Eagles bly stel hoë standaard
Die tuisspan is oorgehaal vir nóg ’n harde stryd in die langer formaat.
Tielman van Lill
Ná die Eagles se reekssege van 2-1 in die naweek se Castle Lite T20-wedstryde teen die Ontluikende Proteas, is die tafel gedek vir die drie eendagwedstryde tussen die twee spanne wat vandag, Donderdag en Saterdag by Wanderers voorlê. Spel begin daagliks om 10:00.
Gerhard Erasmus, kaptein van die Eagles, en sy manne het ná Vrydag se eerste glips na snelrat oorgeskakel en die besoekers twee keer op aanskoulike wyse geklop.
Zane Green se terugkeer tot die Eagles ná ’n voetbesering het seepglad verloop en hy kan in die 50-boulbeurtwedstryde hom weer voor die penne ingrawe. Hy het Sondag sy waarde met ’n blitsige 63 lopies van slegs 38 aflewering teen bykans tien lopies per boulbeurt gewys.
Stephen Baard sal moontlik saam met Green die Eagles se kolfbeurt open. Baard het met die onlangse besoek van Uganda 145 van 105 balle (15x4, 3x6) geslaan. Voor sy eerste kennismaking met die groen Proteas se boulaanval behoort sy spanmaats hom genoeg van die snellers en draaiers se kunsies te kan vertel.
Craig Williams is ook weer beskikbaar en sal graag op sy 56 lopies (54 balle, 5x4, 2x6) in die eerste T20 met ewe goeie kolfbeurte wil voortbou. Sy akkurate mediumspoed naatballe kan in die langer formaat ook ’n belangrike rol speel.
Pierre de Bruyn, hoofafrigter van die Eagles, is uitgevra oor hul planne en vooruitsigte vir vandeesweek se drie wedstryde.
“Ons het ’n witbalwedstrydplan wat vir beide die T20- en eendagformate geld, maar natuurlik is daar ’n wesenlike verskil tussen die twee kodes. Met die 50-boulbeurtkragmetings is daar meer tyd vir die kolwers om hulle in te speel, maar ons besluitneming, denkwyse en die intensiteit van ons benadering verskil nie van die T20 nie.
“Om die wedstryd oor ’n langer tydperk te bestuur, is belangrik en om momentum aan ons kant te kry. As die momentum daar is, moet dit behou word en as ons dit verloor, moet die spelers sorg dat dit weer in ons guns swaai.
“Ons het laas naweek in die T20’s baie goed daarin geslaag om momentum op te bou en die druk vol te hou. Ons het wel die eerste kragmeting verloor, maar uiteindelik was dit tien persent wat het ons die uitslag gekos het. Ons het 15 ekstra lopies gekort vir ’n sege, maar die Eagles het steeds goeie krieket gespeel.
“Ek dink die naweek se uitslae en ondervinding vir die spelers is van kardinale belang. Die harde en kompeterende krieket is presies hoekom ons hierdie reeks gereël het. Dit was om die span en elke individu op ’n hoër vlak van intensiteit te toets en dit is presies wat ons bereik het.
“Sondag se T20 het dalk maklik gelyk (Namibië het ’n reusetotaal van 230/6 opgestapel), maar alle krediet aan die spelers wat ’n genadelose aanslag gelewer het. Ses kolwers het betekenisvolle lopies geslaan, elke bouler het sy deel gedoen het en die veldwerk was van topgehalte.
“Sondag se sege was die kersie op die koek, hoe ons die reeks afgesluit het. Dit is fantastiese voorbereiding vir ons T20 Wêreldbekerveldtog.
“Daar is strawwe mededinging tussen die spelers vir plek in die span en dit is gesond vir ons krieket. Nou vergeet ons van die T20-seges en konsentreer opnuut op die drie 50-beurtwedstryde wat voorlê. Dit dien as voorbereiding vir ons internasionale eendagkompetisie wat voorlê.
“Ek voorspel dit gaan drie bitter harde wedstryde wees, want die Suid-Afrikaners is ’n goeie span en hulle het ’n punt om te bewys. Met Stephen en Craig terug word ons kolflys baie versterk.
“Ek is bly dat Michael (Van Lingen) Sondag goed geboul het én met die kolf bygedra het. Mauritius (Ngupita) het ook uitsonderlik as jong draaibouler gevaar (2/27 in drie boulbeurte).
“Jong spelers moet die geleentheid kry om ervaring op te doen, maar die wenkultuur moet voortgesit word. Ek krap nog bietjie kop oor my spankeuse vir (vandag), maar dit is ’n lekker gevoel. Ons sien natuurlik weer baie uit na die uitdaging wat op die Eagles wag.”
’n Moontlike elftal vir die Eagles: Zane Green, Stephen Baard, Craig Williams, Gerhard Erasmus, Nicol Loftie-Eaton, JP Kotzé, JJ Smit, Jan Frylinck, Ruben Trumpelmann, Bernard Scholtz, Mauritius Ngupita.
