Eduard Afrikaner as hoof van die /Hoa/Aran//Aixa//Aes gekies
Die Afrikaner tradisionele owerheid het Saterdag op die plaas Koherab naby Gibeon vergader en ’n nuwe hoofman verkies.
Die 68-jarige mnr. Eduard Afrikaner het teen mnr. Frank Afrikaner (geen familieverband), seun van dié owerheid se gestorwe leier Hendrina Afrikaner, in die verkiesing gestaan.
Die verkiesing het onder toesig van amptenare van die verkiesingskommissie van Namibië (ECN) en die polisie plaasgevind.
Hendrina Afrikaner het in 2011 in ’n motorongeluk gesterf.
Die /Hoa /Aran //Aixa //Aes-stam was sedertdien verdeeld, met mnre. Isak //Gowaseb and Petrus Olman wat in ’n woordestryd gewikkel was oor wie die owerheid moet lei.
Eduard Afrikaner het aan Nampa gesê op ’n raadsvergadering op 1 Oktober 2011 is besluit om ses senior raadslede op ’n roterende grondslag aan te stel om besluite namens die tradisionele owerheid te neem.
“Ek was nie by toe die besluit ingevolge Afrikaner gewoontereg, die Wet op Tradisionele Owerhede en die kapteinsraad as hoogste gesag geneem is nie. Die vergadering het besluit die kapteinsraad moet die leiding neem tot ons ’n nuwe leier verkies,” het Afrikaner gesê.
’n Totaal van 328 kiesers het hulle tussen Woensdag en Vrydag verlede week vir die verkiesing geregistreer, met 321 wat uiteindelik Saterdag hul stem uitgebring het.
Eduard Afrikaner het 178 stemme ontvang en Frank Afrikaner 143.
Ná die verkiesing het (Eduard) Afrikaner die stamlede toegespreek en gesê die oorwinning was nie syne alleen nie, maar ook ’n oorwinning vir die hele Afrikanerstam.
“Ons het ’n paar swaar jare agter ons en met hierdie uitslag is die Afrikanerstam die wenner. Dis ’n geskiedkundige dag vir ons saam en as ’n verenigde stam kan ons baie bereik,” het hy gesê en bygevoeg dat hy seker sal maak dat Frank Afrikaner as een van die nuwe raadslede aangestel word.
In sy gelukwensing het laasgenoemde die nuwe tradisionele leier die beste toegewens. “Jy is my leier, ons leier en ek is 100 persent agter jou. Ek aanvaar jou aanbod om deel van die geskiedenis te wees en my in hierdie nuwe era in te sluit,” het hy onder luide toejuiging van die aanwesiges gesê.
Frank Afrikaner het ook gesê dat al die verskille van die verlede in die verlede moet bly en die stam aangemoedig om Eduard Afrikaner te ondersteun.
Die inhuldigingsdatum van die nuwe stamhoof sal aangekondig word nadat die raadslede vergader het.-Nampa
Die 68-jarige mnr. Eduard Afrikaner het teen mnr. Frank Afrikaner (geen familieverband), seun van dié owerheid se gestorwe leier Hendrina Afrikaner, in die verkiesing gestaan.
Die verkiesing het onder toesig van amptenare van die verkiesingskommissie van Namibië (ECN) en die polisie plaasgevind.
Hendrina Afrikaner het in 2011 in ’n motorongeluk gesterf.
Die /Hoa /Aran //Aixa //Aes-stam was sedertdien verdeeld, met mnre. Isak //Gowaseb and Petrus Olman wat in ’n woordestryd gewikkel was oor wie die owerheid moet lei.
Eduard Afrikaner het aan Nampa gesê op ’n raadsvergadering op 1 Oktober 2011 is besluit om ses senior raadslede op ’n roterende grondslag aan te stel om besluite namens die tradisionele owerheid te neem.
“Ek was nie by toe die besluit ingevolge Afrikaner gewoontereg, die Wet op Tradisionele Owerhede en die kapteinsraad as hoogste gesag geneem is nie. Die vergadering het besluit die kapteinsraad moet die leiding neem tot ons ’n nuwe leier verkies,” het Afrikaner gesê.
’n Totaal van 328 kiesers het hulle tussen Woensdag en Vrydag verlede week vir die verkiesing geregistreer, met 321 wat uiteindelik Saterdag hul stem uitgebring het.
Eduard Afrikaner het 178 stemme ontvang en Frank Afrikaner 143.
Ná die verkiesing het (Eduard) Afrikaner die stamlede toegespreek en gesê die oorwinning was nie syne alleen nie, maar ook ’n oorwinning vir die hele Afrikanerstam.
“Ons het ’n paar swaar jare agter ons en met hierdie uitslag is die Afrikanerstam die wenner. Dis ’n geskiedkundige dag vir ons saam en as ’n verenigde stam kan ons baie bereik,” het hy gesê en bygevoeg dat hy seker sal maak dat Frank Afrikaner as een van die nuwe raadslede aangestel word.
In sy gelukwensing het laasgenoemde die nuwe tradisionele leier die beste toegewens. “Jy is my leier, ons leier en ek is 100 persent agter jou. Ek aanvaar jou aanbod om deel van die geskiedenis te wees en my in hierdie nuwe era in te sluit,” het hy onder luide toejuiging van die aanwesiges gesê.
Frank Afrikaner het ook gesê dat al die verskille van die verlede in die verlede moet bly en die stam aangemoedig om Eduard Afrikaner te ondersteun.
Die inhuldigingsdatum van die nuwe stamhoof sal aangekondig word nadat die raadslede vergader het.-Nampa
Kommentaar
Republikein
Geen kommentaar is op hierdie artikel gelaat nie