El Niño sneuwel amptelik

Elvira Hattingh - Weerkundiges wêreldwyd sê El Niño se rug is nou amptelik gebreek en neutrale Enso-toestande sal waarskynlik in die komende somermaande heers. In 'n maandelikse analise wat op 8 Augustus uitgereik is, het die Amerikaanse Weervoorspellingsentrum en die Internasionale Navorsingsinstituut vir Klimaat en Samelewing gesê neutrale Enso-toestande het ingetree en sal waarskynlik die komende somer voortduur. Enso staan vir El Niño- Suidelike Ossillasie.Die Amerikaners sê in Julie was Enso-toestande neutraal, soos gesien in 'n kombinasie van ondergemiddelde seeoppervlaktemperature in die oostelike ekwatoriale Stille Oseaan asook bogemiddelde temperature in die sentrale Stille Oseaan. “In die algemeen het oseaniese en atmosferiese toestande ooreengestem met 'n oorskakeling na neutrale toestande,” lui die jongste verslag. Hulle waarsku tans is die kans twee keer meer dat 'n El Niño in die komende somer kan ontwikkel (30%) as wat La Niña-toestande sal ontwikkel. Die kans dat neutrale toestande sal voortduur, is 50% tot 55%.Die nieregeringsorganisasie LandWater het in 'n Facebook-inskrywing ook gesê syfers van 10 Augustus dui aan El Niño is amptelik tot niet en atmosferiese merkers is neutraal. “'n Bietjie weerstand van die warmer weste duur voort, maar die kouer water in die ooste is besig om te skuif en steeds verder af te koel.“Ons sal teen die einde van Augustus waarskynlik al sterker, korttermyntendense kan begin waarneem. Ons sal ook met die oog kan sien of die La Niña-vlak (-0,5 °C) moontlik later vanjaar bereik word,” het LandWater gesê. LandWater het bygevoeg hy het “versigtig optimistiese vooruitsigte vir die nuwe somerreënseisoen”.Die organisasie het verduidelik die Oseaniese Niño-indeks vergelyk afwykings in seeoppervlaktemperatuur met 'n basistydperk van 30 jaar in 'n spesifieke meetsone.“Dit stel die interaksie tussen die see en die atmosfeer in die tropiese Stille Oseaan voor. Hierdie interaksie veroorsaak verskille in seeoppervlaktemperatuur én reëntoestande, wat dan klimaatspatrone wêreldwyd van die Stille Oseaan af beïnvloed. elvira@republikein.com.na

El Niño sneuwel amptelik

Kommentaar

Republikein 2026-04-03

Meld asseblief aan om kommentaar te lewer

El Niño sneuwel amptelik

Kommentaar

Republikein 2026-04-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.