Eiendomsagent verloor hofaansoek oor generaal se geld

Jacqueline Louw – Mnr. Erwin Sprangers, ’n eiendomsagent van Swakopmund wat in 2011 deur generaal Francois Olenga gedagvaar is om US$850 000 aan hom terug te betaal, het ’n hofaansoek in die Windhoek hoërhof ingedien. Sy verweer is dat hy nie bewyslas in die saak dra nie en dat die generaal moet bewys dat geld wat aan hom behoort in Sprangers se rekening beland het. Deur hierdie aansoek het Sprangers probeer om die saak teen hom te beëindig.Regter Thomas Masuku het verlede Vrydag in die redes vir sy beslissing aangedui dat Sprangers aan die hof moet verduidelik hoe en onder watter omstandighede hy geld van Olenga in sy rekening ontvang het en ook wat die oorweging vir die ontvangs van so ’n groot bedrag geld was.Die oorsprong van die dispuut is ’n ooreenkoms tussen Olenga en Sprangers waarvolgens die generaal US$900 000 in die agent se bankrekening inbetaal vir ’n eiendomsontwikkeling op twee van die generaal se eiendomme in Swakopmund. Olenga wou egter nie voortgaan met die ontwikkeling nie en het Sprangers versoek om sy geld terug te betaal. Slegs US$50 000 van die totale bedrag is egter terugbetaal en Olenga het Sprangers gedagvaar vir betaling van die uitstaande bedrag van US$850 000.Sprangers het egter aanspreeklikheid vir die eis ontken. Volgens hom het sy eiendomsagentskap ’n mondelinge ooreenkoms met die generaal gesluit om twee eiendomme te verkoop. Daar was glo ook ’n verdere ooreenkoms tussen Sprangers en Olenga waarvolgens die Olenga ’n 18de eeuse Chinese vaas vir Sprangers moes verkoop. Sprangers beweer Olenga het dié vaas vir N$10 miljoen van die hand gesit.Die regter het die mening uitgespreek dat die getuienis ’n duidelike prentjie skilder, ongeag van enige kritiek wat daarteen ingebring kan word. Die getuienis deur bankiers van MTB Bank in Boedapest en Eerste Nasionale Bank in Namibië dat ’n bedrag van US$900 000 wel deur Olenga in Sprangers se rekening inbetaal is, is deur die hof aanvaar.Prokureur George Coleman verteenwoordig Sprangers en adv. Ramon Maasdorp tree namens Olenga op.

Eiendomsagent verloor hofaansoek oor generaal se geld

Kommentaar

Republikein 2025-09-18

Meld asseblief aan om kommentaar te lewer

Eiendomsagent verloor hofaansoek oor generaal se geld

Kommentaar

Republikein 2025-09-18

Meld asseblief aan om kommentaar te lewer

MELD AAN

Advertensie