Eerste renoster vir 2017 gestroop

Die eerste renoster wat vanjaar in Namibië gestroop is, is 'n witrenosterkoei op 'n bekende sake-ikoon se plaas.Volgens mnr. Ronnie Muyunda, hoofwoordvoerder van die ministerie van die omgewing en toerisme, is die karkas van 'n witrenoster verlede Donderdag op mnr. Frans Indongo se plaas gevind. Sy spoglodge, Frans Indongo Lodge, is ook op die plaas Okanenampanti naby Otjiwarongo.Die renoster se horings is verwyder. Volgens Muyunda is niemand in verband met die voorval in hegtenis geneem nie en die polisieondersoek duur voort. Volgens die amptelike statistieke van die ministerie is 63 renosters verlede jaar gestroop: 53 in die Etosha Nasionale Park, agt in die Palmwag-bewaringsgebied in die Kunenestreek, en twee op 'n private plaas. Wat olifantstropery betref, is 101 grootvoete verlede jaar vir hul ivoor doodgemaak. Altesaam 49 olifante is in die Kavango-Oosstreek gestroop, 44 in die Zambezistreek, vyf in die Kavango-Wesstreek, twee in die Omusatistreek en een naby Omaruru. Die witrenoster wat in Januarie vanjaar by Otjiwa Lodge naby Otjiwarongo gevrek het, is volgens die ministerie se voorlopige ondersoek nie gestroop nie. Volgens die ministerie het 'n ballistiese ondersoek “geen teken van gemenespel” gewys nie.“Die karkas het 'n wond wat die gevolg kon wees van 'n geveg met 'n ander renoster. Die renoster se horings was ongeskonde toe die karkas gevind is en die ondersoek duur voort,” het die verklaring van die ministerie gelui.

Eerste renoster vir 2017 gestroop

Kommentaar

Republikein 2025-05-22

Meld asseblief aan om kommentaar te lewer

Eerste renoster vir 2017 gestroop

Kommentaar

Republikein 2025-05-22

Meld asseblief aan om kommentaar te lewer

MELD AAN

Advertensie