Dwergkameelperd ook in Namibië gevind

Nóg een is in Uganda

05 January 2021 | Omgewing
Francoise Steynberg – Navorsers van die Giraffe Conservation Foundation (GCF) het onlangs 'n navorsingstuk in BMC Research Notes gepubli­seer met die nuus dat twee dwergkameelperde in Afrika gevind is.

Die een dwergkameelperd is op 'n plaas in sentraal-Namibië opgespoor en die ander een in Murchison Falls Nasionale Park in Uganda.

“Hierdie studie verteenwoordig die eerste bekende weergawes van dwergkameelperde in wetenskaplike literatuur,” sê die hoofouteur van die navorsingstuk, dr. Michael Brown.

“Hierdie kameelperde is op 'n plaas in sentraal-Namibië gevind tydens fotografiese waarnemings deur GCF om hul getalle, bevolkingsdinamika en verspreiding van kameelperde oraloor Afrika te bepaal.

“Daar is bevind dat hierdie kameelperde in vergelyking korter bene het as ander kameelperde van hul ouderdom.”

Brown sê gevalle van wilde diere met hierdie tipe groei-afwyking van die skelet is buitengewoon skaars.

“Dit is nog 'n interessante bevinding in die unieke verhaal van kameelperde in hierdie uiteenlopende ekosisteme.”

Dwergkameelperd Nigel van Namibië is volgens Brown in 2014 gebore en sy unieke liggaamsvorm is eers raakgesien toe hy vier jaar oud was. Dit is 'n ouderdom wanneer kameelperdbulle naby volwassenheid en ten volle uitgegroei is.

“Die boer het Nigel oor die jare gereeld gesien, maar dit is eers ná GCF se waarnemings dat hy besef het Nigel is nie 'n jong kameelperd nie, maar 'n uitgegroeide kameelperdbul.

“Dit is eers as hy met ander kameelperde vergelyk word, dat die verskil in sy statuur opgemerk word,” sê mede-outeur en kameelperdnavorser, me. Emma Wells.

Volgens GCF het kameelperdbevolkings die afgelope 30 jaar oraloor Afrika verklein, wat tot 'n stille uitwissingskrisis gelei het. Daar is vandag slegs 111 000 kameelperde in die wildernis in Afrika oor, volgens GCF.

“Die feit dat hierdie die eerste be­skrywing van dwergkameelperde is, is 'n voorbeeld van hoe min ons van hierdie charismatiese diere weet,” sê dr. Julian Fennessy, direkteur en medestigter van die GCF.

“Dit is maar onlangs dat ons navorsing getoon het dat daar vier verskillende kameelperdspesies is. Daar is nog so baie om te leer oor kameelperde in Afrika.”

– [email protected]

Soortgelyk

 

Vrou woon in haar motor by hospitaal

7 ure gelede | Mense

Henriette Lamprecht – 'n Bejaarde vrou van die kus woon die afgelope week in haar motor in die parkeerterrein van 'n staatshospitaal in Windhoek om...

Toekoms van 77 Air Nam-vlieëniers onseker

7 ure gelede | Vervoer

Francoise Steynberg – Altesaam 77 vlieëniers van Air Namibia se toekoms is onseker. Boonop het bykans 75% van die redery se vlieëniers se lisensies verval...

Ses damme voller as 100%

7 ure gelede | Weer

Elvira Hattingh – Terwyl altesaam sowat ses Namibiese damme tans 100% of meer water bevat, oorstroom die Zambezirivier sy walle, met water wat in die...

Weer vir 24 Februarie

7 ure gelede | Weer

WEERWAAK: Wydverspreide donderbuie word in Ohangwena, Oshikoto, Otjozondjupa en Omaheke verwag. BINNELAND: Sonnig en warm in die Suide en Weste, andersins gedeeltelik bewolk en baie...

'Swak bestuur rede vir Meatco se krisis'

7 ure gelede | Byvoegsels

Ellanie Smit - Volgens ’n verslag wat aan die ministerie van staatsondernemings (SOE's) voorgelê is, staar Meatco likwidasie in die gesig indien hy nie kostes...

Hof kry Heritage Health voor stok

7 ure gelede | Gesondheid

Henriette Lamprecht – Die mediese fonds Heritage Health het 'n bloutjie in die hoërhof geloop nadat hy sy jaarlikse premies wou verhoog, maar dié stap...

'IEB in nuwe formaat is hier om te bly'

7 ure gelede | Onderwys

Henriette Lamprecht – Die nuwe leerplan vir skole in Namibië wat die Onafhanklike Eksamenraad (IEB)-stelsel volg, is vergelykbaar met die Namibiese Senior Sekondêre Sertifikaat (SSS)...

#Indigiwalk Namibia in die pyplyn

7 ure gelede |

Augetto Graig – Die pad na 'n beter wêreld is eensaam en lank en mnr. Craig (Q7) Beckett, 'n Suid-Afrikaanse Khoisan-jagter, geneser en menseregte-aktivis, sal...

‘Geen personeel betrokke by stropery’

7 ure gelede | Ministeries

Francoise Steynberg Die ministerie van die omgewing, bosbou en toerisme het bevestig dat geen van sy personeel by wildstropery betrokke was nie en stropery het...