Dwergpotvis spoel uit by Stilbaai
Die karkas van ’n dwergpotvis (Kogia breviceps) is Donderdag op die strand by Lappiesbaai in Stilbaai gekry.
Die dwergpotvis, ’n klein walvisspesie, het Woensdag omstreeks 16:30 die eerste keer op die strand uitgespoel en toe nog geleef, sê Loren George, ’n woordvoerder van CapeNature.
Die Nasionale Seereddingsinstituut (NSRI) in Stilbaai en CapeNature is ontbied om hom terug in die water te help.
Hulle het hom met behulp van die deining en swemmers wat hom aangehelp het, in die see teruggestoot, sê George.
Vroeg Donderdagoggend het CapeNature weer op die vis afgekom toe hulle die gebied gepatrolleer het.
Hy het in die nag gevrek en sy karkas het uitgespoel. Daar is snye en kneusplekke aan die karkas, maar die rede vir die stranding is nog onbekend. Dit is volgens haar slegs die tweede keer sedert 2008 dat ’n dwergpotvis op dié strand uitspoel.
Die vis is sowat 3 m lank en weeg tussen 350 kg en 400 kg. – Netwerk24
Die dwergpotvis, ’n klein walvisspesie, het Woensdag omstreeks 16:30 die eerste keer op die strand uitgespoel en toe nog geleef, sê Loren George, ’n woordvoerder van CapeNature.
Die Nasionale Seereddingsinstituut (NSRI) in Stilbaai en CapeNature is ontbied om hom terug in die water te help.
Hulle het hom met behulp van die deining en swemmers wat hom aangehelp het, in die see teruggestoot, sê George.
Vroeg Donderdagoggend het CapeNature weer op die vis afgekom toe hulle die gebied gepatrolleer het.
Hy het in die nag gevrek en sy karkas het uitgespoel. Daar is snye en kneusplekke aan die karkas, maar die rede vir die stranding is nog onbekend. Dit is volgens haar slegs die tweede keer sedert 2008 dat ’n dwergpotvis op dié strand uitspoel.
Die vis is sowat 3 m lank en weeg tussen 350 kg en 400 kg. – Netwerk24
Kommentaar
Republikein
Geen kommentaar is op hierdie artikel gelaat nie