Ekonomie gaan nóg miljarde bloei
Veral konstruksie asook groot- en kleinhandel gaan aansienlik minder in die ekonomie laat vloei as wat verwag is.
Jo-Maré Duddy - Uraan, konstruksie asook groot- en kleinhandel gaan na verwagting vanjaar sowat N$5 miljard minder in die ekonomie inpomp as wat die Bank of Namibia (BoN) in Februarie gehoop het.
Die BoN het Maandag sy jongste ekonomiese groeiverwagtinge vir 2017 vrygestel. In Februarie vanjaar het die sentrale bank groei van 2,9% verwag, nou is dit 2,1%.
Sektore waar hoop vir groei die meeste vervaag het, is uraan, konstruksie asook groot- en kleinhandel.
In Februarie het die BoN voorspel uraanmyne se bydrae tot vanjaar se bruto binnelandse produk (BBP) gaan 25,8% hoër as in 2016 wees. Nou verwag die sentrale bank groei van net 9,2%.
In geldwaarde het die BoN die vorige kwartaal gemeen uraanmyne gaan vanjaar sowat N$2,47 miljard teen heersende pryse in die ekonomie pomp. Nou staan die verwagting op N$1,66 miljard.
Vanweë lae uraanpryse wêreldwyd sal dié sektor vanjaar onder druk bly, sê die BoN.
“Vergeleke met 2016 sal uraanproduksie in 2017 na verwagting daal, veral vanweë laer produksie by sommige van die bestaande myne. Swakop Uranium se Husabmyn het met kommersiële produksie begin, maar sal na verwagting net 15% van sy ontwerpkapasiteit in 2017 bereik,” sê die BoN.
Vanaf volgende jaar behoort die plaaslike uraanbedryf weer spoed op te tel met Husab wat produksie na sy kapasiteit van 6 810 ton jaarliks verhoog. Die BoN verwag uraanmyne se BBP-bydrae in 2018 sal met 47,7% styg en dit sal bykans N$2,6 miljard in die ekonomie stort.
Vanweë uraan se swakker vertoning het die BoN se groeiverwagting vir mynbou vanjaar van 15,7% tot 13,3% verlaag. Verwagte groei in die diamantmynbou is steeds sowat 19%, maar groei in die metaalertsbedryf – goud, koper en sink - is van 4,8% tot 0,8% verlaag.
Konstruksie
Konstruksie, wat verlede jaar met -29,5% gegroei het, sal vanjaar na verwagting met -18,6% groei.
In Februarie het die BoN 'n kleiner inkrimping van -12% verwag.
Die BoN verwag konstruksie se resessie sal nog tot minstens 2019 voortduur. Volgende jaar word groei van -11,2% verwag (-8% in Februarie), terwyl 'n inkrimping van -7,1% voorspel word.
Geldgewys gaan konstruksie vanjaar bykans N$5,3 miljard tot die BBP bydra, reken die BoN. Dit is N$810 miljoen minder as waarvoor die bank in Februarie gehoop het. Volgende jaar en in 2019 gaan konstruksie se BBP-aandeel tot minder as N$5 miljard val, meen die BoN.
Verbruiker
Groot- en kleinhandel is een van die vernaamste aandrywers van ekonomiese groei, maar volgens die jongste syfers van die Namibië Statistiekagentskap (NSA) is dit tans in resessie.
Die sektor het in die eerste kwartaal vanjaar met -7,4% gegroei nadat dit die vorige kwartaal groei van -3,2% aangeteken het.
In Februarie was die BoN se groeiverwagting vir groot- en kleinhandel vanjaar 4,9%. Dit is intussen na -3% aangepas. Geldgewys beteken dit die sektor gaan vanjaar na verwagting bykans N$18,8 miljard in die ekonomie laat vloei. Dit is amper N$1,9 miljard minder as die BoN se projeksies in Februarie.
Vir 2018 en 2019 verwag die BoN egter herstel en voorspel groei van 6,5% en 4,1% onderskeidelik.
Volgens die BoN sal Namibië se BBP teen heersende pryse vanjaar na verwagting bykans N$168,3 miljard beloop.
