‘Ek is bang ek raak weer siek’

Opvolgtoets wys negatief

14 July 2020 | Gesondheid
Henriette Lamprecht – Drie weke nadat ‘n vrou van Walvisbaai positief vir Covid-19 getoets het, is sy steeds in isolasie op die hawedorp saam met nege ander wat ook positief is. Die vrou, ‘n fabriekswerker, word saam met nege ander vroue in ‘n motorhuis agter die staatshospitaal gehuisves wat in isolasiegeriewe omskep is.

Volgens die vrou het haar aanvanklike simptome opgeklaar en haar eerste opvolgtoets het gewys sy is tans negatief. Sy het egter weer begin om simptome soos hoes te toon.

*Joyce wat verkies om ’n skuilnaam te gebruik, sê sy het op 23 Junie positief vir Covid-19 getoets. Volgens haar het sy simptome soos duiseligheid, erge hoofpyn, kortasem en ’n droë hoes gehad en sy kon beswaarlik op haar eie staan.

“Ek was baie swak en kon skaars loop. Ek het ook geen eetlus gehad nie en opgebring,” vertel sy.

Haar simptome het op 18 Junie begin en twee dae later het sy na die staatshospitaal gegaan. Sy is by die hek aangesê om na die agterkant van die hospitaal te gaan en vir ‘n dokter te wag aangesien sy Covid-simptome getoon het en haar temperatuur baie hoog was.

Volgens die dokter was dit reeds aand en te laat om haar te toets en sy is aangesê om die volgende dag na die toetssentrum in Kuisebmond te gaan.

Haar uitslae het op 23 Junie gewys sy is positief. ‘n Ambulans het haar van haar huis na die motorhuise agter die staatshospitaal wat in isolasiegeriewe omskep is, geneem.

Volgens haar word almal wat “baie swak is en chroniese siektes het” hier gehuisves, terwyl die “jongeres” na die jeugsentrum by Hentiesbaai uitgeplaas word.

Hoewel ‘n dokter hulle gereeld besoek, ontvang hulle nie enige medikasie buiten vitamien C-pille nie.

“Die dokter kom neem net ons koors.”

Volgens Joyce bring haar familie vir haar medikasie wat hulle op ‘n tafeltjie buite die motorhuis los.

Haar eerste opvolgtoets was negatief en sy wag om vir ‘n tweede keer getoets te word, om die geriewe te verlaat.

Die groep vroue deel een toilet en stort en sy sê dit is “baie liederlik koud” binne die vertrek.

Joyce se grootste vrees is dat sy weer met die siekte geïnfekteer kan word.

“Ek raak aan deurhandvatsels wat die ander aan raak en ons deel geriewe. Daar is ook geen sosiale afstand nie.”

Die regering het net beddens verskaf en elkeen moet sy eie beddegoed bring. Volgens Joyce maak skoonmakers die plek gereeld skoon. Hulle ontvang kos van die staatshospitaal wat in bakkies op die tafel voor die vertrek gelos word.

“Dit is yskoud wanneer dit uiteindelik by ons aankom.”

Joyce se 19-jarige dogter en haar tweejarige kleinkind het ook positief vir Covid-19 getoets. Hulle isoleer tans in Joyce se woonstel en het volgens haar geen simptome van die siekte nie.
*Skuilnaam

[email protected]

Soortgelyk

 

Vandag se Covid-19-data

7 ure gelede | Gesondheid

'n Visuele opsomming van die inligting vir Maandag 10 Augustus 2020, soos om 15:00 vanmiddag aangekondig deur die minister van gesondheid en maatskaplike dienste, dr....

Skerp styging in gevalle in Windhoek wek kommer, sê...

8 ure gelede | Gesondheid

Die minister van gesondheid en maatskaplike dienste dr. Kalumbi Shangula het die situasie in Windhoek as "kommerwekkend" beskryf met 79 nuwe Covid-19-gevalle wat vandag in...

Twee met ivoor, velle vasgetrek

12 ure gelede | Misdaad

Twee vermeende wildmisdadigers, mnr. Gabriel Kuutondokwa Nalitje en David Simon, is verlede Maandag in Windhoek glo met drie stukke ivoor en een elk luiperd- en...

Viskwotas: Tweede Fishrot gevrees

23 ure gelede | Misdaad

Leandrea Louw op Walvisbaai - Rolspelers in die visbedryf is bekommerd dat die land in 'n tweede Fishrot-skandaal gedompel sal word as viskwotas opgeveil word....

Olifante vertrap Noorde-plase

23 ure gelede | Omgewing

Elvira Hattingh - Twee troppe olifante het sedert Donderdag en oor die afgelope naweek verwoesting op plase teen die veterinêre kordonheining in die Noordooste gesaai,...

Tossing papers, tapping buttons

23 ure gelede | Tegnologie

Justicia Shipena WINDHOEKHaving started his coding journey in grade nine at De Duine Secondary School in Walvis Bay, Joachim Shilongo recently developed a...

'Beskerm jouself en ander'

23 ure gelede | Gesondheid

Henriette Lamprecht – Die ministerie van gesondheid en maatskaplike dienste gaan beheermaatreels in Windhoek verskerp in ’n poging om die toenemende skerp styging in Covid-19-gevalle...

Weer vir 11 Augustus 2020

23 ure gelede | Weer

WEERWAAK: Koue toestande sal môre in die Suide vestig. Die nodige voorsorgmaatreëls moet getref word. BINNELAND: Gedeeltelik bewolk en matig tot warm, maar baie warm...

#Covid19SafetyChallenge closing date extended

23 ure gelede | Gesondheid

Justicia Shipena LifeLine ChildLine, through Uitani Radio, invites young people of all ages to participate in the #Covid19SafetyChallenge.This competition aims to monitor how many...