Eerlikheid nodig oor onderwys

FRUSTREERDE NAMIBIËR SKRYF:Ons land se onderwys bevind hom inderdaad op dwaalweë. In 'n krisis as jy my vra!Onderwysindabas om hierdie ankersektor te probeer regruk, is sedert onafhanklikheid die reël eerder as die uitsondering. Maar elke keer baar die berg 'n muis.Hoekom beantwoord die regering nie die vanselfsprekende vrae nugter en eerlik nie?Ons land beskik oor uiters kundige, ervare en goed toegeruste onderwysmense. Die manier om hulle egter aan boord te kry, is om oor verleë te raak. Want eers moet daar na die kandidaat se politieke en etniese affiliasie gekyk word voordat 'n aanstelling gemaak kan word. En as so 'n moontlike aanstelling teenstrydig met transformasie is in 'n land wat so 'n "luukse" nie kan bekostig nie, borduur ons maar voort met politieke en populistiese aanstellings.En so word almal nie deel nie van die sogenaamde Namibiese Huis wat ons president so hoog aanslaan nie. (Wonder wat Hosea 4:6 hiervan dink.)Die arbeidsmark in Namibië kan nie meer universiteite se afgestudeerde werksoekers akkommodeer nie. Wat ons benodig is werkskeppers - opgeleide vakmanne en tegnici: elektrisiëns, ambagslui, werktuigkundiges, passers en draaiers, spuitverwers, ens. Deur werkskepping word die ekonomie stimuleer en werkloosheid aan die keel gegryp.Die regering se besluit om destyds weg te doen met tegniese skole was uiters kortsigtig. Die sogenaamde hersiene kurrikulum behoort eintlik die herlewing daarvan aan te gespreek het. Nie dié een in sy huidige vorm waaroor almal, tot in Government Office Park in die duister rondtas en skole, soos in die onlangse eksamen, in vertwyfeling was oor die slaag- en herhalingsvereistes nie.Komaan, Namibië, Moody's en ander invloedryke graderingsagentskappe hou ons met valkoë dop!

Eerlikheid nodig oor onderwys

Kommentaar

Republikein 2026-01-12

Meld asseblief aan om kommentaar te lewer

Eerlikheid nodig oor onderwys

Kommentaar

Republikein 2026-01-12

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.