Duo haal Covid oor die kole in nuwe snit

Lize Ehlers, die plaaslike musiekveteraan en die stigter en direkteur van die RMB Song Night, het met een van die oorspronklike stemme van dié inisiatief kragte saamgespan om vandeesmaand ’n nuwe enkelsnit “Ma se Maniere” vry te stel.

Met dié snit vier Ehlers en Sade die lang pad wat die Namibiese musiekbedryf die afgelope tien jaar gestap het, en wys hulle ook hoe dié bedryf oor die jare gegroei het.

Hierdie Afrikaanse Amapiano-oorwurm praat direk met die Covid-19-virus en sê: “As jy jou ma se maniere gehad het, sou jy stop met dít wat jy nou doen.”

Amapiano (Zoeloe vir “die klaviere”) is 'n styl van house-musiek wat in 2012 in Suid-Afrika gebore is. Amapiano is 'n hibriede van diep house, jazz en kroegmusiek.

As ma’s en vroue verken Lize en Sade hul vrouwees, hul sterk punte en hul vreugdes.

BLOKKIE

Die musiekvideo:

Klankmenger – DJ Chronic

Produksie en kreatiewe regie – Lize Ehlers en Hendrik Ehlers

Kamerawerk – CoolCat Productions

Videoregie – Martin Amushendje

Fotografie – Lazarus Hishekwa

Kyk hier na die musiekvideo vir “Ma se Maniere” (QR): https://q.my.na/IB4X