Ehlers maak skoonskip by NAMAs

13 September 2019 | Kuns en vermaak
Lloyd Zandberg - Die Namibiese Jaarlikse Musiektoekennings (NAMAs) het die afgelope Saterdagaand by The Dome op Swakopmund plaasgevind.

Dié geleentheid lok jaarliks die beste kunstenaars in die bedryf, mode-aanhangers en die algemene publiek om ‘n aand van Namibiese musiek te vier, en sodoende kunstenaars met toekennings vir bostaande prestasies te vereer.

Lize Ehlers was die topwenner by vanjaar se NAMAs. Sy het onder meer die toekennings vir Beste Kunstenaar, Beste Vroulike Kunstenaar en Beste House in die sak gelaai.

Kollig het met haar oor die aand gesels.

“Ek het al begin huil toe ek die eerste toekenning ontvang, en sedertdien het ek nog nie opgehou nie. Ek dink ek is gedehidreer van al die huil. Dis trane van dankbaarheid en trots.”

Die algemene ervaring was wonderlik, sê Lize.

“So baie ander vroue het my op die reis ondersteun, maar meer spesifiek my mentor, Sandy Rudd. Sandy het vir my gesê ek moet sorg ek bly naby die venue sodat ek nie die heeltyd rond hoef te rits nie. Sy was so gaaf en het my akkommodasie vir die tydperk geborg. My stilis, Melissa Poulton, het ook al die pad na Swakopmund gereis om seker te maak alles val in plek en dat ek reg sal lyk indien ek iets sou wen.”

Die openingsliedjie waarvan Lize deel was, was gerig op die bewusmaking van geslagsgeweld, en sy voeg by dit is ‘n kwessie wat haar na aan die hart lê.

“Ek wou curvy mixed vrouens verteenwoordig. En dis wat ek gedoen het. My tipe mense.”

Lize sê iemand het in die sosiale media geskryf: “Jong, dit was ‘n lang stap van Mariental.”

“En dis presies wat dit is. Ek kom al so 'n lank pad. Dit het my so emosioneel gemaak omdat dit al tien jaar is wat ek in die industrie werk. En om uiteindelik erkenning te ontvang, was ongelooflik.

“Om te wen het my net weer eens laat besef dat ek op die regte pad is, en alles waarin ek glo, iets beteken. Ek werk al jare en nou is dit duidelik: Harde werk is nooit verniet nie.”

Haar album 5, waarvoor sy die genoemde pryse ontvang het, beskou sy as stories, of soos sy sê, boodskap-musiek.

“Dis nie net lirieke nie. Dis stories. Ongeag die genre, het mense besef dit is musiek met 'n boodskap. Vier uit die vyf enkelsnitte wat ek vrygestel het, het dit tot die no.1-posisies op plaaslike radiostasies gemaak.”

Lize is veral opgewonde oor die Beste House-toekenning.

“Fantastic Sam was op die snit en hy vorm net so 'n groot deel van die prys. House-musiek maak vir my sin. Ek hou daarvan en ek het al aan die begin my van loopbaan daarin belang gestel. Dit was ‘n eer om daarvoor erken te word.”

Die toekenning waarop sy die trotsste is, is uiteraard die mees gesogte prys van die aand – Beste Kunstenaar.

“Vroue kan ook die kunstenaars van die jaar wees. Jy hoef nie ‘n man te wees nie. Dit moet net iemand wees wat sonder ingee en ophou, hard gewerk het. Daar is soveel liefde wat daarmee gepaard gaan. En ek is eerlikwaar in ekstase oor die wen van dié toekenning."

Lize het onlangs haar nuwe album, Lize Live, vrygestel en is tans op Swakopmund om dit te bemark. Hou die Kollig dop vir optreedatums en shows.

KASSIE

Die volledige lys wenners:

Beste Afrikaans - Vaughn Ahrens

Beste Damara Punch - T-Bozz & Staika

Beste Oviritje - MBM

Beste Soukous/Kwasa - Allen Jonathan

Beste Afropop - Gazza

Beste House - Lize Ehlers

Beste Gospel - Lindsey

Beste Kwaito- Exit

Beste R&B - Jaleel

Beste Rap/Hip-Hop - Skrypt

Beste Reggae - Gerry Dread

Beste Tradisionele Liedjie - Big Ben

Beste Enkelsnit - KK

Beste Musiekvideo - KK

Beste Liedjie - Gazza

Beste Samewerking - Blenge Mo Fire & Jimmy Jay

Pan-Afrika-kunstenaar van die jaar - AKA

Beste Vervaardiger -DJ Chronic

NAMA- Spesiale Toekenning - Brenda Fassie

Beste Nuweling- Top Cheri

Beste Duo/Groep - Tswazis

Beste Album van die Jaar - Top Cheri

Beste Vroulike Kunstenaar - Lize Ehlers

Beste Manlike Kunstenaar - Exit

Beste Kunstenaar - Lize Ehlers

Lifetime Achiever’s-toekenning - Stoney Mubiana

Soortgelyk

 

AgriBusDev-baas geskors

just now | Regering

Mnr. Petrus Uugwanga, die landbousake-ontwikkelingsagentskap (AgriBusDev) se besturende direkteur, is met onmiddelike effek geskors. Die voorsitter van die AgriBusDev-raad, me. Sophia Kasheeta, het pas ‘n...

Twee 'renosterstropers' verskyn in Gobabis-hof

2 ure gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

6 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

8 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

18 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

18 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

18 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

18 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

18 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...