Eden Game Farm wil 10 ollies na Pakistan uitvoer

'Namibië ondersteun nie dieretuine'

14 October 2019 | Omgewing
Francoise Steynberg - Die ministerie van die omgewing en toerisme het bevestig dat 'n aansoek van Eden Game Farm in die Grootfontein-distrik ontvang is om tien olifante na Pakistan uit te voer.

“Die aansoek sal volgens ons wette en beleide oorweeg word. Ons sal ook die huidige regulasies van die Konvensie op die Handel in Bedreigde Spesies (Cites), spesifiek oor die handel in lewende olifante, oorweeg,” het die woordvoerder van die ministerie, mnr. Romeo Muyunda, Vrydag gesê.

“Ek ontken enige berigte dat Namibië ingestem het om die uitvoerpermit goed te keur.”

Muyunda het gesê Namibië se bewaringsbeginsels sal ook oorweeg word, “want ons keur nie wilde diere in aanhouding goed nie en ons ondersteun vir seker nie dieretuine nie”.

In 2017 was daar omstredenheid toe Eden Game Farm, in Sweedse besit, vyf babaolifante tussen vier en agt jaar oud na 'n dieretuin in Dubai in die Verenigde Arabiese Emirate (VAE) wou uitvoer.

Die Pakistanse dagblad The Express Tribune het berig die Lahore-hoërhof het die Punjab Omgewingsbewaringsdepartement beveel om die sertifikaat sonder beswaar uit te reik dat olifante na die Lahore-dieretuin ingevoer word.

Volgens die koerant het die Namibiese regering vroeër 'n permit vir die diere uitgereik, maar die Cites-permit is nie deur die Pakistanse regering uitgereik nie.

“Die kontrakteur was veronderstel om die diere binne drie maande teen 'n bedrag van Rs50 miljoen aan te koop, maar dit is al vier keer weens vertragings uitgestel,” het Punjab se direkteur van wildlewe, mnr. Naeem Bhatti, aan die Pakistanse koerant gesê.

Die Lahore-dieretuin se enige olifantkoei, Suzi, is in Mei 2017 dood en sedertdien is probeer om nog 'n olifant vir die dieretuin te kry. In Mei is berig Pakistan het slegs een Asiese en vier Afrika-olifante oor.

Al vier die Afrika-olifante is in dieretuine in Karachi.

In 'n geskiedkundige ­verkiesing einde Augustus by Cites se 18de beraad (COP18) in Genève, Switserland, is gestem dat die uitvoer van lewende Afrika-olifante na dieretuine gestop word.

Altesaam 46 Cites-lidlande het ten gunste van 'n verbod op die uitvoer van olifante uit Namibië, Zimbabwe, Suid-Afrika en ­Botswana gestem.

Die lande het spesifiek gestem dat handel in lewende Afrika-olifante tot bewaring in hul natuurlike habitatte beperk word, en effektief die “wrede” praktyk beëindig om olifante te vang en na dieretuine en vermaaklikheidsentrums wêreldwyd te stuur.

Zimbabwe is tans die grootste olifant-uitvoerder in Afrika wat sedert 2012 altesaam 108 olifantkalfies na dieretuine in China uitgevoer het.

Namibië het in 2012 verskeie spesies wild ter waarde van N$7,5 miljoen aan die Nasionale Dieretuinpark van Kuba van sowat 340 hektaar geskenk.

- [email protected]

Soortgelyk

 

AgriBusDev-baas geskors

1 minuut gelede | Regering

Mnr. Petrus Uugwanga, die landbousake-ontwikkelingsagentskap (AgriBusDev) se besturende direkteur, is met onmiddelike effek geskors. Die voorsitter van die AgriBusDev-raad, me. Sophia Kasheeta, het pas ‘n...

Twee 'renosterstropers' verskyn in Gobabis-hof

2 ure gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

6 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

8 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

18 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

18 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

18 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

18 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

18 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...