Duitsland beloof entstof vir Namibië
Die Duitse regering se Covid-noodleniging van sowat N$180 miljoen sluit ventilators en hospitaalbeddens in.
Ronelle Rademeyer – Duitsland gaan entstof aan Namibië skenk. Wanneer presies, is nie bekend nie.
Die vrag met noodvoorraad uit Duitsland wat gister in die land aangekom het, bestaan uit persoonlike beskermde drag (PPE’s), insluitend 500 000 maskers en 300 000 oorjasse, asook 60 hospitaalbeddens.
Aanstaande week kom ‘n tweede besending voorrade vir die steierende openbare gesondheidsorgstelsel se stryd teen Covid-19 in die land aan. Dit sal uit 20 000 veiligheidsbrille en 40 000 blitstoetse bestaan.
Dr. Kalumbi Shangula, minister van gesondheid en maatskaplike dienste, het die eerste besending gistermiddag by die Hosea Kutako Internasionale Lughawe in ontvangs geneem nadat dit met ‘n Antonov AN-225 vanuit Leipzig in Duitsland hierheen gebring is.
In die komende weke word 100 000 PCR-toetse, 45 ventilators, 5 000 oksimeters, 'n verdere 15 miljoen maskers en vyf groot ventilators verwag.
Die totale waarde van dié skenkings, wat voorraad is wat aan die Duitse weermag behoort het, beloop N$180 miljoen, het Duitsland se ambassadeur in Namibie, mnr. Herbert Beck, by die lughawe aan joernaliste gesê.
Hy het verder gesê Duitsland het Woensdag besluit om tot die einde van die jaar 30 miljoen dossisse entstof teen Covid-19 aan laer- en middelinkomstelande beskikbaar te stel. Dit is deel van die Europese inisiatief om minstens 130 miljoen dosisse te skenk,” het hy gesê.
Volgens hom sal die die Covax-fasiliteit waarskynlik die grootste deel hiervan versprei soos lande dit nodig het.
Die goeie nuus is dat Duitsland sowat 20%, of 6 miljoen, van sy 30 miljoen-skenking direk na lande met wie hy noue diplomatieke betrekkinge het, sal stuur. Namibië is een van dié lande, het Beck gesê.
Hy het nie gesê wanneer die eerste besending van dié entstof in Namibië sal aankom nie.
Shangula het die oomblik as emosioneel beskryf en gesê die verwoestende derde golf plaas gesondheidsorg onder enorme druk, met hospitale in die private en openbare sektor wat die grootste getal opnames ooit in die geskiedenis beleef.
“Ons stip ook daagliks ongekende hoë getalle sterftes in ons hospitale aan,” het hy gesê en daarop gewys dat die fisieke en sielkundige impak op gesondheidswerkers en ander mense aan die voorfront van die stryd geweldig hoog is.
Baie het siek geword en van hulle het gesterf. Daarom is dit belangrik om alle gesondheidsorgwerkers van PPE’s te voorsien en hulle te beskerm, het hy gesê.
“Ek verkeer nie onder die illusie dat die ergste verby is. Trouens, ’n opdraande stryd lê voor,” was Shangula se woorde.
Die adjunk- eerste minister en minister van internasionale betrekking en samewerking, me. Netumbo Nandi-Ndaitwah, was ook teenwoordig toe die vrag afgelaai is.
Sy sê Duitsland het benewens hierdie mediese voorrade, ook vroeër in die pandemie ‘n helpende hand gereik.
Onder dié hulp was die oprig van ‘n laboratorium vir PCR-toetse by die Universiteit van Namibia en opleiding aan personeel in die gebruik van die toerusting.
Nandi-Ndaitwah het einde Junie deur middel van Namibië se sendings in die buiteland ‘n SOS aan die internasionale gemeenskap vir mediese noodleniging en humanitêre bystand gerig.
[email protected]
Die vrag met noodvoorraad uit Duitsland wat gister in die land aangekom het, bestaan uit persoonlike beskermde drag (PPE’s), insluitend 500 000 maskers en 300 000 oorjasse, asook 60 hospitaalbeddens.
Aanstaande week kom ‘n tweede besending voorrade vir die steierende openbare gesondheidsorgstelsel se stryd teen Covid-19 in die land aan. Dit sal uit 20 000 veiligheidsbrille en 40 000 blitstoetse bestaan.
Dr. Kalumbi Shangula, minister van gesondheid en maatskaplike dienste, het die eerste besending gistermiddag by die Hosea Kutako Internasionale Lughawe in ontvangs geneem nadat dit met ‘n Antonov AN-225 vanuit Leipzig in Duitsland hierheen gebring is.
In die komende weke word 100 000 PCR-toetse, 45 ventilators, 5 000 oksimeters, 'n verdere 15 miljoen maskers en vyf groot ventilators verwag.
Die totale waarde van dié skenkings, wat voorraad is wat aan die Duitse weermag behoort het, beloop N$180 miljoen, het Duitsland se ambassadeur in Namibie, mnr. Herbert Beck, by die lughawe aan joernaliste gesê.
Hy het verder gesê Duitsland het Woensdag besluit om tot die einde van die jaar 30 miljoen dossisse entstof teen Covid-19 aan laer- en middelinkomstelande beskikbaar te stel. Dit is deel van die Europese inisiatief om minstens 130 miljoen dosisse te skenk,” het hy gesê.
Volgens hom sal die die Covax-fasiliteit waarskynlik die grootste deel hiervan versprei soos lande dit nodig het.
Die goeie nuus is dat Duitsland sowat 20%, of 6 miljoen, van sy 30 miljoen-skenking direk na lande met wie hy noue diplomatieke betrekkinge het, sal stuur. Namibië is een van dié lande, het Beck gesê.
Hy het nie gesê wanneer die eerste besending van dié entstof in Namibië sal aankom nie.
Shangula het die oomblik as emosioneel beskryf en gesê die verwoestende derde golf plaas gesondheidsorg onder enorme druk, met hospitale in die private en openbare sektor wat die grootste getal opnames ooit in die geskiedenis beleef.
“Ons stip ook daagliks ongekende hoë getalle sterftes in ons hospitale aan,” het hy gesê en daarop gewys dat die fisieke en sielkundige impak op gesondheidswerkers en ander mense aan die voorfront van die stryd geweldig hoog is.
Baie het siek geword en van hulle het gesterf. Daarom is dit belangrik om alle gesondheidsorgwerkers van PPE’s te voorsien en hulle te beskerm, het hy gesê.
“Ek verkeer nie onder die illusie dat die ergste verby is. Trouens, ’n opdraande stryd lê voor,” was Shangula se woorde.
Die adjunk- eerste minister en minister van internasionale betrekking en samewerking, me. Netumbo Nandi-Ndaitwah, was ook teenwoordig toe die vrag afgelaai is.
Sy sê Duitsland het benewens hierdie mediese voorrade, ook vroeër in die pandemie ‘n helpende hand gereik.
Onder dié hulp was die oprig van ‘n laboratorium vir PCR-toetse by die Universiteit van Namibia en opleiding aan personeel in die gebruik van die toerusting.
Nandi-Ndaitwah het einde Junie deur middel van Namibië se sendings in die buiteland ‘n SOS aan die internasionale gemeenskap vir mediese noodleniging en humanitêre bystand gerig.
[email protected]
Kommentaar
Republikein
Geen kommentaar is op hierdie artikel gelaat nie