Ekonomiese vryheid: Só sak SA in 10 jaar terug

Nellie Brand-Jonker - Suid-Afrika het vanjaar een plek opgeskuif op die wêreldranglys vir ekonomiese vryheid. Suid-Afrika is nou 94ste uit die 162 lande wat gemeet is.Verlede jaar was Suid-Afrika 95ste en in 2016 was die land in die 105ste plek.Die indeks meet in hoe ’n mate ’n land se beleid en instellings ekonomiese vryheid ondersteun.Die ranglys is op grond van inligting van 2016 saamgestel en is dit is dus twee jaar gelede se inligting wat gebruik is.Volgens die Vryemarkstigting (FMF), wat die inligting vir die verslag oor Suid-Afrika verskaf het, het Suid-Afrika egter nie veel om oor te juig nie.Volgens Leon Louw, hoof van die FMF, was die land in 2000 in die 46ste plek, wat hom onder die boonste 30% van die lande in die wêreld geplaas het wat die vryste ekonomieë gehad het. “Die land was hoog op die indeks en besig om te styg; bestem om een van die wêreld se vryste en welvarendste lande te word. Ongelukkig het die land nie op dié prestasie ná apartheid voortgebou nie en op die ranglys begin afsak tot midde die onderste 40% van die lande,” sê Louw. Volgens die FMF beteken dit Suid-Afrika het nou minder ekonomiese vryheid as wat hy in 2000 gehad het.“As ’n land op die ranglys afsak, beteken dit hy het groter armoede, ongelykheid, ’n daling in lewensverwagting, minder politieke regte en vryhede, en sy burgers ’n swakker lewensgehalte.”Louw sê as Suid-Afrika groter welvaart wil skep en armoede en werkloosheid wil verminder, moet die finansiële sektor toegelaat word om vry en doeltreffend te funksioneer sonder onnodige burokrasie. – Netwerk24GRYSBLOKHier is die tien lande bo-aan die ranglys:1. Hongkong2. Singapoer3. Nieu-Seeland4. Switserland5. Ierland6. VSA7. Georgië8. Mauritius9. Brittanje10. Australië en KanadaDie tien swakste lande:153. Soedan154. Guinee-Bissau155. Angola156. Sentraal-Afrikaanse Republiek157. Demokratiese Republiek die Kongo158. Sirië159. Algerië160. Argentinië161. Libië162. Venezuela(Noord-Korea en Kuba word nie ingesluit nie, weens ’n gebrek aan inligting.)

Ekonomiese vryheid: Só sak SA in 10 jaar terug

Kommentaar

Republikein 2025-09-19

Meld asseblief aan om kommentaar te lewer

Ekonomiese vryheid: Só sak SA in 10 jaar terug

Kommentaar

Republikein 2025-09-19

Meld asseblief aan om kommentaar te lewer

MELD AAN

Advertensie