Eerste operasie vir Quintoline

Heteropagus-tweeling ondersteun

28 June 2019 | Gesondheid
Henriette Lamprecht - ’n Babameisie van Gobabis, wat as een van ’n Siamese tweeling gebore is, het Dinsdag die eerste van twee groot rekonstruktiewe operasies in ‘n kinderhospitaal in Zürich, Switserland, ondergaan.

Quintoline de Wetta, wat ’n jaar en vyf maande oud is, is as ’n heteropagus-tweeling, algemeen bekend as ’n parasitiese tweeling, gebore.

Dit kom voor wanneer tweeling-embrio’s in die baarmoeder begin ontwikkel, maar die twee nie ten volle van mekaar skei nie. Een embrio oorheers en ontwikkel dan ten koste van die ander een. Dit is ’n baie seldsame afwyking en gebeur in minder as 1 uit 1 miljoen lewende geboortes.

Volgens me. Michaela Tietz van die Okanti Foundation was die operasie aanvanklik vir 7 Junie geskeduleer, maar moes dit uitgestel word omdat Quintoline ‘n infeksie ontwikkel het.

Ma en dogter is sedert 19 Mei in Switserland.

Zürich se kinderhospitaal doen die chirurgie gratis, terwyl Neo for Namibia – Helping Babies Survive die verblyfkostes dek en Quintolene en haar ma, Paulina de Wetta, tydens hul verblyf van drie maande in Switserland emosioneel sal bystaan.

Neo for Namibia – Helping Babies Survive is ’n niewinsgewende organisasie wat in Switserland gebaseer is en op die implementering van eenvoudige mediese ingryping fokus, wat die oorlewingskoers van pasgebore babas verhoog.

Quintolene en Paulina is vir die eerste week danksy die ondersteuning van die Okanti Foundation van ’n dokter verbonde aan Windhoek Sentrale Hospitaal se pediatriese eenheid vergesel. Die stigting dek ook alle reisuitgawes, terwyl die ministerie van gesondheid en maatskaplike dienste se spesiale fonds ook ‘n bydrae gelewer het.

Volgens Tietz word finansiering steeds benodig vir die reiskoste van iemand wat Quintoline en haar ma met hul terugkeer na Namibië kan vergesel, asook lugtyd vir Paulina sodat sy minstens een keer ’n week met haar drie ander kinders in Namibië kan gesels.

Vir meer besonderhede en skenkings kan Tietz-von Leipzig by 081 127 8544 of [email protected] gekontak word.

Skenkings kan aan die Daniela Medical Trust, Nedbank-hooftak (461609), reknr. 11010022195 (tjekrekening) gemaak word.

Soortgelyk

 

Valskerm-ongeluk eis Chinese vrou

5 ure gelede | Ongelukke

'n Valskerm-ongeluk het die lewe van 'n Chinese vrou, me. Ran Lei (33), Sondagmiddag geëis. Volgens die Namibiese polisie se weeklikse misdaadverslag het die voorval...

Frankfurt-vlugte het hervat

6 ure gelede | Vervoer

Air Namibia se vlugte na en vanaf Frankfurt in Duitsland het hervat.Die Airbus A330-200 is ná die vlerkskade tydens ‘n ligte botsing Saterdagaand by die...

Beserker slaan 2-jarige nefie na bewering met graaf dood

6 ure gelede | Misdaad

‘n Tweejarige seuntjie is vroeg Saterdagoggend dood toe sy 50-jarige oom hom na bewering met ‘n graaf aangeval het, terwyl ‘n driejarige meisie wat hy...

Man vas oor 'diamantsmokkelary'

7 ure gelede | Misdaad

'n Nambiese man is Vrydag in verband met diamantsmokkelary op die grenspos tussen Suid-Afrika en Namibië by Oranjemund in hegtenis geneem.Volgens die Namibiese polisie se...

Laat koppe rol - Jooste, SPYL

23 ure gelede | Politiek

Catherine Sasman - Stemme uit die regerende party dring toenemend aan dat diegene wat beskuldig word van korrupsie onder sy geledere verwyder word.Nadat die beleërde...

Gertze skiet glo vrou

23 ure gelede | Misdaad

Henriette Lamprecht – Die uitvoerende hoof van die Namibiese Kwalifikasieowerheid (NQA) het die naweek agter tralies deurgebring nadat hy na bewering sy vrou Saterdag in...

Namibiërs betoog oor korrupsie

23 ure gelede | Plaaslik

Tanja Bause - Meer as 200 mense van alle rasse en ouderdomme het Vrydag deelgeneem aan ’n teenkorrupsie-optog in Windhoek wat deur aktiviste gereël is....

VERKIESINGS 2019: PRESIDENSIËLE KANDIDATE

23 ure gelede | Politiek

McHenry VenaaniPopular Democratic Movement (PDM)McHenry Venaani is die leier van die amptelike opposisie en het in 2014 as mees suksesvolle opposisiekandidat 44 271 stemme (sowat...

Weer vir 18 November

23 ure gelede | Weer

BINNELAND: Gedeeltelik bewolk en baie tot bloedig warm met 'n paar donderbuie oor die verre Noordooste, andersins gedeeltelik bewolk en warm tot baie warm. Winderige...