Ligpunte
Die BoN verwag 'n beter vertoning van:
Landbou 5,1% (Februarie: 2,6%)
Vervaardiging 1,6% (0,7%)
Staatsdiens & verdediging 1,8% (-0,6%)
Eiendom & sakedienste 3,1% (2,9%)
Private huishoudings met werkers 3,5% (2,7%)
Die BoN het Maandag sy jongste ekonomiese groeiverwagtinge vir 2017 vrygestel. In Februarie vanjaar het die sentrale bank groei van 2,9% verwag, nou is dit 2,1%.
Sektore waar hoop vir groei die meeste vervaag het, is uraan, konstruksie asook groot- en kleinhandel.
In Februarie het die BoN voorspel uraanmyne se bydrae tot vanjaar se bruto binnelandse produk (BBP) gaan 25,8% hoër as in 2016 wees. Nou verwag die sentrale bank groei van net 9,2%.
In geldwaarde het die BoN die vorige kwartaal gemeen uraanmyne gaan vanjaar sowat N$2,47 miljard teen heersende pryse in die ekonomie pomp. Nou staan die verwagting op N$1,66 miljard.
Vanweë lae uraanpryse wêreldwyd sal dié sektor vanjaar onder druk bly, sê die BoN.
“Vergeleke met 2016 sal uraanproduksie in 2017 na verwagting daal, veral vanweë laer produksie by sommige van die bestaande myne. Swakop Uranium se Husabmyn het met kommersiële produksie begin, maar sal na verwagting net 15% van sy ontwerpkapasiteit in 2017 bereik,” sê die BoN.
Vanaf volgende jaar behoort die plaaslike uraanbedryf weer spoed op te tel met Husab wat produksie na sy kapasiteit van 6 810 ton jaarliks verhoog. Die BoN verwag uraanmyne se BBP-bydrae in 2018 sal met 47,7% styg en dit sal bykans N$2,6 miljard in die ekonomie stort.
Vanweë uraan se swakker vertoning het die BoN se groeiverwagting vir mynbou vanjaar van 15,7% tot 13,3% verlaag. Verwagte groei in die diamantmynbou is steeds sowat 19%, maar groei in die metaalertsbedryf – goud, koper en sink - is van 4,8% tot 0,8% verlaag.
Konstruksie
Konstruksie, wat verlede jaar met -29,5% gegroei het, sal vanjaar na verwagting met -18,6% groei.
In Februarie het die BoN 'n kleiner inkrimping van -12% verwag.
Die BoN verwag konstruksie se resessie sal nog tot minstens 2019 voortduur. Volgende jaar word groei van -11,2% verwag (-8% in Februarie), terwyl 'n inkrimping van -7,1% voorspel word.
Geldgewys gaan konstruksie vanjaar bykans N$5,3 miljard tot die BBP bydra, reken die BoN. Dit is N$810 miljoen minder as waarvoor die bank in Februarie gehoop het. Volgende jaar en in 2019 gaan konstruksie se BBP-aandeel tot minder as N$5 miljard val, meen die BoN.
Verbruiker
Groot- en kleinhandel is een van die vernaamste aandrywers van ekonomiese groei, maar volgens die jongste syfers van die Namibië Statistiekagentskap (NSA) is dit tans in resessie.
Die sektor het in die eerste kwartaal vanjaar met -7,4% gegroei nadat dit die vorige kwartaal groei van -3,2% aangeteken het.
In Februarie was die BoN se groeiverwagting vir groot- en kleinhandel vanjaar 4,9%. Dit is intussen na -3% aangepas. Geldgewys beteken dit die sektor gaan vanjaar na verwagting bykans N$18,8 miljard in die ekonomie laat vloei. Dit is amper N$1,9 miljard minder as die BoN se projeksies in Februarie.
Vir 2018 en 2019 verwag die BoN egter herstel en voorspel groei van 6,5% en 4,1% onderskeidelik.
Volgens die BoN sal Namibië se BBP teen heersende pryse vanjaar na verwagting bykans N$168,3 miljard beloop.
Ligpunte
Die BoN verwag 'n beter vertoning van:
Landbou 5,1% (Februarie: 2,6%)
Vervaardiging 1,6% (0,7%)
Staatsdiens & verdediging 1,8% (-0,6%)
Eiendom & sakedienste 3,1% (2,9%)
Private huishoudings met werkers 3,5% (2,7%)
Kommentaar
Republikein
Geen kommentaar is op hierdie artikel gelaat nie