Eerste medalje-deurbraak
Atletiek
Namibië se Beatrice Masilingi het gister Namibië se geskiedkundige eerste medalje by ’n o.20-wêreldkampioenskap ingepalm, maar dit behoort gewis nie die laaste te wees nie.
Masilingi se silwer in die 100 meter gister behoort bloot die weg te baan vir die 200 meters wat ook vandag begin, waar sy en Christine Mboma skaars twee weke gelede die 2020 Olimpiese finaal in Tokio gehaal het, met Mboma tweede en Masilingi sesde.
In gister se 100-finaal het Masilingi goed uit die blokke gekom, maar Jamaika se ewe gedugte 17-jarige Tina Clayton het by haar verbygeskuif en haar voorsprong enduit behou wenstreep toe.
Masilingi kon met 11.39 sekondes nie die vorige oggend se nasionale rekordvertoning in die uitdun (11.20) ewenaar nie, terwyl Clayton vinniger as ooit in haar lewe (11.09) vir die goud genael het.
Mboma, Masilingi en hul spanmaats Carien Oosthuizen, Nandi Vass en Ndawana Haitembu behoort ook die naweek in die 4x100 aflosse die pap dik aan te maak.
Masilingi se silwer in die 100 meter gister behoort bloot die weg te baan vir die 200 meters wat ook vandag begin, waar sy en Christine Mboma skaars twee weke gelede die 2020 Olimpiese finaal in Tokio gehaal het, met Mboma tweede en Masilingi sesde.
In gister se 100-finaal het Masilingi goed uit die blokke gekom, maar Jamaika se ewe gedugte 17-jarige Tina Clayton het by haar verbygeskuif en haar voorsprong enduit behou wenstreep toe.
Masilingi kon met 11.39 sekondes nie die vorige oggend se nasionale rekordvertoning in die uitdun (11.20) ewenaar nie, terwyl Clayton vinniger as ooit in haar lewe (11.09) vir die goud genael het.
Mboma, Masilingi en hul spanmaats Carien Oosthuizen, Nandi Vass en Ndawana Haitembu behoort ook die naweek in die 4x100 aflosse die pap dik aan te maak.
Kommentaar
Republikein
Geen kommentaar is op hierdie artikel gelaat nie