ECD-sentrum gee Bethanie ‘n hupstoot
Vrolike Voëltjies, ’n vroeë kinderontwikkelingsentrum (ECD) wat deur die Anglo American-stigting (AAF) geborg is, het verlede maand sy deure op Bethanie geopen.
Die sentrum van N$1,1 miljoen beskik oor twee klaskamers, toilette, ’n kantoor, kombuis, spens, en ’n speelruimte binne en buite.
Die sentrum is gevestig danksy die inisiatief van ma en dogter Maria Meyer en Nadia van Rooyen wat die skool in 2011 in ’n sinkplaatgeboutjie agter in hul erf begin het.
Van Rooyen, wat van Bethanie kom en ’n onderwyser op Oranjemund is, het daarna begin soek na ’n borg om dit ’n volwaardige leersentrum te maak en het drie jaar gelede by die stigting aangeklop.
Teen daardie tyd het Meyer ’n stuk grond oorkant haar huis by die Bethanie-dorpsraad bekom. Nadat die AAF laat verlede jaar sy steun aan die projek toegesê het, is die grond aan die raad teruggegee aangesien die stigting nie projekte ondersteun wat aan individue behoort nie.
Dus behoort die sentrum nou aan die dorpsraad, maar word dit deur ma en dogter met die bystand van twee versorgers bestuur. Die skool is elke maand verantwoordelik vir die betaling van munisipale heffings, terwyl die 38 kinders wat daar geregistreer is, N$100 per maand betaal.
Tydens die amptelike opening wat deur die adjunkminister van geslagsgelykheid en kinderwelsyn, me. Lucia Witbooi, waargeneem is, het sy die vennootskap tussen die ministerie, die stigting, die plaaslike owerheid en die gemeenskap geloof. Sy het die belangrikheid van vroeë kinderontwikkelingsprogramme beklemtoon.
“Die fondament moet reg gelê word as ons gesonde, produktiewe burgers wil ontwikkel,” het sy gesê.
Sy het die skool beskryf as ’n reusehupstoot vir die nedersetting se ontwikkeling en het ouers en gemeenskapslede aangemoedig om met klein donasies en instandhouding te help.
Die AAF het die afgelope vyf jaar ECD-sentrums in die Hardap- en //Kharasstreek ten bedrae van N$5 miljoen ontwikkel.
Vroeër in Junie is ’n ECD-sentrum ook op Koës ingewy. Dit is deur die ministerie gebou terwyl die stigting vir die oprigting van ’n heining betaal het. – Nampa
Die sentrum van N$1,1 miljoen beskik oor twee klaskamers, toilette, ’n kantoor, kombuis, spens, en ’n speelruimte binne en buite.
Die sentrum is gevestig danksy die inisiatief van ma en dogter Maria Meyer en Nadia van Rooyen wat die skool in 2011 in ’n sinkplaatgeboutjie agter in hul erf begin het.
Van Rooyen, wat van Bethanie kom en ’n onderwyser op Oranjemund is, het daarna begin soek na ’n borg om dit ’n volwaardige leersentrum te maak en het drie jaar gelede by die stigting aangeklop.
Teen daardie tyd het Meyer ’n stuk grond oorkant haar huis by die Bethanie-dorpsraad bekom. Nadat die AAF laat verlede jaar sy steun aan die projek toegesê het, is die grond aan die raad teruggegee aangesien die stigting nie projekte ondersteun wat aan individue behoort nie.
Dus behoort die sentrum nou aan die dorpsraad, maar word dit deur ma en dogter met die bystand van twee versorgers bestuur. Die skool is elke maand verantwoordelik vir die betaling van munisipale heffings, terwyl die 38 kinders wat daar geregistreer is, N$100 per maand betaal.
Tydens die amptelike opening wat deur die adjunkminister van geslagsgelykheid en kinderwelsyn, me. Lucia Witbooi, waargeneem is, het sy die vennootskap tussen die ministerie, die stigting, die plaaslike owerheid en die gemeenskap geloof. Sy het die belangrikheid van vroeë kinderontwikkelingsprogramme beklemtoon.
“Die fondament moet reg gelê word as ons gesonde, produktiewe burgers wil ontwikkel,” het sy gesê.
Sy het die skool beskryf as ’n reusehupstoot vir die nedersetting se ontwikkeling en het ouers en gemeenskapslede aangemoedig om met klein donasies en instandhouding te help.
Die AAF het die afgelope vyf jaar ECD-sentrums in die Hardap- en //Kharasstreek ten bedrae van N$5 miljoen ontwikkel.
Vroeër in Junie is ’n ECD-sentrum ook op Koës ingewy. Dit is deur die ministerie gebou terwyl die stigting vir die oprigting van ’n heining betaal het. – Nampa
Kommentaar
Republikein
Geen kommentaar is op hierdie artikel gelaat nie