Eerste vakansienaweek, tien ongelukke

Die afgelope naweek, tesame met 'n vakansiedag op Donderdag, het nie sonder voorvalle op Namibiese paaie begin nie met minstens tien ongelukke wat aangemeld is. Gister omstreeks 02:30 is 'n noodlottige ongeluk 5 km buite Kalkfeld op die C33-pad na Otjiwarongo aangemeld toe die bestuurder van 'n wit dubbelkajuitbakkie om 'n draai beheer oor sy voertuig verloor het. Een van sewe insittendes, me. Eva Tjandero (41), is op slag dood terwyl die ander met ernstige beserings na Otjiwarongo se staatshospitaal geneem is. Volgens die Namibian Marshall Rangers was daar sedert die afgelope Donderdag nog ongelukke. 'n Ongeluk is gister 46 km buite Otavi op pad na Otjiwarongo aangemeld. Die beseerde(s) is na die hospitaal geneem.'n Bakkie het Donderdag ongeveer 10 km buite Usakos, op pad na Arandis, omgeslaan. Die bestuurder is nie ernstig beseer nie.Nog 'n ongeluk is Saterdag tussen Onandjokwe en Onalulago in die Oshikotostreek aangemeld. Een persoon is na bewering dood, maar dit kon nie bevestig word nie.'n 36-jarige persoon het Saterdag ook geringe beserings opgedoen in 'n vierwielmotorfiets-ongeluk in die duine in die Langstrand-omgewing. 'n 4x4-reddingseenheid is ontplooi om die slagoffer te red.Twee voetgangers is ook die afgelope naweek raakgery. Laat Saterdagaand of vroeg Sondagoggend is 'n voetganger in 'n tref-en-trap-ongeluk naby B2Gold op die pad tussen Otjiwarongo en Otavi dood. Die Namibiese polisie doen 'n beroep op enigiemand wat kennis van dié voorval dra om na vore te kom.Volgens die polisieverslag is 'n 33-jarige man ook die afgelope Vrydag om 23:30 op die B1-pad tussen Windhoek en Rehoboth raakgery en is tans in 'n kritieke toestand. 'n Manlike bestuurder in 'n VW Jetta-sedanvoertuig het glo van die toneel af weggejaag en die polisieondersoek duur voort. Vrydag het nog 'n kop-teen-kop-botsing naby die Okambonde-nedersetting op die Eenhana-pad plaasgevind, waartydens mnr. Andreas Matheus (28) gesterf het en nog iemand ernstig beseer is.Saterdag is 'n 33-jarige man in 'n ongeluk op die C-27 pad tussen Sesriem en Solitaire beseer en 'n klag van roekelose en nalatige bestuur is dieselfde dag aanhangig gemaak nadat 'n bakkie die pad tussen die Ondjungulume-nedersetting en Oshakati verlaat het en drie insittendes beseer is. 'n Ongeluk is ook Saterdag omstreeks 17:00 20 km buite Oshivelo op pad na Omuthiya aangemeld toe twee motors gebots het. Die bestuurder van een van die motors is beseer.

Eerste vakansienaweek, tien ongelukke

Kommentaar

Republikein 2025-12-17

Meld asseblief aan om kommentaar te lewer

Eerste vakansienaweek, tien ongelukke

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.