Eksamenuitslae hier beskikbaar

’n Spesiale uitgawe van die gepubliseerde uitslae van die Namibië Senior Sekondêre Sertifikaat Gevorderde Vlak (NSSCAS)-eksamen sal vandag vanaf 12:00 by sekere Shoprite/Checkers-winkels en ook by skole betrokke by My Zone as mediavennote beskikbaar wees. Die dorpe waar dit beskikbaar sal wees, sluit Windhoek, Rehoboth, Okahandja, Gobabis, Swakopmund, Walvisbaai, Oshakati, Ondangwa, Rundu, Otjiwarongo, Grootfontein, Outjo en Keetmanshoop in. Die res van die land sal gratis kopieë ontvang wat Donderdag landswyd by kleinhandelaars afgelewer sal word. Die uitslae is vandag vanaf 12:00 gratis op die My Zone-webtuiste beskikbaar. Dis ook teen N$5 per SMS by die DMS-nommer 99099 beskikbaar. Die ministerie van onderwys, kuns en kultuur het Maandag bekend gemaak die uitslae word vandag om 12:00 amptelik vrygestel. Dis vroeër as die aanvanklike beplanning om Namibiese kandidate die geleentheid te bied om hul uitslagadvies aan instellings van hoër onderrig voor te lê.Die uitslae is bykomend op die webtuiste van die ministerie, www.moe.gov.na, beskikbaar, terwyl ’n SMS ook met die kandidaat se volle nommer na 55755 gestuur kan word. Dit sal ook by streekkantore beskikbaar wees.Alle kandidate wat verlede jaar se NSSCAS-nasionale eksamens geskryf het, moet hul kandidaatnommers gebruik om toegang tot hul uitslae te verkry. Streekkantore sal die uitslae aan kandidate en ouers verskaf wat die kantoor tydens kantoorure besoek.

Eksamenuitslae hier beskikbaar

Kommentaar

Republikein 2025-08-28

Meld asseblief aan om kommentaar te lewer

Eksamenuitslae hier beskikbaar

Kommentaar

Republikein 2025-08-28

Meld asseblief aan om kommentaar te lewer

MELD AAN

Advertensie