Edgars het klubgeld onwettig afgetrek – tribunaal
Nellie Brand-Jonker
Die Nasionale Verbruikerstribunaal in Suid-Afrika het in 'n uitspraak teen die winkelgroep Edcon bevind die klubgeld wat hy al die jare van sy klante verhaal het wat rekeninge by hom het, is onwettig verhaal.
Edcon is bekend vir sy winkelafdelings soos Edgars, Red Square, Jet en Boardmans.
Die geld sal dalk aan die verbruikers terugbetaal moet word.
Die aankondiging gaan net nog 'n kopseer vir die winkelgroep meebring wat vir jare reeds steier onder swak verkope en skuldprobleme.
Die uitspraak kom nadat 'n ondersoek deur die Nasionale Kredietreguleerder (NKR) getoon het Edcon het klubgeld by kredietooreenkomste ingesluit.
“Dit is nou bevestig dat klubgelde op kredietooreenkomste nie deur die Nasionale Kredietwet toegelaat word nie,” sê Jacqueline Peters, bestuurder van ondersoeke en wetstoepassing van die NKR.
“Die uitspraak maak dit aan winkelgroepe duidelik dat hulle moet let op die lys van geld en koste waarvoor in die Kredietwet voorsiening gemaak word,” sê Peters.
Die tribunaal sê in sy uitspraak die wet is baie duidelik oor kredietooreenkomste.
Die wet laat dit nie toe dat enige ander gelde of koste ingesluit mag word in 'n kredietooreenkoms of in die dokumente van 'n kredietooreenkoms nie, ongeag wat die aard daarvan is.
Sy sê verbruikers moet vra vir 'n kwotasie van kredietverskaffers sodat hulle die koste van krediet behoorlik kan nagaan.
Die NKR het die tribunaal voorheen gevra om te beveel dat Edcon die geld aan verbruikers moet terugbetaal.
Die NKR het nou gesê Edcon gaan versoek word om 'n onafhanklike oudit van sy leningsboek te laat uitvoer om te bepaal hoeveel klante van 2007 af terugbetaal moet word.
'n Verdere verhoor sal dan voor die tribunaal plaasvind om die omvang van die boete te bepaal.
Edcon is genader vir kommentaar en hierdie berig sal aangepas word sodra dit ontvang word. – Netwerk24
Die Nasionale Verbruikerstribunaal in Suid-Afrika het in 'n uitspraak teen die winkelgroep Edcon bevind die klubgeld wat hy al die jare van sy klante verhaal het wat rekeninge by hom het, is onwettig verhaal.
Edcon is bekend vir sy winkelafdelings soos Edgars, Red Square, Jet en Boardmans.
Die geld sal dalk aan die verbruikers terugbetaal moet word.
Die aankondiging gaan net nog 'n kopseer vir die winkelgroep meebring wat vir jare reeds steier onder swak verkope en skuldprobleme.
Die uitspraak kom nadat 'n ondersoek deur die Nasionale Kredietreguleerder (NKR) getoon het Edcon het klubgeld by kredietooreenkomste ingesluit.
“Dit is nou bevestig dat klubgelde op kredietooreenkomste nie deur die Nasionale Kredietwet toegelaat word nie,” sê Jacqueline Peters, bestuurder van ondersoeke en wetstoepassing van die NKR.
“Die uitspraak maak dit aan winkelgroepe duidelik dat hulle moet let op die lys van geld en koste waarvoor in die Kredietwet voorsiening gemaak word,” sê Peters.
Die tribunaal sê in sy uitspraak die wet is baie duidelik oor kredietooreenkomste.
Die wet laat dit nie toe dat enige ander gelde of koste ingesluit mag word in 'n kredietooreenkoms of in die dokumente van 'n kredietooreenkoms nie, ongeag wat die aard daarvan is.
Sy sê verbruikers moet vra vir 'n kwotasie van kredietverskaffers sodat hulle die koste van krediet behoorlik kan nagaan.
Die NKR het die tribunaal voorheen gevra om te beveel dat Edcon die geld aan verbruikers moet terugbetaal.
Die NKR het nou gesê Edcon gaan versoek word om 'n onafhanklike oudit van sy leningsboek te laat uitvoer om te bepaal hoeveel klante van 2007 af terugbetaal moet word.
'n Verdere verhoor sal dan voor die tribunaal plaasvind om die omvang van die boete te bepaal.
Edcon is genader vir kommentaar en hierdie berig sal aangepas word sodra dit ontvang word. – Netwerk24
Kommentaar
Republikein
Geen kommentaar is op hierdie artikel gelaat nie