Eagles maak dit 2-0

Andrew Poolman – Gerhard Erasmus, spankaptein, was die speler van die wedstryd met ’n onoorwonne vyftigtal vir die Namibiese Eagles toe hulle gister die tweede T20-wedstryd teen die besoekende Titans naelskraap gewen het.Die wenlopie is eers met die heel laaste bal behaal danksy JJ Smit (1*) se enkellopie, nadat die bouler Ayabulela Gqamane vroeg in die boulbeurt die paaltjie van Nicol Loftie-Eaton (7 van 13 balle) geneem het.Die Eagles, wat met 2-0 voorloop, kan nou nie meer die reeks verloor nie, met net twee wedstryde wat by die Wanderers-veld oorbly (vandag en môre, vanaf 14:00).Erasmus het gister met 62 nie uit nie geëindig (46 balle, vier viere, drie sesse). Hoewel Stephen Baard vir ’n nul verloor is, het Zane Green (29 van 26 balle) en Michael van Lingen (40 van 30 balle) die tuisspan op koers gehou totdat hul kaptein die afrondingswerk gedoen.Die Titans het vroeër met 152/9 ’n uitdagende wenteiken gestel, wat aan Neil Brand (39), Theunis de Bruyn (32) en later Gihahn Cloete (24) te danke was.Namibië se snelbouler Ruben Trumpelmann het 3/25 (4 bb) teen sy ou spanmaats geneem. Michael van Lingen en JJ Smit het ook elk twee paaltjies geneem.

Eagles maak dit 2-0

Kommentaar

Republikein 2025-12-18

Meld asseblief aan om kommentaar te lewer

Eagles maak dit 2-0

Kommentaar

Republikein 2025-12-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.