Eerste seges vanjaar vir Affies en Gim
Skolerugby
Andrew Poolman
Ondanks hul oorheersing in die vaste fasette het die o.19 eerste rugbyspan van KMC/JCC Windhoek Afrikaanse Privaatskool Woensdagmiddag so byna met leë hande weggestap, voordat hulle met die heel laaste beweging voor die eindfluitjie die wendrie gedruk het.
Op sy tuisveld het Affies met 13-8 as wenners teen Samsung Windhoek Hoërskool van die veld gestap, te danke aan die wendrie wat deur die senter Jonathan Hanekom gedruk is.
Vir sy finale eindpoging het Affies se voorspelers die bal vir etlike fases lewendig gehou met kort optel-en-dryfspel tot op WHS se doellyn, voordat Hanekom eindelik die lyn oorgesteek het.
Heelagter Jeandre Cloete se doelskop was mis, maar dit het nie saakgemaak nie, want skeidsregter Zaid Izaacs het onmiddellik daarna die eindfluitjie geblaas.
Affies is die houer van die Momentum o.19 Superliga-trofee vir 2019 én 2018. Die liga is vanjaar vanweë Covid-19 nie gespeel nie, met net enkele vriendskaplike wedstryde tussen sommige van die topskole wat wel plaasgevind het. Affies het sy openingswedstryd teen Moria op Outjo met 10-12 verloor.
Woensdag was Affies se voorspelers indrukwekkend en het dikwels ente veld gewen wanneer hulle met maalbewegings of optel-en-dryfspel aangeval het.
By geleentheid is dié benadering dalk effens oordoen deurdat WHS se verdediging reeds kwesbaar ingesuig was, maar die eerste WAP-ontvanger het dan opnuut kop omlaag vorentoe gestorm, terwyl daar ekstra manne aan sy buitekant was indien hy die bal sou uitgegee het.
WHS se balbesit was veral in die eerste helfte vir lang tye in sy gebied vasgepen en sy balbesit was nie altyd van die beste nie, maar enige gesteelde balle is gewoonlik na die wyer kanale verskuif. Te veel strafskoppe het ook die ligbloues se spoed gebreek.
Affies se vroeër drie is met dieselfde voorspelerkrag deur die stut Ernst Lowe gedruk. 'n Strafdoel deur losskakel André van Schalkwyk was WAP se eerste punte.
Vir die WHS Koedoebulle het losskakel Geraldo Beukes 'n skuinserige strafdoel laag-laag oor die dwarslat gelig en het ook met die doelskop van slot Frans Grobbelaar se dryfdrie geslaag.
GIMNASIUM OORLEEF NET-NET
OK Foods Moria was Woensdag op Outjo 'n harde neut vir Schoemans-groep Windhoek Gimnasium om te kraak.
Die begeesterde noordespan het 'n voorsprong van 26-13 opgebou, voordat afrigter Lukas Holtzhausen van sy matriekseuns afgehaal het om die jonger manne speelkans te gee.
Windhoek Gimnasium het hierna twee verdoelde drieë bygevoeg om sy openingswedstryd vir die jaar met 27-26 in die doodsnikke te beklink.
Moria se kaptein en senter, Niel Holtzhausen, het met twee drieë gewys waarom hy tans een van die mees invloedryke spelers in die land se skolerugby is.
Moria het ook 'n strafdrie en 'n vyfpunter deur Darren Beukes afgedwing, terwyl heelagter Naude Krone die skoppunte bygevoeg het.
Die Windhoekers se drieë is deur die kaptein en slot Roux-Han Basson, vleuel Suramie Kambonde en reserwe-voorspeler Herman Coetzee gedruk. Die skoppute is deur losskakel en onderkaptein Greschlinn Bruwer (doelskop en twee strafdoele) en plaasvervanger Ethan Koopman (doelskop) bygevoeg.
“Dit was 'n harde wedstryd. Dalk nie altyd altyd aanskoulik nie, met v ele hanteer- en ander foute, maar 'n mens leer altyd baie uit jou eerste wedstryd van die jaar. Onder die omstandighede is ons dalkbaar dat die spelers hierdie kans op die veld kon kry.
“Soos die telling aantoon, was daar ondernemingsgees aan beide kante en albei spanne het 'n paar kneusplekke van harde kontak. Ons is dat ons in die laaste oomblikke die uitslag kon beklink,” sê Gimnasium se nuwe hoofafrigter Janneman Brand, wat oorgeneem het nadat sy voorganger Jaco Engels in Rusland gaan afrig het.
Volgens Brand sal sy span in elke aspek skerper wil vertoon wanneer Gimnasium aanstaande naweek die gasheer vir sy jaarlikse interhoër teen WHS is.
