Eiesoortige kunsmark
The Project Room, ‘n onafhanklike galery in Windhoek, bied môre in samewerking met die Namibiese Kunsvereniging (NAA) ‘n eksklusiewe, interaktiewe kunsmark, Art in Action, in Onafhanklikheidsrylaan aan.
Die pop-up-markie sal by Cramer’s by die FNB-gebou plaasvind.
By Art in Action sal bekende kunstenaars hul talente en vermoëns wys. Die kunstenaars kry elkeen ‘n klein ateljee waarin hulle kan skep.
Die geleentheid word deur die Nasionale Kunsteraad van Namibië geborg.
Frida Lühl, die eienaar en stigter van The Project Room, is een van die meesterbreine agter Art in Action.
“2019 was 'n buitengewone jaar vir The Project Room. Ons het 'n groot aantal uitstekende uitstallings gehad en elke maand 'n nuwe kunstenaar of groep kunstenaars se werk ten toon gestel. As die enigste aktiewe onafhanklike galery, is The Project Room baie tevrede met wat ons vermag. Ons kry baie interessante uitstallings- en werkswinkelvoorstelle wat ons volgende jaar sal probeer akkommodeer.”
Lühl sê die galery trek deesdae selfs internasionale aandag.
“Ons beplan vir volgende jaar twee projekte deur internasionale kunstenaars, van Duitsland en die VSA. Ons kalender is vol vir 2020, met groep- en gemeenskapsuitstallings, ekspo's, werkswinkels en solo-uitstallings deur die beste van ons plaaslike kunstenaars.”
Aangesien die Project Room binnekort vir die jaar sluit, is Frida ten volle by Art in Action betrokke.
Dié konsep broei al ‘n geruime tyd in haar kop. Ná vele vergaderings en ander logistieke aspekte, het die idee uiteindelik gerealiseer.
“Ek het oorspronklik Art in Action by die Kunsteraad voorgestel as 'n interaktiewe stalletjie vir die bekende leefstylekspo, Inspirasie Tafels. Ons het baie keer in die kunssektor daaroor gepraat dat ons meer blootstelling nodig het en platforms vir plaaslike kunste moet skep. Behalwe dat daar nie eens 'n hand vol galerye is nie, het die plaaslike kunstenaars baie min platforms om hul werke te wys. 'n Ekspo, in dié geval Inspirasie Tafels, bied die beste blootstelling,” sê Lühl.
Vroëer vanjaar is aangekomdig Inspirasie Tafels sal nie in 2019 plaasvind nie. Dus moes Lühl en lede van die kunsteraad ‘n ander plan beraam.
“Ek het 'n pop-up-markie in die middestad voorgestel. Ek wou dit nie alleen doen nie en was daarom baie gelukkig toe die NAA ewe opgewonde was. Ons het besluit op die middestad omdat dit sigbaar en toeganklik is.”
Verskeie genres sal by Art in Action gesien kan word: Skilderye, beelhouwerk, keramiekkuns, pottebakkery, juweliersware en drukwerk. Alle werke sal te koop wees.
Deelnemende kunstenaars is Neige Moongo, Nicky Marais, Ester Illonga, Dewayne Warren
Goagoseb, Lok Kandjengo, Mitchell Gatsi, Ina Maria Shikongo, Saima Iita en Tity Tshilumba.
“Die geleentheid is vir almal. Bring die kinders en kom kuier lekker saam," sê Lühl.
Die eiesoortige pop-up-markie is môre om 10:00 af oop en kan to 20:00 besoek word.
Kollig-lesers wat op hoogte wil bly van die gebeure by The Project Room, kan ‘n boodskap op Facebook of Instagram by @The Project Room-Namibia laat.
Die pop-up-markie sal by Cramer’s by die FNB-gebou plaasvind.
By Art in Action sal bekende kunstenaars hul talente en vermoëns wys. Die kunstenaars kry elkeen ‘n klein ateljee waarin hulle kan skep.
Die geleentheid word deur die Nasionale Kunsteraad van Namibië geborg.
Frida Lühl, die eienaar en stigter van The Project Room, is een van die meesterbreine agter Art in Action.
“2019 was 'n buitengewone jaar vir The Project Room. Ons het 'n groot aantal uitstekende uitstallings gehad en elke maand 'n nuwe kunstenaar of groep kunstenaars se werk ten toon gestel. As die enigste aktiewe onafhanklike galery, is The Project Room baie tevrede met wat ons vermag. Ons kry baie interessante uitstallings- en werkswinkelvoorstelle wat ons volgende jaar sal probeer akkommodeer.”
Lühl sê die galery trek deesdae selfs internasionale aandag.
“Ons beplan vir volgende jaar twee projekte deur internasionale kunstenaars, van Duitsland en die VSA. Ons kalender is vol vir 2020, met groep- en gemeenskapsuitstallings, ekspo's, werkswinkels en solo-uitstallings deur die beste van ons plaaslike kunstenaars.”
Aangesien die Project Room binnekort vir die jaar sluit, is Frida ten volle by Art in Action betrokke.
Dié konsep broei al ‘n geruime tyd in haar kop. Ná vele vergaderings en ander logistieke aspekte, het die idee uiteindelik gerealiseer.
“Ek het oorspronklik Art in Action by die Kunsteraad voorgestel as 'n interaktiewe stalletjie vir die bekende leefstylekspo, Inspirasie Tafels. Ons het baie keer in die kunssektor daaroor gepraat dat ons meer blootstelling nodig het en platforms vir plaaslike kunste moet skep. Behalwe dat daar nie eens 'n hand vol galerye is nie, het die plaaslike kunstenaars baie min platforms om hul werke te wys. 'n Ekspo, in dié geval Inspirasie Tafels, bied die beste blootstelling,” sê Lühl.
Vroëer vanjaar is aangekomdig Inspirasie Tafels sal nie in 2019 plaasvind nie. Dus moes Lühl en lede van die kunsteraad ‘n ander plan beraam.
“Ek het 'n pop-up-markie in die middestad voorgestel. Ek wou dit nie alleen doen nie en was daarom baie gelukkig toe die NAA ewe opgewonde was. Ons het besluit op die middestad omdat dit sigbaar en toeganklik is.”
Verskeie genres sal by Art in Action gesien kan word: Skilderye, beelhouwerk, keramiekkuns, pottebakkery, juweliersware en drukwerk. Alle werke sal te koop wees.
Deelnemende kunstenaars is Neige Moongo, Nicky Marais, Ester Illonga, Dewayne Warren
Goagoseb, Lok Kandjengo, Mitchell Gatsi, Ina Maria Shikongo, Saima Iita en Tity Tshilumba.
“Die geleentheid is vir almal. Bring die kinders en kom kuier lekker saam," sê Lühl.
Die eiesoortige pop-up-markie is môre om 10:00 af oop en kan to 20:00 besoek word.
Kollig-lesers wat op hoogte wil bly van die gebeure by The Project Room, kan ‘n boodskap op Facebook of Instagram by @The Project Room-Namibia laat.
Kommentaar
Republikein
Geen kommentaar is op hierdie artikel gelaat nie