Eindelik huis toe
Haar geloof het haar gedra, sê ’n onderwyseres wat tien weke in die hospitaal met Covid-19 moes deurbring.
Henriette Lamprecht – Tien weke nadat sy in die hospitaal met Covid-19 opgeneem is en waarvan sy meer as drie weke in die intensiewesorgeenheid (ICU) deurgebring het, is ’n onderwyseres van Windhoek uiteindelik op pad huis toe.
Haar reis was nie maklik nie, erken die 53-jarige me. Lydia Hewicke, maar haar geloof het haar gedra.
“Die Here het vir my gesê ‘ontspan, jy sal hulle (my familie) weer sien. Ek het baie sterk vertroue gehad dat ek nie sal doodgaan nie. My geloof was baie sterk in my hele ‘journey’”, sê Hewicke, ’n onderwyseres by die Primêre Skool Moses //Garoëb.
Sy het “iets in my bors gevoel”, vertel Hewicke, “asof daar ’n wond was” en dit het net erger geword, vertel sy oor haar eerste simptome.
“Ek was drie keer by die dokter. Hy het my nie vir Covid-19 getoets nie, want ek het geen hoes gehad nie,” sê Hewicke.
‘n Toets het egter gewys haar suurstofvlak staan op 80 en sy is ná ’n verwysing deur haar dokter op 28 Julie in Windhoek Mediclinic opgeneem. Hewicke is dieselfde dag vir Covid-19 getoets en het ook dadelik suurstof ontvang.
“Die eerste drie dae was baie moeilik. Die asemhaling en gehoes was te erg, ek kon nie eers toilet toe gaan nie,” vertel sy.
Haar suurstofvlak het egter steeds bly daal en op 31 Julie word sy in die intensiewesorgeenheid van die hospitaal opgeneem waar sy volle suurstoftoevoer ontvang. Meer as drie weke later word sy op 24 Augustus na die Covid-19-saal en later na ’n gewone saal oorgeplaas.
“Dit was moeilike dae wat ek nie sommer sal vergeet nie. As ek reg was, kon ek boodskappe stuur, maar praat was moeilik omdat ek op die masjien was. Wanneer hulle my gevoer het, moes die verpleegster heeltyd die suurstofvlak dophou. Die keuse was suurstof of kos, maar ek was ook op ‘n drup, al twee arms was vol pype.”
Tydens haar verblyf in die ICU moes Hewicke ook ’n blindedermoperasie ondergaan, nadat sy erge pyn ervaar en haar “hele liggaam” gebewe het.
Tydens die suksesvolle operasie is bloeding in haar maag opgemerk, vertel Hewicke wat ook gedreineer moes word. Dit kan volgens haar weens die inspuitings wees wat sy gekry het vir die bloedklonte in haar longe.
In die tydperk het die hospitaal geen besoekers toegelaat nie en verlede Maandag kon Hewicke vir die eerste keer familie sien. Tydens haar eerste week in die hospitaal is haar man ook vir Covid-19 opgeneem en sou hy twee weke hier deurbring.
“Dit was heeltyd ’n bekommernis by my dat my man en kinders ook gaan siek word, omdat ek positief was.”
Volgens Hewicke het haar “eie kinders en kleinkind” egter negatief getoets, terwyl haar kinderoppasser en aangenome familielid positief getoets het.
Sy vermoed sy het die siekte by haar man opgetel wat ’n “verkoue erger as ooit” gehad het wat hy nie kon afskud nie.
“Hy is iemand wat heeltyd werk en nie sommer sal lê nie.”
Hewicke vertel sy kon eers glad nie loop nie en was aanvanklik baie swak en kon net met ’n rolstoel oor die weg kom.
Nou kan sy al sonder suurstof op haar eie loop en was selfs al buite vir ’n bietjie vars lug.
“Ek kon vir twee maande nie loop nie. Jy moet jou liggaam mooi oppas, die regte kos eet en dit nie vanselfsprekend aanvaar nie. Dit is ook ’n nuwe siekte vir dokters wat die een medikasie na die ander moet probeer en sommige het my newe-effekte gegee,” sê Hewicke.
Dit is beter om “arm te bly en baie mense te hê”, sê sy.
“Al het jy ’n miljoen in die bank en nie mense by jou nie, is jy arm.”
Sy het intussen drie keer negatief vir Covid-19 getoets.
Hewicke is vol lof vir die Mediclinic-personeel wat soos familie en vriende geword het.
“Hulle werk so hard om lewens te red en het my baie mooi hanteer. Hulle het ’n hoërisikowerk en ’n familie .”