– [email protected]
Ondanks hul oorheersing in die vaste fasette het die o.19 eerste rugbyspan van KMC/JCC Windhoek Afrikaanse Privaatskool Woensdagmiddag so byna met leë hande weggestap, voordat hulle met die heel laaste beweging voor die eindfluitjie die wendrie gedruk het.
Op sy tuisveld het Affies met 13-8 as wenners teen Samsung Windhoek Hoërskool van die veld gestap, te danke aan die wendrie wat deur die senter Jonathan Hanekom gedruk is.
Vir sy finale eindpoging het Affies se voorspelers die bal vir etlike fases lewendig gehou met kort optel-en-dryfspel tot op WHS se doellyn, voordat Hanekom eindelik die lyn oorgesteek het.
Heelagter Jeandre Cloete se doelskop was mis, maar dit het nie saakgemaak nie, want skeidsregter Zaid Izaacs het onmiddellik daarna die eindfluitjie geblaas.
Affies is die houer van die Momentum o.19 Superliga-trofee vir 2019 én 2018. Die liga is vanjaar vanweë Covid-19 nie gespeel nie, met net enkele vriendskaplike wedstryde tussen sommige van die topskole wat wel plaasgevind het. Affies het sy openingswedstryd teen Moria op Outjo met 10-12 verloor.
Woensdag was Affies se voorspelers indrukwekkend en het dikwels ente veld gewen wanneer hulle met maalbewegings of optel-en-dryfspel aangeval het.
By geleentheid is dié benadering dalk effens oordoen deurdat WHS se verdediging reeds kwesbaar ingesuig was, maar die eerste WAP-ontvanger het dan opnuut kop omlaag vorentoe gestorm, terwyl daar ekstra manne aan sy buitekant was indien hy die bal sou uitgegee het.
WHS se balbesit was veral in die eerste helfte vir lang tye in sy gebied vasgepen en sy balbesit was nie altyd van die beste nie, maar enige gesteelde balle is gewoonlik na die wyer kanale verskuif. Te veel strafskoppe het ook die ligbloues se spoed gebreek.
Affies se vroeër drie is met dieselfde voorspelerkrag deur die stut Ernst Lowe gedruk. 'n Strafdoel deur losskakel André van Schalkwyk was WAP se eerste punte.
Vir die WHS Koedoebulle het losskakel Geraldo Beukes 'n skuinserige strafdoel laag-laag oor die dwarslat gelig en het ook met die doelskop van slot Frans Grobbelaar se dryfdrie geslaag.
GIMNASIUM OORLEEF NET-NET
OK Foods Moria was Woensdag op Outjo 'n harde neut vir Schoemans-groep Windhoek Gimnasium om te kraak.
Die begeesterde noordespan het 'n voorsprong van 26-13 opgebou, voordat afrigter Lukas Holtzhausen van sy matriekseuns afgehaal het om die jonger manne speelkans te gee.
Windhoek Gimnasium het hierna twee verdoelde drieë bygevoeg om sy openingswedstryd vir die jaar met 27-26 in die doodsnikke te beklink.
Moria se kaptein en senter, Niel Holtzhausen, het met twee drieë gewys waarom hy tans een van die mees invloedryke spelers in die land se skolerugby is.
Moria het ook 'n strafdrie en 'n vyfpunter deur Darren Beukes afgedwing, terwyl heelagter Naude Krone die skoppunte bygevoeg het.
Die Windhoekers se drieë is deur die kaptein en slot Roux-Han Basson, vleuel Suramie Kambonde en reserwe-voorspeler Herman Coetzee gedruk. Die skoppute is deur losskakel en onderkaptein Greschlinn Bruwer (doelskop en twee strafdoele) en plaasvervanger Ethan Koopman (doelskop) bygevoeg.
“Dit was 'n harde wedstryd. Dalk nie altyd altyd aanskoulik nie, met v ele hanteer- en ander foute, maar 'n mens leer altyd baie uit jou eerste wedstryd van die jaar. Onder die omstandighede is ons dalkbaar dat die spelers hierdie kans op die veld kon kry.
“Soos die telling aantoon, was daar ondernemingsgees aan beide kante en albei spanne het 'n paar kneusplekke van harde kontak. Ons is dat ons in die laaste oomblikke die uitslag kon beklink,” sê Gimnasium se nuwe hoofafrigter Janneman Brand, wat oorgeneem het nadat sy voorganger Jaco Engels in Rusland gaan afrig het.
Volgens Brand sal sy span in elke aspek skerper wil vertoon wanneer Gimnasium aanstaande naweek die gasheer vir sy jaarlikse interhoër teen WHS is.
– [email protected]
Kommentaar
Republikein
Geen kommentaar is op hierdie artikel gelaat nie