Ekonomie bloei lánkal

Nuwe NSA-somme

13 December 2019 | Plaaslik
Jo-Maré Duddy – Ekonomiese groei het reeds in 2015 skerp begin tuimel sonder dat dit deur amptelike syfers weerspieël is, toon nuwe data wat gister deur die Namibië Statistiekagentskap (NSA) vrygestel is.

Die NSA se jongste syfers is op die bestendige pryse van 2015 gebaseer. Hiervolgens het die ekonomie in dié jaar met 4,5% gegroei – aansienlik laer as die 6,1% wat tot dusver deur NSA-statistiek aangedui is en wat op bestendige pryse van 2010 geskoei was.

In oorleg met die aanbevelings van die Internasionale Monetêre Fonds (IMF) herbaseer die NSA die land se nasionale rekeninge elke vyf jaar, het die statistikus-generaal, mnr. Alex Shimuafeni, gister gesê. “Dit is goeie internasionale praktyk dat die skattings van nasionale rekeninge elke vyf jaar, indien nie elke jaar nie, herbaseer word,” het hy gesê.

Volgens die nuwe syfers was Namibië reeds in 2016 in ‘n resessie. Die ekonomie het toe met -0,3% gegroei en nie met 1,1% soos voorheen bereken nie. In 2017 het die bruto binnelandse produk (BBP) met -0,1% gegroei en beter gevaar as die -0,9% soos vorige NSA-syfers.

Luidens die NSA se jongste somme was Namibië níé verlede jaar in ‘n resessie nie. Anders as die -0,07% wat tot nou toe aanvaar is, het die ekonomie met 0,34% gegroei.

Dit is hoofsaaklik te danke aan ‘n beter as verwagte vertoning van sekondêre nywerhede soos vervaardiging. Geskoei op 2010-pryse het die sekondêre sektor in 2018 met -3,37% gegroei. Volgens 2015-pryse was dit 0,12%.

KWARTALE

Namibië is tans egter opnuut in ‘n resessie, toon die NSA se jongste kwartaalsyfers.

Hiervolgens het die ekonomie in die derde kwartaal met -0,8% op ‘n jaargrondslag gegroei, heelwat beter as die harde bene wat in die eerste ses maande van vanjaar gekou is.

Herbaseerde syfers toon groei van -3,6% en -2,9% in die eerste en tweede kwartale onderskeidelik. Volgens die ou data was dit -2,9% en -2,6% onderskeidelik.

Klein- en groothandel, een van die swaargewigte van die ekonomie, het die afgelope kwartaal met -5,4% gegroei. Dit is die sektor se elfde opeenvolgende kwartaal in die rooi.

Die enigste ander sektore wat in die derde kwartaal in resessie was, was mynbou, vervoer en berging, asook onderwys en gesondheid.

RESESSIEVRY

Volgens die NSA kon konstruksie die afgelope kwartaal uit resessie loswikkel en het dit met 20% gegroei. Syfers geskoei op 2010-pryse het ononderbroke negatiewe groei sedert die eerste kwartaal van 2016 getoon. Die nuwe berekeninge wys positiewe groei vir die laaste kwartaal van 2017, asook die eerste twee kwartale van 2018.

Landbou en bosbou is ook nie meer in ‘n resessie nie, luidens die jongste syfers. Dié sektor het in die derde kwartaal met 1,5% gegroei nadat dit in die eerste twee kwartale vanjaar met onderskeidelik 8,3% en 29,3% ingekrimp het.

Staatsadministrasie het ook vir die eerste keer in ‘n jaar positief vertoon met groei van 0,8%.

Jaar-op-jaar groei vir die ander sektore die afgelope kwartaal was: Visserye (1,4%), vervaardiging (0,3%), hotelle en restaurante (2,9%), inligting en kommunikasie (5,2%), finansiële intermediasie (1,5%), asook eiendom en professionele dienste (7,5%).

- [email protected]

Soortgelyk

 

Covid-19-gevalle styg met 96 tot 1 618

17 ure gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê die aantal Covid-19-gevalle het met 96 tot 1 618 gestyg. Hiervan is 75...

Verkeer tussen Namibië, Kaap weens Covid-19 ontwrig

23 ure gelede | Vervoer

Ronelle Rademeyer - Vragverkeer tussen Namibië en die Wes-Kaap kan sedert Donderdagaand nie langs die kortste roete oor die Oranjerivier plaasvind nie, aangesien Suid-Afrika sy...

24-year-old ensuring safety via TaxiConnect

1 dag gelede | Mense

MICHELLINE NAWATISESTaxiConnect is a locally developed ride-hailing company founded in April 2020. TaxiConnect offers an interactive and smart technology of taxi booking for customers and...

Te min isolasie, suurstof vir Walvis se episentrum

1 dag gelede | Gesondheid

Henriette Lamprecht – Walvisbaai, Hentiesbaai en Swakopmund het nie genoeg isolasie- en kwarantyngeriewe om die toenemende stygende aantal positiewe Covid-19-gevalle en -kontakte te isoleer nie....

Rehoboth verenig in rou

1 dag gelede | Misdaad

Denver Kisting op Rehoboth – Die rou snikke van ’n 20-jarige ma van Rehoboth, me. Roseline Moss, kon gister deurgaans gehoor word toe haar twee...

Weer, Vrydag 24 Julie 2020

1 dag gelede | Weer

WEERWAAK: Oosweertoestande sal oor die Namib en kusareas voorkom. Tref voorsorg.BINNELAND: Koud aanvanklik, andersins sonnig en matig tot warm. 'n Taamlik sterk tot sterk noordoostelike...

Vakbonde tree in bresse vir fabriekswerkers

1 dag gelede | Visserye

Erongo-span – Die president van die Vakbondkongres van Namibië (Tucna), mnr. Paulus Hango, het gesê vakbonde wat werkers in die vissersbedryf verteenwoordig, is bekommerd oor...

Bou van ambassade stort miljoene in ekonomie

1 dag gelede | Infrastruktuur

Kristien Kruger – Die oprigting van die nuwe Amerikaanse ambassadekompleks in Klein-Windhoek het gister 'n sooispitseremonie bereik waartydens dié land se ambassadeur in Namibië, me....

SA trek beampte vas wat visumbedrog uit Windhoek pleeg

1 dag gelede | Misdaad

Die Suid-Afrikaanse departement van binnelandse sake het 100 visums teruggetrek wat na bewering deur een van sy beamptes wat by die hoëkommissariaat in Windhoek geplaas...