Eet jou Zambezi-mango tuis

Regering beskerm uitvoermarkte

15 January 2020 | Ministeries
Augetto Graig



Die regering het op 13 November verlede jaar 'n verbod op die verspreiding van mango's uit die Zambezistreek geplaas.

Volgens die ministerie van landbou, water en bosbou se woordvoerder, mnr. Jona Musheko, bestaan die moontlikheid dat dié mango's die Oosterse vrugte­vlieg in Namibië kan laat versprei.

Hierdie pes kan die land se toegang tot belangrike uitvoermarkte bedreig, sê hy.

Dit is die hoofrede vir die verbod, voer hy aan.

“Volgens buurlande se inligting en bewyse is die Oosterse vrugtevlieg in die Zambezistreek teenwoordig, wat vermoedelik van Zambië af kom. Dit is weens die direkte verbinding en beweging van diere, insekte en mense tussen die lande,” sê hy.

“Beheermaatreëls is teen dié agtergrond ingestel om die verspreiding van die Oosterse vrugtevlieg deur mango's in die Zambezistreek na ander landsdele te voorkom,” sê hy.

Volgens Musheko is die ministerie se afdeling vir plantegesondheid verantwoordelik vir die beheer en voorkoming van plantplae en -siektes wat Namibiese landbouprodukte en die handel daarin kan raak.

Die plantkwarantynwet gee die ministerie die reg om te verseker Namibië voldoen aan internasionale standaarde en konvensies, sê hy.

Musheko sê die Oosterse vrugtevlieg is 'n vernietigende plaag wat vrugte besmet en groot oesverliese veroorsaak.

“Namibië lewer uitvoerprodukte soos tafeldruiwe, waatlemoene, botterskorsies en ander groente. Daarom sal 'n hele besending wat na 'n ­internasionale mark uitgevoer word, op die uitvoerland se koste verwerp en vernietig word indien selfs 'n enkele vrugtevlieglarwe dit besmet,” sê hy.

Volgens hom word besendings uit sommige Afrikalande wat deur dié vlieg geraak word, onderskep, gekonfiskeer en vernietig voor die beoogde bestemmings bereik is.

Dit teen groot ekonomiese verliese vir die uitvoerders.

“Om 'n geraakte mango te eet, het geen ernstige gesondheidsimplikasies nie, maar uitvoermarkte sal dit nie aanvaar nie,” sê hy.

Dié probleem veroorsaak dat die meeste vrugte van sommige ­Afrikalande nie internasionale markte mag betree nie, sê hy.

Musheko raai mangoboere in die Zambezi aan om hul produkte slegs binne die streek se grense te verkoop.

Dr. Fidelis Mwazi, die Akkerbouraad se uitvoerende hoof, is bekommerd daaroor dat die Zambezistreek se mark vinnig versadig sal raak, omdat die mango-aanbod daar die vraag kan oorskry.

“As die boere dit na ander dele van die land kon vervoer en verkoop, sou dit beter wees. Ons voer reeds mango's van buite Namibië af in,” sê hy.

Tog moet die beskerming van Namibië se uitvoergehalte landbouprodukte voorkeur geniet, sê hy.

“Ek het self gemengde gevoelens hieroor. Ek kom van daai streek af, en ná die vakansie kon ek nie eens 'n mango van my suster af saambring nie. Ek dink druk moet nou op die ministerie geplaas word om stappe te doen om die vrugtevlieg te beheer, en boere weer toegang tot die Namibiese mark te gee,” sê hy.

Musheko sê geen duidelikheid bestaan tans oor wanneer die verbod gelig gaan word nie.

“Ons sal eers 'n studie moet doen,” sê hy.

Intussen word Namibiërs gevra om saam te werk om te verseker geen mango verlaat die Zambezistreek nie.

“Enige mango wat uitglip, is van ­nasionale belang omdat dit ander ­produkte kan beïnvloed,” sê hy.

[email protected]

Soortgelyk

 

Air Namibia hervat op 28 Oktober vlugte na SA

1 uur gelede | Vervoer

Die nasionale redery het vanmiddag aangekondig hy hervat op 28 Oktober vlugte vanaf Windhoek na Johannesburg en Kaapstad.Die redery sal nie soos in die verlede...

77 leerlinge van dieselfde skool toets binne vier dae...

3 ure gelede | Gesondheid

Nog agt leerlinge van die senior sekondêre skool Oshakati het positief vir Covid-19 getoets wat die totaal leerlinge van die skool wat positief getoets het...

Geingob sê oor Covid-19-weg vorentoe

4 ure gelede | Gesondheid

Die minister van gesondheid en maatskaplike dienste, dr. Kalumbi Shangula, sê pres. Hage Geingob sal vandeesweek ’n aankondiging maak oor die regering se voortgesette hantering...

Covid-19: Aankondiging kom oor pad vorentoe

6 ure gelede | Gesondheid

Die minister van gesondheid en maatskaplike dienste, dr. Kalumbi Shangula, sê pres. Hage Geingob sal vandeesweek ’n aankondiging maak oor die regering se voortgesette hantering...

Geingob onder skoot oor ‘wit’ opmerkings

18 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

18 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

18 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

18 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

18 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...