Eerste klagte kom in Russiese ondersoek

Die eerste klagte wat uit die ondersoek na moontlike Russiese inmenging in die 2016 Amerikaanse verkiesings spruit, sou gister aan die lig gekom het.Die aanduidings was ook dat ‘n persoon of persone in hegtenis geneem sou kan word. Die spesiale ondersoekbeampte, Robert Mueller, het tot nou toe nie ‘n woord gerep oor die vordering met die ondersoek nie.‘n Federale jurie het Vrydag die lasbriewe goedgekeur en ‘n federale regter het opdrag gegee dat dit geseël word met aanduidings dat dit gister oopgestel sou word.Die Russiese ondersoek het ‘n skadu oor die presidentskap van Donald Trump gewerp, wat nog net nege maande aan bewind is en verdiep die verdeeldheid tussen Republikeine en Demokrate Amerikaanse intelligensiedienste het in Januarie tot die slotsom gekom dat Rusland in die verkiesing ingemeng het om Trump te help om Hillary Clinton te verslaan deur haar e-pos te kuberkraak en dit te laat uitlek, asook deur propaganda teen haar op sosiale media te versprei om haar in die verleentheid te stel.Trump ontken die bewerings van ‘n sameswering met Rusland en het die ondersoek ‘n “heksejag" genoem.Mueller, ‘n voormalige direkteur van die FBI, ondersoek moontlike verbintenisse tussen Trump-vertrouensmanne en ander regerings, asook geldwassery, belastingontduiking en ander finansiële misdade, het bronne na aan die ondersoek gesê. – Nampa/Reuters

Eerste klagte kom in Russiese ondersoek

Kommentaar

Republikein 2026-02-04

Meld asseblief aan om kommentaar te lewer

Eerste klagte kom in Russiese ondersoek

Kommentaar

Republikein 2026-02-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.