Een maand ná Avihe

Denver Kisting – Me. Jessica Kaimu, ousus van die vermoorde Avihe Ujaha, sê die familie probeer steeds hul voete vind ná die tragedie wat die land geruk het.Dit is môre ’n maand sedert die negejarige meisie van haar gesinswoning in Katutura verdwyn het.’n Lid van die publiek het twee dae later op haar erg verminkte lykie in ’n rivierloop in Windhoek afgekom.Kaimu het gister by navraag aan Republikein gesê: “Ons probeer die werklikheid in die gesig staar. Ja, dit is (moeilik), maar God se genade is genoeg vir ons.”Intussen sê komm. Silvanus Nghishidimbwa, bevelvoerder van die Khomasstreek, hulle het nog niemand aangekeer nie. “’n Mens kan nie veel sê nie, want tot nou toe is niemand al in hegtenis geneem nie.”Die beloning van N$100 000 geld steeds, sê Nghishidimbwa. “Niemand het al na vore gekom nie. Miskien het hulle geen inligting nie, of miskien is die beloning nie genoeg nie.”Hy het gesê die polisie ís in staat daartoe om die misdaad op te los. ’n Span ondersoekers werk aan die saak, sê hy. “Ondersoeke gaan nie oor wonderwerke nie; dit gaan oor bewyse.”Dit is nie die einde van die wêreld dat vier weke reeds verloop het nie, sê die senior polisiebeampte. “Hoe vroeër (iemand gevang word), hoe beter, maar ’n ondersoek word nooit oud nie.”Volgens Nghishidimbwa is ’n “aantal mense” reeds weens die grumoord ondervra.Dit sluit “alle mense in wat die polisie reken met waardevolle inligting na vore sal kom”, insluitend familielede, het hy gesê. “Ons glo in mense wat die waarheid praat, of dit ’n pastoor, ’n tradisionele geneser, ’n joernalis of ’n familielid is,” sê hy.Nghishidimbwa sê die polisie waarborg steeds vertroulikheid en vra dat mense met inligting hulle moet kontak.

Een maand ná Avihe

Kommentaar

Republikein 2025-04-30

Meld asseblief aan om kommentaar te lewer

Een maand ná Avihe

Kommentaar

Republikein 2025-04-30

Meld asseblief aan om kommentaar te lewer

MELD AAN

Advertensie