Eerste trans-atleet se Spele eindig vroeg

Die transgender gewigopteller Laurel Hubbard het nou wel Maandag Olimpiese geskiedenis gemaak, maar dié Nieu-Seelander het misluk met al drie haar pogings en is ná die eerste ronde van die 87+ kg-swaargewigafdeling uitgeboender.Die 43-jarige Hubbard is die eerste openlik transgender atleet wat aan die Spele deelneem.Die Internasionale Olimpiese Komitee (IOK) het in 2015 die weg vir transgender atlete gebaan om aan Olimpiese vrouenommers deel te neem.Die IOK het riglyne opgestel wat bepaal dat hul testosteroon-vlakke vir minstens 12 maande voor hul eerste kompetisie minder as 10 nanomoles per liter moet wees.Hubbard, wat as 'n man deelgeneem voordat sy in 2013 haar geslagsverandering voltooi het, sê: “Ek weet ek het vanuit 'n sport-oogpunt nie die standaarde behaal wat ek van myself eis en wat my land van my verwag het nie.“Maar ek is oneindig dankbaar vir die ondersteuning wat ek van die Nieu-Seelandse mense ontvang het.“Ek wil die Nieu-Seelandse Olimpiese Komitee bedank, wat my deur baie moeilike tye bygestaan het.“Ek besef my deelname aan hierdie Spele was nie sonder omstredenheid nie, maar dit was 'n wonderlike ervaring en ek is baie dankbaar.” – Netwerk24FOTO’sLaurel Hubbard is die eerste openlik transgender atleet wat aan die Olimpiese Spele deelneem. Foto Nampa/AFP

Eerste trans-atleet se Spele eindig vroeg

Kommentaar

Republikein 2025-08-05

Meld asseblief aan om kommentaar te lewer

Eerste trans-atleet se Spele eindig vroeg

Kommentaar

Republikein 2025-08-05

Meld asseblief aan om kommentaar te lewer

MELD AAN

Advertensie