EIF waarsku teen bedrogspul met 'belegging'

Ellanie Smit – Die Omgewingsbeleggingsfonds van Namibië (EIF) waarsku die publiek teen 'n bedrogspul wat veral op die sosialemediaplatform Telegram versprei is.Volgens die EIF vra die swendelaar 'n belegging van N$1 000 en beloof om N$5 000 binne drie maande terug te betaal.'n Skakel na die EIF-webwerf word glo met slagoffers gedeel om hulle te oortuig dat die belegging wettig is.Die EIF het 'n strafsaak geopen en doen 'n beroep op die publiek om hul inligting hieroor met die owerhede te deel. Diegene wat bedrieg is, word versoek om die saak by die polisie aan te meld.VALSE VOORWENDSELSVolgens die EIF doen 'n video op sosiale media die rondte waarin die swendelaar, onder die naam Helen Nicol, die EIF se inligting gebruik om haar slagoffers te bedrieg om geld by haar te belê.“Dit sluit 'n videogreep in van 'n belegger wat kwansuis wel geld uit hierdie beweerde belegging gekry het. “Die video verskaf dan 'n skakel wat potensiële beleggers kan gebruik om die maatskappy se inligting na te gaan.”Die skakel lei na die EIF-webwerf.“Die swendelaar se optrede bring die EIF se naam in oneer, aangesien dit 'n invloed op die vertroue van al ons belanghebbendes het en in stryd is met die vooruitgang wat die EIF sedert sy ontstaan gemaak het,” lui die EIF se waarskuwing. Die Omgewingsbeleggingsfonds het beklemtoon dat hy geensins betrokke is by die verkryging van beleggings van die publiek nie en dat nie een van sy werknemers by magte is om geld van die publiek te neem nie.“Die EIF veroordeel ten sterkste diegene wat ons naam gebruik om mense van hul geld te bedrieg.”Die EIF het die publiek aangemoedig om paraat te wees vir swendelary van hierdie aard en het hulle aangemoedig om die EIF-kantoor te kontak vir inligting oor projekte en programme wat deur die Fonds bestuur word.– republikein@republikein.com.na

EIF waarsku teen bedrogspul met 'belegging'

Kommentaar

Republikein 2025-09-08

Meld asseblief aan om kommentaar te lewer

EIF waarsku teen bedrogspul met 'belegging'

Kommentaar

Republikein 2025-09-08

Meld asseblief aan om kommentaar te lewer

MELD AAN

Advertensie