Een sterfte, 60 nuwe gevalle

'n Man (51) van die Oshakati-distrik met onderliggende mediese toestande is Saterdag aan Covid-19-verwante oorsake in 'n hospitaal dood. Hy het vroeër 'n begrafnis in Windhoek bygewoon. Dit bring die getal Covid-19-verwante sterftes vir die land op 151 te staan.Vandag is 60 nuwe gevalle aangeteken waaronder dié van leerlinge en gesondheidswerkers. Uit die 60 gevalle is 31 mans en 29 vroue. Die ouderdomme wissel van vyf tot 76 jaar.Uit die 60 gevalle is 32 in Windhoek, agt in Oshakati, vyf in Lüderitz, twee in Okahandja, een in Otjiwarongo, twee in Swakopmund, een in Walvisbaai, twee in Eenhana, een in Engela, een in Okahao, een in Outapi, twee in Rehoboth en een elk in onderskeidelik Gobabis en Tsumeb aangeteken. Onder die 32 gevalle in Windhoek is sewe leerlinge van St. Paul's College en kontakte van bevestigde gevalle, asook twee onderwysers van verskillende skole in die hoofstad. Vier van die gevalle op Oshakati is gesondheidswerkers.Nog 27 mense het herstel wat die totaal op 13 439 te staan bring. Dit sluit tien in Khomas, nege in Erongo, vyf in Otjozondjupa, twee in Omaheke en een in Omusati in.Die aktiewe gevalle staan op 753 waarvan vyf baie ernstige of kritiek is. Dit sluit twee baie ernstige en twee kritieke gevalle in Khomas en een kritieke geval in Erongo in. Tot op hede is 155 543 weefselmonsters getoets, 3 276 kontakte word gemonitor en 377 mense is in kwarantyngeriewe.

Een sterfte, 60 nuwe gevalle

Kommentaar

Republikein 2025-12-17

Meld asseblief aan om kommentaar te lewer

Een sterfte, 60 nuwe gevalle

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.