Eagles het reeks nog nie gewen

Andrew Poolman – Die Vrystaatse Knights het verlore eer herwin en verhinder dat die Namibiese Eagles die vriendskaplike reeks van vyf T20-wedstryde beklink, toe die tuisspan gister op die Mangaung-ovaal in Bloemfontein met 21 lopies die knoop deurgehaak het.Gerhard Erasmus en sy Namibiese span bly die voorloper met 2-1, met net vandag en môre se wedstryde wat oorbly.Die Knights se kaptein Pite van Biljon het die loot gewen en gekies om eerste te kolf. Sy span het op 153/6 geëindig, ná 'n flink begin deur Jacques Snyman (20 van 14 balle) en Matthew Kleinveld (19 van 16 balle).Die Vrystaters se topkolwer was nommer drie Raynard van Tonder, die SA o.19-kaptein van drie jaar gelede, wie se 44 lopies van 21 balle twee sesse en 'n ses bevat het voordat Bernard Scholtz hom skoongeboul het. Kaptein Van Biljon het 22 bygedra, terwyl die gewese Protea-speler Farhaan Behardien met 'n handige 31 lopies van 18 balle vorendag gekom het.Van die Namibiërs was JJ Smit met 2/22 in 4 bb die mees ekonomiese bouler, terwyl Bernard Scholtz hom ook met 2/17 in 3 laat geld het. Vreemd genoeg vir T20-krieket het die Namibiërs daarin geslaag om ses leë boulbeurte af te stuur – twee deur Scholtz en een elk deur Ruben Trumpelmann (1/32 in 4), JJ Smit, Michael van Lingen (0/15 in 2) en Pikky ya France (1/16 in 2).Die Namibiese antwoord het belowend begin met sy topdrie van Stephen Baard (24 van 19 balle), Zane Green (23 van 24 balle) en Craig Williams (30 van 21 balle, 1x4 2x6), maar hierna het die kolfbeurt uitgerafel om op 132/9 te eindig. Niemand anders kon dubbelsyfers kry nie, behalwe die laaste kolfpaar Trumpelmann (17* van 11 balle, 2x6) en Scholtz (10* van 10 balle).

Eagles het reeks nog nie gewen

Kommentaar

Republikein 2026-03-04

Meld asseblief aan om kommentaar te lewer

Eagles het reeks nog nie gewen

Kommentaar

Republikein 2026-03-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.