Ekonomiese raadgewer verlaat die Withuis

08 March 2018 | Internasionaal
Die Amerikaanse aan­delemarkte het Dinsdag 'n insinking ervaar nadat die New York Times berig het dat pres. Donald Trump se ekonomiese raadgewer, Gary Cohn, beplan om te bedank.

Die Withuis en Trump het dié nuus op Twitter bekend gemaak.

Cohn en Trump stem glo nie saam oor die president se besluit om invoertariewe op staal- en ­aluminium te hef nie, berig CNN.

Volgens die Withuis sal hy binne die volgende paar weke sy amp verlaat, maar net 'n paar weke gelede was daar sprake dat hy dalk die ­volgende personeelhoof van die Withuis kan word.

“Gary was my ekonomiese hoofraadgewer en het goeie werk gedoen om ons doelwitte te verwesentlik. Hy het gehelp om historiese belastinginkortings en hervorming te bewerkstellig en het die Amerikaanse ekonomie weer op dreef gekry. Hy is besonders en ek wil hom vir sy diensbaarheid teenoor die mense van Amerika bedank,” sê Trump in 'n verklaring.

Volgens CNN is baie mense ontevrede oor Cohn se bedanking, veral in Washington en Wall Street waar baie mense gedink het dat die ­voormalige werk­nemer van Goldman Sachs 'n stabiele invloed op die ekonomiese beleid in die Withuis sou hê.

Sy bedanking en Trump se onlangse pogings om 'n nasionalistiese handels­agenda daar te stel, het vrae laat ontstaan oor die rigting wat die Trump-­regering inslaan.

Die nuutste verwikkelinge het die chaos vererger wat in die Withuis heers.

Cohn is net een van 'n rits hoëprofielbedankings. Dit is nog onduidelik wie hom gaan opvolg. – Netwerk24

Soortgelyk

 

Plastieksakke uit nasionale parke verban

1 dag gelede | Omgewing

Die minister van die omgewing en toerisme, mnr. Pohamba Shifeta, het plastieksakke uit alle nasionale parke in die land verban. Die minister het gemaan geen...

Nampol-beamptes skuldig aan nalatigheid

1 dag gelede | Misdaad

Twee senior polisiebeamptes wat intern ondersoek is vir hul beweerde nalatigheid om betyds te reageer in ‘n saak waarin ‘n 18-jarige vyf familielede vroeër vanjaar...

Ollies les hul dors

1 dag gelede | In beeld

Namibiërs in die Zambezistreek kan vandag na verspreide donderbuie uitsien, terwyl dié elders in die binneland vir eers nog met enkele tot geïsoleerde buie tevrede...

Ekonomie: Hou sand uit wiele

1 dag gelede | Politiek

Ronelle Rademeyer Dubbele belasting, soos belasting op dividende en belasting op kapitaalwins is immoreel en gaan nié die ekonomie laat groei nie.'n Ekonomie is die...

PS'e binnekort nié permanent

1 dag gelede | Regering

Denver Kisting - As beplande wetgewing deurgevoer word, is PS’e binnekort nie meer “permanent” in die tuig nie.Hiernaas sal dié rekenpligtige beamptes van ministeries ook...

Gróót regshervorming binnekort op pad

1 dag gelede | Ministeries

Denver Kisting – Die werksaamhede van die land se howe word deur verskeie uitdagings gekortwiek.In die lig van hervorming wat die minister van justisie, mnr....

Ongelukke: Namibië 45ste op wêreldranglys

1 dag gelede | Ongelukke

Padongelukke kos Namibië jaarliks N$1,3 miljard en is die oorsaak van 3,76% van die land se totale sterftes.Dié skokkende syfers is Dinsdag namens die minister...

Weer vir 23 November 2018

1 dag gelede | Weer

BINNELAND: Gedeeltelik bewolk en bloe­dig warm in die ||Kharasstreek en die Weste. Elders sal dit gedeeltelik bewolk en baie tot bloedig warm wees met enkele...

Weer, Donderdag 22 November 2018

1 dag gelede | Weer

BINNELAND: Sonnig en baie tot bloedig warm in die //Kharasstreek. Elders sal dit gedeeltelik bewolk en baie tot bloedig warm wees. Enkele donderbuie word in...