Eina vir Sasol op JSE ná brand in Amerika

16 January 2020 | Energie
Francois Williams – Sasol se aandeelprys het Dinsdag met 4% geval ná ’n ongeluk by sy chemiese aanleg by Lake Charles in Louisiana, Amerika.

Die ontploffing en brand Maandagmiddag Amerikaanse tyd by sy laedigtheid-poliëtileeneenheid (LDPE) gaan die voltooiing van die aanleg vertraag, het Sasol in ’n aankondiging op Sens, die JSE se nuusdiens, laat weet.

Dit blyk niemand is beseer nie. Die brand is geblus en alle werknemers en kontrakteurs is veilig, volgens Sasol.

Die ongeluk raak egter Sasol se planne om die nuwe chemiese aanleg betyds te voltooi. Die LDPE-eenheid was in die finale fases om in kommersiële produksie geplaas te word, maar is nou gesluit en ’n ondersoek word gedoen om vas te stel wat die ontploffing veroorsaak het, hoe erg die skade is en wat die impak is op die tydskaal om die aanleg in bedryf te stel.

Volgens Sasol is al die ander eenhede by die Lake Charles-aanleg, soos die etaankraker, nie geraak deur die voorval nie.

Daar is nog drie produksie-eenhede wat in aanbou is, wat ook nie geraak is deur die ontploffing by die LDPE-eenheid nie. LDPE is een van die basiese boustene vir plastiekprodukte soos plastieksakke, kleefplastiek, weggooibare koppies, houerdeksels of sekere speelgoed.

Teen Dinsdag laatmiddag was Sasol se aandeelprys 4% laer op R296,11. Sy beste vlak oor die afgelope 12 maande was R489,50, volgens Bloomberg-data. – Netwerk24

Soortgelyk

 

Bank Windhoek sluit hooftak, Auas Valley- en Ashirwad-agentskappe weens...

7 ure gelede | Gesondheid

Bank Windhoek het sy hooftak in Windhoek, sowel as die Auas Valley en Ashirwad-agentskappe gesluit wat van hier af bedien word. Dit volg nadat een...

68 nuwe Covid-19-gevalle, nog 26 herstel

7 ure gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula het 68 nuwe Covid-19-gevalle in die land aangekondig. Hiervan is 60 in Walvisbaai, een...

Nóg een sterf, meer gevalle in Windhoek

23 ure gelede | Gesondheid

HoofredaksieBuiten 'n styging in die getal mense in Windhoek wat positief getoets het vir Covid-19, is daar ook al meer mense wat die virussiekte opdoen...

Kusdorpe soek hul vryheid

23 ure gelede | Gesondheid

Leandrea Louw op Walvisbaai Sowat 350 inwoners van Walvisbaai en Swakopmund het Saterdag naby Langstrand aan ’n onwettige optog teen die Covid-19-inperking in die Erongostreek...

Privaatskole dra miljarde by tot onderwys

23 ure gelede | Onderwys

Henriette Lamprecht – Privaatskole in Namibië het die afgelope 18 jaar die ministerie van onderwys, kuns en kultuur se begroting N$833 miljoen jaarliks gespaar. Dit...

Daniele Ferrari in Katolieke tradisie gegroet

23 ure gelede | Mense

Jeanette Diergaardt – Mense van verskillende ras- en taalgroepe het Vrydagmiddag by 'n roudiens in die St. Mary's-katedraal in Windhoek se middestad saam met die...

Weer vir 27 Augustus 2020

23 ure gelede | Weer

BINNELAND: Gedeeltelik bewolk en warm in die verre noordelike streke, maar sonnig en matig tot warm elders in die land. Die wind sal matig tot...

'Hofpligte sal ek deurvoer'

23 ure gelede | Howe

Ogone Tlhage – Mnr. Johannes Stefansson, die Yslander wat 'n hoofrol gespeel het om korrupsie in die Namibiese visserybedryf oop te vlek, sê hy sal...

Party hou introspeksie

23 ure gelede | Politiek

Augetto Graig – Die heersende Swapo-party het die naweek teruggekyk na die 2019 nasionale verkiesing en selfondersoek gedoen om die pad vorentoe te kan uitstip....