Dundee stel voorbeeld
‘n Plaaslike mynboumaatskappy is agter die nuwe TB-saal vir kinders by die Tsumeb-distrikshospitaal.
Augetto Graig - Die Tsumeb-distrikshospitaal het ’n splinternuwe tuberkulose (TB)-saal vir kinders.
Dié eenheid ter waarde van N$860 000 is deur die Dundee Precious Metals Tsumeb-gemeenskaptrust geskenk. Die plaaslike mynbou- en smeltermaatskappy se afdeling vir sosiale verantwoordelikheid het in die mediese toerusting, opknapping en bouwerk van die fasiliteit belê. Die ten volle toegeruste saal is op 12 September aan die ministerie van gesondheid en maatskaplike dienste op die dorp oorhandig.
Dundee se adjunkpresident en besturende direkteur, mnr. Zebra Kasete, was by die geleentheid waar hy namens die trust ’n bykomende skenking van N$650 000 se mediese toerusting aan die hospitaal gegee het.
“Ons by Dundee gee om vir die mense in ons gemeenskap, dus is die bevordering van hul gesondheid vir ons belangrik,” het hy gesê. “Ons moet vinnig optree om TB uit te wis, maar ons kan dit net doen as ons saamstaan.”
Die minister van gesondheid, dr. Bernard Haufiku, was ook by die oorhandiging teenwoordig. Hy het gesê die regering waardeer alle bystand met die groot taak om gesondheidsdienste aan sowat 2,2 miljoen Namibiërs te verskaf wat daarop staatmaak.
“Verouderde infrastruktuur tel onder die uitdagings wat my ministerie daagliks in die gesig staar,” het hy gesê, en ook verwys na die Tsumeb-distrikshospitaal. “Hierdie uitdagings is ’n groot struikelblok in terme van die lewering van ’n gehalte gesondheidsdiens vir almal wat in Namibië woon.”
Volgens die minister is TB ’n groot gevaar wêreldwyd, maar veral in Namibië. In 2016 is 9 154 gevalle van TB hier aangeteken. Die 8 854 gevalle wat in 2017 aangemeld is, dui op ’n vermindering van 3%, het Haufiku gesê.
Tot op hede is reeds 8 575 gevalle vanjaar aangemeld.
In 2017 is daar landswyd 51 gevalle van kinders met TB aangemeld, waarvan 25 by die Tsumeb distrikshospitaal versorg is. Een van dié kinders het weens die siekte beswyk.
“Hoewel daar minder nuwe TB-gevalle is, moet ons nog steeds aandag gee aan hoe dit behandel word en watter sorg aan TB-pasiënte verleen word,” het die minister gesê. “Ons moet vennootskappe met almal aangaan om gesamentlik die Wêreldgesondheidsorganisasie se strategie na te streef, naamlik om TB teen 2035 uit die wis.
Haufiku het gesê Dundee stel ’n voorbeeld wat ander groot Namibiese maatskappye moet volg. “Ons het tans ’n TB-saal by die Keetmanshoop-hospitaal wat bykans reg is vir gebruik, maar wat toe staan weens ’n loongeskil met ’n kontrakteur. Dit lei tot hoofbrekens. Ons het nie net goeie prokureurs nodig om hierdie geskil te help oplos nie, maar ook finansiële hulp om daarvoor te betaal, sodat ons hierdie belangrike saal in gebruik kan neem,” het hy gesê.
’n Tekort aan spasie is ’n probleem by die Engela-hospitaal in die Ohangwenastreek, waar pasiënte wat aan verskillende soorte TB ly, in die selfde saal moet lê. Die Anglikaanse Kerk het ingestem om die Odibo-gesondheidsentrum in ’n TB-hospitaal vir die streek te omskep, maar “dit alles kos geld wat die ministerie nie op die oomblik het nie”, aldus Haufiku.
Hy het gesê die Okahao-hospitaal is nog ’n probleem, terwyl die Rundu-kraamsaal nou eers 87% voltooi is. Nog ’n geskil oor geld verhoed die gebruik daarvan. “As enige iemand in Dundee se voetspore wil volg, kan ons ten minste een of twee van hierdie sale voltooi en vir die pasiënte wat dit nodig het, ’n bed verskaf.”