Sy maan inwoners om by die regulasies te hou om Covid-19 te bekamp.
“Dra jou masker en was jou hande, hou jou sosiale afstand.”
– [email protected]
Haar reis was nie maklik nie, erken die 53-jarige me. Lydia Hewicke, maar haar geloof het haar gedra.
“Die Here het vir my gesê ‘ontspan, jy sal hulle (my familie) weer sien. Ek het baie sterk vertroue gehad dat ek nie sal doodgaan nie. My geloof was baie sterk in my hele ‘journey’”, sê Hewicke, ’n onderwyseres by die Primêre Skool Moses //Garoëb.
Sy het “iets in my bors gevoel”, vertel Hewicke, “asof daar ’n wond was” en dit het net erger geword, vertel sy oor haar eerste simptome.
“Ek was drie keer by die dokter. Hy het my nie vir Covid-19 getoets nie, want ek het geen hoes gehad nie,” sê Hewicke.
‘n Toets het egter gewys haar suurstofvlak staan op 80 en sy is ná ’n verwysing deur haar dokter op 28 Julie in Windhoek Mediclinic opgeneem. Hewicke is dieselfde dag vir Covid-19 getoets en het ook dadelik suurstof ontvang.
“Die eerste drie dae was baie moeilik. Die asemhaling en gehoes was te erg, ek kon nie eers toilet toe gaan nie,” vertel sy.
Haar suurstofvlak het egter steeds bly daal en op 31 Julie word sy in die intensiewesorgeenheid van die hospitaal opgeneem waar sy volle suurstoftoevoer ontvang. Meer as drie weke later word sy op 24 Augustus na die Covid-19-saal en later na ’n gewone saal oorgeplaas.
“Dit was moeilike dae wat ek nie sommer sal vergeet nie. As ek reg was, kon ek boodskappe stuur, maar praat was moeilik omdat ek op die masjien was. Wanneer hulle my gevoer het, moes die verpleegster heeltyd die suurstofvlak dophou. Die keuse was suurstof of kos, maar ek was ook op ‘n drup, al twee arms was vol pype.”
Tydens haar verblyf in die ICU moes Hewicke ook ’n blindedermoperasie ondergaan, nadat sy erge pyn ervaar en haar “hele liggaam” gebewe het.
Tydens die suksesvolle operasie is bloeding in haar maag opgemerk, vertel Hewicke wat ook gedreineer moes word. Dit kan volgens haar weens die inspuitings wees wat sy gekry het vir die bloedklonte in haar longe.
In die tydperk het die hospitaal geen besoekers toegelaat nie en verlede Maandag kon Hewicke vir die eerste keer familie sien. Tydens haar eerste week in die hospitaal is haar man ook vir Covid-19 opgeneem en sou hy twee weke hier deurbring.
“Dit was heeltyd ’n bekommernis by my dat my man en kinders ook gaan siek word, omdat ek positief was.”
Volgens Hewicke het haar “eie kinders en kleinkind” egter negatief getoets, terwyl haar kinderoppasser en aangenome familielid positief getoets het.
Sy vermoed sy het die siekte by haar man opgetel wat ’n “verkoue erger as ooit” gehad het wat hy nie kon afskud nie.
“Hy is iemand wat heeltyd werk en nie sommer sal lê nie.”
Hewicke vertel sy kon eers glad nie loop nie en was aanvanklik baie swak en kon net met ’n rolstoel oor die weg kom.
Nou kan sy al sonder suurstof op haar eie loop en was selfs al buite vir ’n bietjie vars lug.
“Ek kon vir twee maande nie loop nie. Jy moet jou liggaam mooi oppas, die regte kos eet en dit nie vanselfsprekend aanvaar nie. Dit is ook ’n nuwe siekte vir dokters wat die een medikasie na die ander moet probeer en sommige het my newe-effekte gegee,” sê Hewicke.
Dit is beter om “arm te bly en baie mense te hê”, sê sy.
“Al het jy ’n miljoen in die bank en nie mense by jou nie, is jy arm.”
Sy het intussen drie keer negatief vir Covid-19 getoets.
Hewicke is vol lof vir die Mediclinic-personeel wat soos familie en vriende geword het.
“Hulle werk so hard om lewens te red en het my baie mooi hanteer. Hulle het ’n hoërisikowerk en ’n familie .”
Sy maan inwoners om by die regulasies te hou om Covid-19 te bekamp.
“Dra jou masker en was jou hande, hou jou sosiale afstand.”
– [email protected]
Kommentaar
Republikein
Geen kommentaar is op hierdie artikel gelaat nie