Egipte arresteer dokters om kritici stil te maak

Ongeveer tien dokters en ses joernaliste is vanaf Februarie in Egipte in hegtenis geneem omdat hulle die regering van pres. Abdel Fattah el-Sissi kritiseer oor hoe die regering die Covid-19-gesondheidskrisis hanteer.’n Dokter is in hegtenis geneem nadat hy ’n berig oor die swak gesondheidstelsel in Egipte geskryf het. ’n Apteker is by sy werk opgelaai nadat hy op sosiale media oor die tekort aan beskermende klere gepraat het. ’n Redakteur is by sy huis in hegtenis geneem nadat hy die aantal positiewe Covid-19-gevalle bevraagteken het. ’n Swanger dokter is gearresteer nadat ’n kollega haar telefoon gebruik het om ’n vermoedelike Covid-19-geval te rapporteer.Die gesondheidsministerie het van Maandag af 73 253 bevestigde Covid-19-gevalle aangeteken met 3 343 sterftes – die hoogste dodetal in die Arabiese wêreld.’n Woordvoerder van die Egiptiese regering het nie op navrae van Associated Press gereageer nie. Hulle het wel ’n dokument gestuur wat die land se ekonomiese welvaart en sy sukses om terrorisme in die land te beëindig, uiteensit.“Elke dag wanneer ek werk toe gaan, stel ek my en my gesin se lewens in gevaar,” het ’n dokter gesê: “ Dan neem hulle my kollegas in hegtenis omdat hulle ’n boodskap vir ons stuur. Ek sien geen lig op die horison nie.”“Hierdie dokters het geen geskiedenis van aktivisme nie, hulle is in hegtenis geneem omdat hulle die regering se hantering van die gesondheidskrisis kritiseer,” sê Amir Magdi van die menseregtekommisie. Hy het die inhegtenisneming van die agt dokters en twee aptekers bevestig. Twee is vrygelaat terwyl die res voorlopig in aanhouding is. – Nampa/AFP

Egipte arresteer dokters om kritici stil te maak

Kommentaar

Republikein 2026-07-23

Meld asseblief aan om kommentaar te lewer

Egipte arresteer dokters om kritici stil te maak

Kommentaar

Republikein 2026-07-23

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.