‘Ek het nie die stryd verloor’

‘Met opset’ nie by hof opgedaag

31 January 2019 | Howe
Catherine Sasman – Mnr. Phil ya Nangoloh se stryd om veteraanstatus gaan voort met ‘n nuwe hoërhofaansoek wat hy teen ‘n besluit van die Veterane se Appèlraad ingedien het.

Die hoërhofregter Harald Geier het die saak verlede week van die hofrol geskrap omdat dit volgens hom “onaktief” geraak het.

In sy nuwe aansoek hou Ya Nangoloh vol die registrateur van die hoërhof moet die saak weer op die rol sit en ‘n nuwe verhoordatum vasstel.

Hy sê in weerwil van mediaberigte hy het nie sy stryd om as ‘n veteraan van die bevrydingstryd erken te word, verloor nie.

Hy is nooit die geleentheid gegun om sy saak in die hoërhof te bepleit nie, sê hy.

Volgens Ya Nangoloh het hy “met opset” nie op 23 Januarie in die hof verskyn nie, omdat hy nooit “persoonlik” ‘n kennisgewing, deur die hof uitgereik om op 23 Januarie te verskyn, ontvang het nie.

Die kennisgewing het bepaal hy moet op 23 Januarie in die hof verskyn om te verduidelik waarom daar vir ses maande niks in die saak gebeur het nie en waarom dit nie van die rol geskrap moet word nie.

Terwyl hy voet by stuk hou dié kennisgewing is nie op hom bedien nie, hou Ya Nangoloh ook vol die tydsberekening van die kennisgewing was “onredelik en onregverdig”, omdat dit op so ‘n kort kennisgewing uitgereik is.

Laasgenoemde is skaars vier dae voor die verhoor uitgereik, waartydens dit summier van die hof geskrap en as afgehandel beskou is.

Ya Nangoloh sê hy het eerstens nie geweet ‘n regter is vir sy saak aangewys nie. Ook het hy geduldig gewag en gehoop om oor sy saak ingelig te word, wat nooit gebeur het nie.

Volgens hom het hy van die hofdatum bewus geword toe ‘n joernalis hom bel om meer oor die saak uit te vind.

Die verhoor was vasgestel vir 08:30 op 23 Januarie en hy het, ná hy omstreeks 10:30 daarvan gehoor het, hom na die registrateur se kantoor gehaas, sê hy.

Hier is hy glo in telefoniese kontak met regter Geier se sekretaresse gebring, wat hom ingelig het sy saak is van die hofrol geskrap.

“Ek was natuurlik baie geskok, sprakeloos en verpletter oor dié drastiese besluit,” sê Ya Nangoloh in sy verklaring.

Hy versoek die hof vir ‘n herlewing van sy appèl teen die Veterane se Appèlraad.

Volgens hom beteken die herinstelling van die saak dat die volledige appèl, insluitende die oorspronklike kennisgewing van appèl en ook die rekord, weer op die hofrol geplaas word.

Hy sê voorts die appèl moet weer oorweeg word omdat dit nooit verval het nie.

Die appèl spruit voort uit ‘n besluit deur die Veterane se Appèlraad om sy aansoek om veteranestatus van die hand te wys.

Die raad se argument was dat Ya Nangoloh die bevrydingstryd “verlaat” het toe hy Swapo in 1980 verlaat het.

Ya Nangoloh se verweer was Swapo moenie gelyk gestel word aan die bevrydingstryd nie, en dat die veteraneraad se besluit “politiek-gedrewe, onredelik en arbitrêr” was.

Hy hou vol hy het nooit die bevrydingstryd verlaat nie en was deurgaans daarby betrokke.

Soortgelyk

 

Lodge, besigheid beroof – sewe vas

1 uur gelede | Misdaad

Henriette Lamprecht – Sewe verdagtes was gister reeds agter tralies nadat hulle by twee verskillende inbrake in die Omahekestreek betrokke was. Een van die inbrake...

Tolpaaie dalk op pad

1 uur gelede | Vervoer

font face="Verdana" >Catherine Sasman - Die Padfondsadministrasie (RFA) beoog om die lewensvatbaarheid van tolpaaie in Namibië te ondersoek.Dít as ’n moontlike bykomende bron...

Grondwet praat jou taal

1 uur gelede | Howe

Denver Kisting – Dit is belangrik dat die oppergesag van die land, die Grondwet, toeganklik is vir Jan en San Alleman.Alle wette in Namibië is...

Agterstallige pos glo nie NamPost se skuld

1 uur gelede | Ministeries

Catherine Sasman – Volgens NamPost is die agterstand in die aflewering van pos en pakkies nie sy skuld nie, maar wel die Suid-Afrikaanse Internasionale possentrum...

Weer vir 9 Augustus

1 uur gelede | Weer

BINNELAND: Gedeeltelik bewolk en warm in die Suide, maar baie tot bloedig warm in die Noorde.KUS: Gedeeltelik bewolk en matig tot warm met miskolle in...

Nou aan die gang

1 uur gelede | Kuns en vermaak

» Vanaand is die immergewilde Windhoek City Market weer in die hoofstad. Geniet ’n onbeperkte vonkelwynproe van verskeie wynkelders uit Suid-Afrika se produkte. Dié mark...

Klei en keramiek by negende biënnale

1 uur gelede | Kuns en vermaak

Die Pottebakkersvereniging van Namibië (PAN) se 9de Keramiek Biënnale word eersdaags by die Nasionale Kunsgalery van Namibië (NAGN) aangebied sal word. Die geleentheid is die...

N$150 miljoen vir landskapbestuur

1 uur gelede | Ministeries

Die ministerie van die omgewing en toerisme en die Nasionale Beplanningskommissie van Namibië het Woensdag ’n ooreenkoms met die Verenigde Nasies se Ontwikkelingsprogram (UNDP) onderteken,...

Boere kan doen met ‘n miljoen

1 uur gelede | Omgewing

Engen het gister N$1 miljoen aan die Dare to Care-droogtehulpfonds oorhandig.Dit ná sy eerste skenking van N$850 000 op Vrydag 12 Julie. Die oliemaatskappy het...