Eerste reën val wyd

Elvira Hattingh – Windhoekers was gister in verwondering nadat ‘n hewige haelbui tydens die middaguur oor die hoofstad uitgesak en plek-plek hope haelkorrels gelaat het, terwyl talle ander plekke in die land ook teen gistermiddag reën ontvang het. Facebook-gebruikers het gesê in Hochlandpark is 25 mm reën gemeet, terwyl elders in Windhoek 16 mm, 12 mm en 8 mm se reën gemeet is. Die tehuis vir bejaardes, Schanzen Oord, het op hul Facebook-blad foto’s van die hael versprei en gesê totale opgewondenheid heers oor die “sneeu”.Woensdag het dit 20 mm op Outjo, 22 mm op die Hardapskema en 6 mm op Otjiwarongo gereën. Dit het toe ook reeds op Tsumeb, Grootfontein, Karasburg, Leonardville, Grünau en Eenhana gereën. ‘n Boer in die Grootfontein-omgewing het tussen 5 mm en 14 mm reën op sy plaas gemeet, terwyl Jackson Kapuka 20 mm se reën gisteroggend op Tsumeb gemeet het.Dinsdag het die plaas Otjivero 50 mm reën ontvang en het dit 30 mm op Omitara, 25 mm op Otavi en tussen 6 mm en 10 mm op Gobabis gereën. Verder is 12 mm Dinsdag in die Otavi-vallei gemeet en by die Guinas-meer naby Tsumeb 18 mm. Druppels het toe ook op plekke soos Otjiwarongo en suidoos van Ondangwa geval. Divundu het glo Dinsdag reeds 3 mm ontvang.Die Namibiese weerkantoor voorspel gedeeltelik bewolkte en warm tot baie warm weer vir vandag, met enkele donderbuie in die noordooste en verre suidweste. Elders sal dit sonnig en warm tot baie warm wees, met ligte tot sterk westewinde wat waai. – elvira@republikein.com.naFOTO’s“So het Anke, Chloe en Usha die eerste reën geniet en hael in Windhoek geniet,” sê Benito Groenewald.Reen wat met hael gepaard gegaan het, het gister tydens die etensuur oor Windhoek uitgesak. Chrisna Walder wat die foto in Wright-straat in die Suidelike Industriële gebied geneem het, het gesê dat dit nie skuim op die straat is nie maar wel ys.Die klein rivier loop sterk oor TV Moorestraat in die Suidelike industriële nywerheidsgebied. Foto Mark BauseOok op die hoek van Faraday- en Julius K. Nyerere-straat het die hael op die straat en kantsteen gele. “Dit was nou ’n baie lekker hael storm waardeur ek gery het,” het Michael Rudloff gesê.Hugo Meintjes het die foto van reënpoele langs die pad op pad na Otjiwarongo op die Facebook-blad Namibië Reën gedeel. Hy sê orals langs die pad lê poele water.Xavier Steytler het die hael-foto's in Windhoek se suidelike nywerheidsgebied op die Facebookblad Reën in Namibia gedeel.

Eerste reën val wyd

Kommentaar

Republikein 2026-05-04

Meld asseblief aan om kommentaar te lewer

Eerste reën val wyd

Kommentaar

Republikein 2026-05-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.