– [email protected]
Ná die Eagles se reekssege van 2-1 in die naweek se Castle Lite T20-wedstryde teen die Ontluikende Proteas, is die tafel gedek vir die drie eendagwedstryde tussen die twee spanne wat vandag, Donderdag en Saterdag by Wanderers voorlê. Spel begin daagliks om 10:00.
Gerhard Erasmus, kaptein van die Eagles, en sy manne het ná Vrydag se eerste glips na snelrat oorgeskakel en die besoekers twee keer op aanskoulike wyse geklop.
Zane Green se terugkeer tot die Eagles ná ’n voetbesering het seepglad verloop en hy kan in die 50-boulbeurtwedstryde hom weer voor die penne ingrawe. Hy het Sondag sy waarde met ’n blitsige 63 lopies van slegs 38 aflewering teen bykans tien lopies per boulbeurt gewys.
Stephen Baard sal moontlik saam met Green die Eagles se kolfbeurt open. Baard het met die onlangse besoek van Uganda 145 van 105 balle (15x4, 3x6) geslaan. Voor sy eerste kennismaking met die groen Proteas se boulaanval behoort sy spanmaats hom genoeg van die snellers en draaiers se kunsies te kan vertel.
Craig Williams is ook weer beskikbaar en sal graag op sy 56 lopies (54 balle, 5x4, 2x6) in die eerste T20 met ewe goeie kolfbeurte wil voortbou. Sy akkurate mediumspoed naatballe kan in die langer formaat ook ’n belangrike rol speel.
Pierre de Bruyn, hoofafrigter van die Eagles, is uitgevra oor hul planne en vooruitsigte vir vandeesweek se drie wedstryde.
“Ons het ’n witbalwedstrydplan wat vir beide die T20- en eendagformate geld, maar natuurlik is daar ’n wesenlike verskil tussen die twee kodes. Met die 50-boulbeurtkragmetings is daar meer tyd vir die kolwers om hulle in te speel, maar ons besluitneming, denkwyse en die intensiteit van ons benadering verskil nie van die T20 nie.
“Om die wedstryd oor ’n langer tydperk te bestuur, is belangrik en om momentum aan ons kant te kry. As die momentum daar is, moet dit behou word en as ons dit verloor, moet die spelers sorg dat dit weer in ons guns swaai.
“Ons het laas naweek in die T20’s baie goed daarin geslaag om momentum op te bou en die druk vol te hou. Ons het wel die eerste kragmeting verloor, maar uiteindelik was dit tien persent wat het ons die uitslag gekos het. Ons het 15 ekstra lopies gekort vir ’n sege, maar die Eagles het steeds goeie krieket gespeel.
“Ek dink die naweek se uitslae en ondervinding vir die spelers is van kardinale belang. Die harde en kompeterende krieket is presies hoekom ons hierdie reeks gereël het. Dit was om die span en elke individu op ’n hoër vlak van intensiteit te toets en dit is presies wat ons bereik het.
“Sondag se T20 het dalk maklik gelyk (Namibië het ’n reusetotaal van 230/6 opgestapel), maar alle krediet aan die spelers wat ’n genadelose aanslag gelewer het. Ses kolwers het betekenisvolle lopies geslaan, elke bouler het sy deel gedoen het en die veldwerk was van topgehalte.
“Sondag se sege was die kersie op die koek, hoe ons die reeks afgesluit het. Dit is fantastiese voorbereiding vir ons T20 Wêreldbekerveldtog.
“Daar is strawwe mededinging tussen die spelers vir plek in die span en dit is gesond vir ons krieket. Nou vergeet ons van die T20-seges en konsentreer opnuut op die drie 50-beurtwedstryde wat voorlê. Dit dien as voorbereiding vir ons internasionale eendagkompetisie wat voorlê.
“Ek voorspel dit gaan drie bitter harde wedstryde wees, want die Suid-Afrikaners is ’n goeie span en hulle het ’n punt om te bewys. Met Stephen en Craig terug word ons kolflys baie versterk.
“Ek is bly dat Michael (Van Lingen) Sondag goed geboul het én met die kolf bygedra het. Mauritius (Ngupita) het ook uitsonderlik as jong draaibouler gevaar (2/27 in drie boulbeurte).
“Jong spelers moet die geleentheid kry om ervaring op te doen, maar die wenkultuur moet voortgesit word. Ek krap nog bietjie kop oor my spankeuse vir (vandag), maar dit is ’n lekker gevoel. Ons sien natuurlik weer baie uit na die uitdaging wat op die Eagles wag.”
’n Moontlike elftal vir die Eagles: Zane Green, Stephen Baard, Craig Williams, Gerhard Erasmus, Nicol Loftie-Eaton, JP Kotzé, JJ Smit, Jan Frylinck, Ruben Trumpelmann, Bernard Scholtz, Mauritius Ngupita.
– [email protected]
Kommentaar
Republikein
Geen kommentaar is op hierdie artikel gelaat nie