooi Swakopmund. Baie geluk aan The Dome wat die bod gewen het om die kampioenskap in sy wêreldklas kompleks aan te bied. Ek wil almal uitnooi om Namibië se spanne te gaan ondersteun. Nie net die plaaslike inwoners nie, maar ook besoekers is welkom,” het Pack afgesluit.
Marco Debortoli, medekaptein van Namibië en die Coastal Pirates Ope-span, sê almal is angstig dat die toernooi moet begin.
“Dit is altyd 'n eer om jou land te verteenwoordig en jou vaardighede teen die wêreld se beste te toets. Dit is enige atleet se droom, want om dit in my eie land, tuisdorp en tuisbaan te doen, gaan 'n ondervinding soos min wees,” het Debortoli vertel.
Dave Hammond, wat Kanada gaan aanvoer, is 'n ervare speler wat met drie wêreldkampioenskappe op sy getuigskrif spog. Hy werk by The Dome as sportkoördineerder en bemarkingsbestuurder.
“Die Afrika-beker gaan rolskaatshokkie van ongekende gehalte aan die plaaslike mense vertoon. Dit is die eerste keer sedert 2009 dat ek aan 'n internasionale kompetisie deelneem wat my gaan help om vir wêreldkampioenskappe voor te berei. 'n Speler kan op sy fiksste wees, maar daar is niks wat werklike kompetisie klop nie,” het die Kanadese kaptein gesê.
“Vir The Dome is dié toernooi 'n makro-geleentheid. Die begin was 'n baan vir rolskaatshokkie, maar het gegroei tot wat dit nou bied. Die eienaars van die veeldoelige kompleks het meer as een keer aan my vertel dit is hul droom om wêreldklas rolskaatshokkie met 1 000 toeskouers by 'n wedstryd aan te bied. Die Bank Windhoek Afrika-beker is 'n besliste regmerkie en hierdie is maar net die begin, want 'n wêreldkampioenskap is die volgende stap. Die internasionale gemeenskap moet sien waartoe Namibië in staat is,” het Hammond vertel.
Kommentaar
Republikein
Geen kommentaar is op hierdie artikel gelaat nie