Eksamenuitslae Donderdag bekend

14 December 2018 | Onderwys
Die voorlopige uitslae vir graad 10-(JSC) en graad 12-(NSSC)hoërvlakkandidate – voltydse en deeltyds – word eerskomende Donderdag amptelik bekend gemaak.

Die uitslae sal op die webtuiste van die direktoraat vir nasionale eksamens en evaluerings by www.dnea.gov.na, of op die ministerie van onderwys, kuns en kultuur se webtuiste, www.moe.gov.na, beskikbaar wees.

Toegang daartoe kan ook per SMS verkry word deur die naam van die eksamen (JSC/NSSC), gevolg deur die kandidaat se van en eerste naam of volle eksamennommer na die volgende nommers te stuur: 2929, 99099 of 55755.

Die webtuistes en die SMS-diens sal van 00:15 af Donderdag aktief wees.

Vanjaar het 56 112 kandidate, 44 890 voltyds en 11 222 deeltyds, vir die Junior Sekondêre Sertifikaat(graad 10)-eksamen by 731 junior sekondêre skole en 143 deeltydse onderrigsentrums ingeskryf.

Die aantal graad 10-kandidate (voltyds en deeltyds) het met 2 784 (5,2%) in vergelyking met verlede jaar gestyg.

Vanjaar het 17 968 kandidate, 16 932 voltyds en 1 036 deeltyds, vir NSSC-hoërvlakvakke geregistreer.

Die aantal hoërvlakkandidate het met 10,3% (1 672 ) teenoor dié van verlede jaar gestyg.

Die uitslae vir die graad 12-gewonevlakkandidate word in Januarie aanstaande jaar bekend gemaak.

Alle kandidate wat vanjaar se nasionale eksamens afgelê het, moet hul kandidaatnommers byderhand hê om toegang tot hul uitslae te verkry.

Uitslae kan tydens kantoorure by streekkantore bekom word – hetsy deur te skakel of die kantore te besoek.

Soortgelyk

 

Eis van miljoene ná miskraam

7 ure gelede | Howe

Ronelle Rademeyer - ‘n Vrou wat aanvoer sy het ‘n miskraam gehad nadat sy drie dae lank sonder kos en water in die polisieselle by...

Kuns tussen die wingerde

7 ure gelede | Byvoegsels

Ronelle Rademeyer - “Ek glo ’n goeie skildery ontstaan wanneer ’n bietjie talent en ’n groot klomp passie op die skilderdoek ontmoet.”Dit is hoe die...

Twee Namibiërs in SA hof oor diamante

7 ure gelede | Howe

Francoise Steynberg - Twee Namibiese mans het gister in die Bellville-landdroshof in Kaapstad in verband met die onwettige besit van 27 ongeslypte diamante verskyn. Mnr....

Namibiër vertolk hoofrol in Fiela se kind

7 ure gelede | In beeld

Die Namibiese aktrise Zenobia Kloppers het die hoofrol in die fliek Fiela se kind losgeslaan. Zenobia, wat Fiela Komoetie sal speel, is ’n bekende aktrise...

Live for the moments, not the milestones

7 ure gelede | Mense

Mariselle StofbergCarla van Zyl is the top medical student from the class of 2018 at the University of Namibia (Unam). This motivated, driven and passionate...

Musieklegende se stem stil

7 ure gelede | Kuns en vermaak

Lloyd Zandberg - Die geliefde Suid-Afrikaanse musikant, Brian Finch (72), het Sondag sy maande lange stryd teen kanker verloor.Finch en sy vrou, Marion, woon al...

Padgebruik al duurder

7 ure gelede | Infrastruktuur

Die Padfondsadministrasie (RFA) het ’n 4,3%-verhoging op padgebruik aangekondig, wat van 1 Mei af geld. Dit beteken tariewe by grensposte verhoog, asook tariewe op voertuie...

Weer vir 21 Mei 2019

7 ure gelede | Weer

BINNELAND: Mestal mooi weer en baie warm in die Noordooste. Elders sal dit gedeeltelik bewolk en warm tot baie warm, maar koud in die...

Kragverspreider gedagvaar

7 ure gelede | Howe

Henriette Lamprecht – ’n Ma van Mondesa op Swakopmund dagvaar die Erongostreek se kragverspreider ná die dood van haar minderjarige dogter. Theonese Anthea Simon is...