Eagles trek noustrop

Krieket

30 April 2021 | Sport
Tielman van Lill – Die hoë verwagtinge dat Namibië reeds gister die eendagreeks teen 'n Ontluikende Suid-Afrikaanse span sou beklink, het onverwags verdwyn en die reeks is skielik springlewendig met môre se bepalende ontmoeting wat voorlê.

Die Eagles (139 almal uit) kon gister nie die mas opkom in die tweede Castle Lite-eendagwedstryd by Wanderers nie, nadat hulle die toerspan vir net 'n beskeie 196 uitgeboul het.

Die Eagles het die loot gewen en soos Dinsdag besluit om eerste veldwerk te doen. Die kolfblad wat die draaiboulers bevoordeel het, het vir vyf paaltjies tussen Nicol Loftie-Eaton (3/37 in 8, teen 4.62), Gerhard Erasmus (1/18 in 3 teen 6.00) en Bernard Scholtz (1/30 in 10) gesorg.

Met die SA span op 118/5 ná die 30ste boulbeurt, wou dit lyk of hulle weer vir 240 lopies kon mik. Maar met goeie boulwerk en puik veldplasings smyt die besoekers hul laaste vyf paaltjies vir 'n karige 78 lopies weg. Hoewel die Eagles die groen Proteas vir 196 almal uitboul (45.5 boulbeurte), kon die Eagles dié keer nie die uitklophou met die kolf plant nie.

Stephen Baard, wat saam met Zane Green die Eagles se beurt geopen het, is die enigste topkolwer wat lopies kon maak. Baard slaan 37 van 34 aflewerings (6x4, 1x6) voor hy deur Wandile Makwetu agter die paaltjies uitgevang word.

Die Eagles steier onverwags tot 5/70 en verloor nóg drie paaltjies vir slegs 51 lopies. Ruben Trumpelmann op nommer nege het sy bes saam met Scholtz op tien (5* van 11 b, 1x4) en Ben Shikongo op elf (2 van 8 b) gelewer, maar hy word vir 28 (45 balle, 4x4) uitgevang.

Vir die SA span was Stefan Tait die giftigste met 5/27 in 8.4 boulbeurte teen 3.11 wat aan hom die speler van die wedstrydtoekenning besorg. Hy is goed deur Delano Potgieter (2/23 in 6 teen 3.83, 1 leeg) en Dayyaan Galiem (2/44 in 10) ondersteun.

Val van paaltjies vir Ontluikende SA: 1/32 (Joshua Richards, 6.5 boulbeurte), 2/61 (Grant Roelofsen, 15.1), 3/67 (Matthew Breetzke, 16.4), 4/101 (Sinethemba Qeshile, 24.3), 5/106 (Kabelo Sekhukhune, 26.2), 6/127 (Wandile Makwetu, 34.2), 7/143 (Delano Potgieter, 37.4), 8/171 (Dayyaan Galiem, 41.5), 9/172 (Gregory Mahlokwana, 42.3), 10/196 (Jason Smith, 45.5).

Val van paaltjies vir Eagles: 1/54 (Stephan Baard, 8.4), 2/62 (JP Kotze, 9.6), 3/63 (Zane Green, 10.4), 4/69 (Gerhard Erasmus, 12.6), 5/70 (Craig Williams, 14.1), 6/75 (Nicol Loftie-Eaton, 16.3), 7/80 (Jan Frylinck, 17.1), 8/121 (JJ Smit, 23.5), 9/133 (Ruben Trumpelmann, 28.3), 10/139 (Ben Shikongo, 30.4).

• Spel in môre se beslissende laaste wedstryd van die toer begin om 10:00. Namibië het reeds die T20-reeks met 2-1 beklink.

Soortgelyk

 

Profeet TB Joshua sterf

6 ure gelede | Mense

Die bekende evangelis en filantroop, past. Temitope Balogun (TB) Joshua, is dood.Is het Saterdagaand, 'n week voor sy 58ste verjaardag, in Lagos, Nigerië gesterf, berig...

Polisieman in Kuisebmond doodgesteek

15 ure gelede | Misdaad

'n Konstabel wat by die polisiekantoor in Kuisebmond diens doen, is in die vroeë oggendure Saterdag dood nadat hy naby sy meisie se huis deur...

Ses sterftes stoot syfer oor 900, 480 nuwe gevalle

22 ure gelede | Gesondheid

Ses nuwe sterftes stoot die totale syfer vir Namibië oor die 900-kerf tot 905. Die sterftes is vier in Windhoek en een elk in Outjo...

Covid-19: Gevalle styg in 24 uit 35 distrikte

1 dag gelede | Gesondheid

Namibië bly in die kloue van ‘n nuwe brander Covid-19-infeksies.Gedurende die sewe dae tot Donderdag het nuwe gevalle in 24 van die land se 35...

22 sterftes, 596 nuwe gevalle

1 dag gelede | Gesondheid

Die Covid-19-verwante sterftesyfer vir Namibië skiet met nog 22 - 12 in Windhoek, twee in onderskeidelik Rehoboth en Walvisbaai, drie in Mariental en een elk...

Rehoboth soek strenger aandklok-monitering teen Covid

2 dae gelede | Gesondheid

Die United People's Movement (UPM) het die streeksbevelvoerder van die polisie in die Hardapstreek, komm. Andries van der Byl, gevra vir polisieversterkings op Rehoboth sodat...

Beesvleisforum vorder met abattoirplan

2 dae gelede | Landbou

Ronelle Rademeyer – ’n Groep bekommerde beesprodusente wat ten alle koste Namibië se nismarkte in die buiteland vir die voortbestaan van dié bedryf wil beskerm,...

Avonturier verdrink byna tydens riviervaart

2 dae gelede | Mense

Ronelle Rademeyer – ’n Suid-Afrikaanse avonturier wat verlede week ná 55 dae en 2 200 km in sy geel roeiboot die Oranjerivier se monding by...

Harmse on unlimiting the future

2 dae gelede | Mense

Barney Harmse was born in Mafikeng in South Africa in 1970 and his family moved to Namibia when he was just four years old. From...