Egipte veroordeel 75 ter dood oor protes in 2013

11 September 2018 | Afrika
Die kriminele hof in Kaïro, Egipte, het Saterdag 75 mense wat in 2013 aan ’n protesaksie deelgeneem het ter dood veroordeel terwyl meer as 600 ander tronkstraf gekry het, berig Reuters.

Twee van die terdoodveroordeeldes is die vooraanstaande Moslem-leiers Essam al-Erian en Mohamed Beltagi. Veiligheidsmagte het destyds honderde betogers tydens die protesaksie op die Rabaa Adawija-plein in Kaïro doodgeskiet.

Die gevonniste mense – onder wie joernaliste – het nou 60 dae om teen die vonnisse te appelleer.

CNN berig betogers het in 2013 ’n maand lank op die Rabaa al-Adawija-plein en die al-Nahda-plein gesit om te protesteer teen die staatsgreep wat die demokraties verkose pres. Mohamed Morsi uit sy amp verwyder het.

Ingryping deur die Egiptiese weermag onder bevel van die huidige pres. Abdel Fattah el-Sisi het tot geweld gelei.

SITSTAKING

Soldate het outomatiese vuurwapens en militêre masjinerie gebruik om die duisende betogers te verdryf.

The Independent berig militêre magte het meer as 900 mense tydens die sitstaking op die twee pleine doodgeskiet.

Die Egiptiese regering het gesê die betogers was gewapend en dat ses lede van die weermag ook onder die 900 dooies was.

Human Rights Watch sê dit is die meeste mense wat nog op een dag tydens betogings doodgemaak is.

Onder die 739 beskuldigdes is joernaliste en lede van die Moslem-broederskap.

Mohamed Badie, die geestelike leier van die Moslem-broederskap, en dosyne ander mense is tot lewenslange gevangenisstraf gevonnis terwyl ander tussen vyf en 15 jaar tronkstraf gekry het.

Sisi moet nou die vonnisse bekragtig. – Netwerk24

Soortgelyk

 

Houtskoolbedryf sien enorme groei

8 ure gelede | Landbou

Elvira Hattingh op Otjiwarongo - Die Namibiese houtskoolbedryf het 'n "ontploffing in houtskoolproduksie" die afgelope jaar ervaar en 'n groei van 33% in een jaar...

Lodge, besigheid beroof – sewe vas

19 ure gelede | Misdaad

Henriette Lamprecht – Sewe verdagtes was gister reeds agter tralies nadat hulle by twee verskillende inbrake in die Omahekestreek betrokke was. Een van die inbrake...

Tolpaaie dalk op pad

19 ure gelede | Vervoer

font face="Verdana" >Catherine Sasman - Die Padfondsadministrasie (RFA) beoog om die lewensvatbaarheid van tolpaaie in Namibië te ondersoek.Dít as ’n moontlike bykomende bron...

Grondwet praat jou taal

19 ure gelede | Howe

Denver Kisting – Dit is belangrik dat die oppergesag van die land, die Grondwet, toeganklik is vir Jan en San Alleman.Alle wette in Namibië is...

Agterstallige pos glo nie NamPost se skuld

19 ure gelede | Ministeries

Catherine Sasman – Volgens NamPost is die agterstand in die aflewering van pos en pakkies nie sy skuld nie, maar wel die Suid-Afrikaanse Internasionale possentrum...

Weer vir 9 Augustus

19 ure gelede | Weer

BINNELAND: Gedeeltelik bewolk en warm in die Suide, maar baie tot bloedig warm in die Noorde.KUS: Gedeeltelik bewolk en matig tot warm met miskolle in...

Nou aan die gang

19 ure gelede | Kuns en vermaak

» Vanaand is die immergewilde Windhoek City Market weer in die hoofstad. Geniet ’n onbeperkte vonkelwynproe van verskeie wynkelders uit Suid-Afrika se produkte. Dié mark...

Klei en keramiek by negende biënnale

19 ure gelede | Kuns en vermaak

Die Pottebakkersvereniging van Namibië (PAN) se 9de Keramiek Biënnale word eersdaags by die Nasionale Kunsgalery van Namibië (NAGN) aangebied sal word. Die geleentheid is die...

N$150 miljoen vir landskapbestuur

19 ure gelede | Ministeries

Die ministerie van die omgewing en toerisme en die Nasionale Beplanningskommissie van Namibië het Woensdag ’n ooreenkoms met die Verenigde Nasies se Ontwikkelingsprogram (UNDP) onderteken,...