Dié eenheid ter waarde van N$860 000 is deur die Dundee Precious Metals Tsumeb-gemeenskaptrust geskenk. Die plaaslike mynbou- en smeltermaatskappy se afdeling vir sosiale verantwoordelikheid het in die mediese toerusting, opknapping en bouwerk van die fasiliteit belê. Die ten volle toegeruste saal is op 12 September aan die ministerie van gesondheid en maatskaplike dienste op die dorp oorhandig.
Dundee se adjunkpresident en besturende direkteur, mnr. Zebra Kasete, was by die geleentheid waar hy namens die trust ’n bykomende skenking van N$650 000 se mediese toerusting aan die hospitaal gegee het.
“Ons by Dundee gee om vir die mense in ons gemeenskap, dus is die bevordering van hul gesondheid vir ons belangrik,” het hy gesê. “Ons moet vinnig optree om TB uit te wis, maar ons kan dit net doen as ons saamstaan.”
Die minister van gesondheid, dr. Bernard Haufiku, was ook by die oorhandiging teenwoordig. Hy het gesê die regering waardeer alle bystand met die groot taak om gesondheidsdienste aan sowat 2,2 miljoen Namibiërs te verskaf wat daarop staatmaak.
“Verouderde infrastruktuur tel onder die uitdagings wat my ministerie daagliks in die gesig staar,” het hy gesê, en ook verwys na die Tsumeb-distrikshospitaal. “Hierdie uitdagings is ’n groot struikelblok in terme van die lewering van ’n gehalte gesondheidsdiens vir almal wat in Namibië woon.”
Volgens die minister is TB ’n groot gevaar wêreldwyd, maar veral in Namibië. In 2016 is 9 154 gevalle van TB hier aangeteken. Die 8 854 gevalle wat in 2017 aangemeld is, dui op ’n vermindering van 3%, het Haufiku gesê.
Tot op hede is reeds 8 575 gevalle vanjaar aangemeld.
In 2017 is daar landswyd 51 gevalle van kinders met TB aangemeld, waarvan 25 by die Tsumeb distrikshospitaal versorg is. Een van dié kinders het weens die siekte beswyk.
“Hoewel daar minder nuwe TB-gevalle is, moet ons nog steeds aandag gee aan hoe dit behandel word en watter sorg aan TB-pasiënte verleen word,” het die minister gesê. “Ons moet vennootskappe met almal aangaan om gesamentlik die Wêreldgesondheidsorganisasie se strategie na te streef, naamlik om TB teen 2035 uit die wis.
Haufiku het gesê Dundee stel ’n voorbeeld wat ander groot Namibiese maatskappye moet volg. “Ons het tans ’n TB-saal by die Keetmanshoop-hospitaal wat bykans reg is vir gebruik, maar wat toe staan weens ’n loongeskil met ’n kontrakteur. Dit lei tot hoofbrekens. Ons het nie net goeie prokureurs nodig om hierdie geskil te help oplos nie, maar ook finansiële hulp om daarvoor te betaal, sodat ons hierdie belangrike saal in gebruik kan neem,” het hy gesê.
’n Tekort aan spasie is ’n probleem by die Engela-hospitaal in die Ohangwenastreek, waar pasiënte wat aan verskillende soorte TB ly, in die selfde saal moet lê. Die Anglikaanse Kerk het ingestem om die Odibo-gesondheidsentrum in ’n TB-hospitaal vir die streek te omskep, maar “dit alles kos geld wat die ministerie nie op die oomblik het nie”, aldus Haufiku.
Hy het gesê die Okahao-hospitaal is nog ’n probleem, terwyl die Rundu-kraamsaal nou eers 87% voltooi is. Nog ’n geskil oor geld verhoed die gebruik daarvan. “As enige iemand in Dundee se voetspore wil volg, kan ons ten minste een of twee van hierdie sale voltooi en vir die pasiënte wat dit nodig het, ’n bed verskaf.”
Kommentaar
Republikein
Geen kommentaar is op hierdie artikel gelaat nie