Eenhana se inwoners skuld N$29 miljoen

Begroting van N$82,8 miljoen voorgelê

27 May 2021 | Regering
Tuyeimo Haidula op Eenhana – Die burgemeester van Eenhana, mnr. Omri-Onn Kavandje, het Maandag die voorlopige begroting vir die boekjaar 2021-'22 ter tafel gelê en het gesê verbruikers se skuld aan die stadsraad beloop tans ongeveer N$29 miljoen.

Hy het 'n begroting van N$82,8 miljoen voorgelê – 'n afname van 9% in vergelyking met verlede jaar se begroting.

Volgens Kavandje het dié afname die raad se inkomste verminder en die maatreëls beïnvloed wat geïmplementeer is om die verspreiding Covid-19 in die dorp en die ­Ohangwenastreek te bekamp.

“Daar is inwoners en ondernemings wat, ten spyte daarvan dat ons verskeie kennisgewings uitgereik het wat hul aanmoedig om hul rekeninge te vereffen, nog nie hul waterrekeninge betaal het nie,” het hy gesê.

Die gebrek aan betaling deur inwoners belemmer, volgens hom, die munisipaliteit se pogings om verpligtinge teenoor grootmaat-verskaffers na te kom.

Hy het mense aangemoedig om hul rekeninge op eiendomme te betaal, veral diegene wat hul grond afbetaal, want dit plaas die raad in 'n moeilike posisie om sy mandaat te vervul.

“Die raad doen 'n beroep op alle inwoners om hul skuld te vereffen sodat ons ons bedrywighede kan volhou. Dit is nie ons leuse om dienste af te sny nie, maar om mense op te voed om hul rekeninge te betaal vir die raad om met dienslewering voort te gaan,” het Kavandje gewaarsku.



VOORLOPIGE ­BEGROTING

Hy het gesê die begroting is nog nie aan die ministerie van stedelike en landelike ontwikkeling voorgelê en finaal goedgekeur nie, maar volgens die voorlopige begroting word N$31,6 miljoen geoormerk vir algemene bedryfsuitgawes.

Personeelbesteding sal na verwagting N$22,4 miljoen beloop en kapitaalprojekte sowat N$23,2 miljoen.

Volgens Kavandje sal die oorblywende 6,8% aan herstel- en instandhoudingsbedrywighede bestee word.

Hy het bygevoeg die raad het 'n verhoging van 30 sent per kubieke meter vir waterverbruik voorgestel.

“Dertig sent klink nie na baie nie, maar ons glo dit kan bydra tot die dienslewering, veral om ander gebiede te bedien wat net so swaar deur Covid-19 getref is.”

Hy het gesê die raad het voorsiening gemaak vir verbeterings op hul stelsels. Dit sluit in die voorsiening van 'n nuwe finansiële bestuurstelsel, 'n verbeterde faktuurstelsel, nuwe bestuursinisiatiewe en konsultasiedienste om die invordering van inkomste te verbeter.

“Ons erken sommige dele van ons invordering van inkomste het in duie gestort en dit sal tyd neem om te herstel,” het Kavandje gesê.

Hy het gesê die plaaslike sakeondernemings, wat normaalweg grootliks tot ekonomiese groei bydra, is ook deur Covid-19 getref en dat hulle ook ondersteuning benodig.

[email protected]

Soortgelyk

 

49 sterftes, 609 nuwe gevalle

14 ure gelede | Gesondheid

Die Covid-sterftes styg met 49 waarvan 19 tuis was, tot 2 714. Die hoogste getal is in Gobabis met 12, gevolg deur Rehoboth met 10...

Give me Namibia’s unemployment problem and within 3 years...

1 dag gelede | Mense

Wetumwene Shikage She was born in Katutura, in a settlement known as Gemeente, which she describes with pride saying that after apartheid during...

Windhoek sloop ‘onbewustelik’

1 dag gelede | Infrastruktuur

Augetto Graig – Die Windhoek munisipaliteit se sloping van sinkhuise in die Tobias Hainyeko kiesafdeling Dinsdag was volgens burgemeester dr. Job Amupanda sonder die kennis...

Inwoners van Otjomuise keelvol vir diewe

1 dag gelede | Misdaad

Tanja Bause – Die gemeenskap van Agtste Laan in Otjomuise in die hoofstad is keelvol ná jarelange teistering deur gewoontemisdadigers. Hulle dreig nou om reg...

Pierneef in vervoering oor Namibië

1 dag gelede | Byvoegsels

Die internasionale veilingshuis Strauss & Co het bekend gemaak dat meer as 60 kunswerke in verskillende media, waaronder skilderye, tekeninge en waterverf, sowel as al...

Making his way up the corporate ladder

1 dag gelede | Mense

Desiree GasesEddie King was born and raised in the Western Transvaal town of Klerksdorp. He grew up in a home with loving, committed and hard-working...

Maria Louw manages an integral role at Paratus

1 dag gelede | Mense

Michelline NawatisesAfter being at Paratus for 14 years, Maria Louw considers herself to be “part of the furniture”, but Paratus considers her part of the...

Weer vir 23 Julie

1 dag gelede | Weer

WEERWAAK: Ooswindtoestande met sandstorms word tot oor die naweek aan die kus verwag.BINNELAND: Koud in die oggend oor die binneland, andersins sonnig en matig tot...

Parlement ‘bang’ vir LPM-leiers

1 dag gelede | Howe

Mathias Haufiku –Wetgewers vrees hul veiligheid sal in gedrang kom as die leiers van die Landless People’s Movement (LPM), mnre. Bernadus Swartbooi en Henny Seibeb,...